കല കുവൈത്ത് 'എന്റെ കൃഷി' സമ്മാനവിതരണം
text_fieldsകുവൈത്ത് സിറ്റി: കല കുവൈത്ത് 'എന്റെ കൃഷി' കാർഷിക മത്സരവിജയികൾക്ക് സമ്മാനവിതരണം നടത്തി. ഒന്നാം സ്ഥാനം നേടിയ ജയകുമാറിന് 'കർഷകശ്രീ' പുരസ്കാരവും രണ്ടാം സ്ഥാനം നേടിയ രാജൻ ലോപ്പസിന് 'കർഷക പ്രതിഭ' പുരസ്കാരവും മൂന്നാം സ്ഥാനം നേടിയ അൻസൺ പത്രോസിന് 'കർഷകമിത്ര' പുരസ്കാരവും നൽകി. 19 പേർക്ക് പ്രോത്സാഹന സമ്മാനവും വിതരണം ചെയ്തു. അഞ്ഞൂറോളം പേരാണ് ഫ്ലാറ്റിലും ബാൽക്കണിയിലും കൃഷി ചെയ്ത് മത്സരത്തിൽ പങ്കാളിയായത്.
'കൃഷി, സംസ്കാരം, അതിജീവനം' എന്ന പേരിൽ സെമിനാറും നടത്തി. ആക്ടിങ് പ്രസിഡൻറ് ശൈമേഷ് അധ്യക്ഷത വഹിച്ചു. യുനൈറ്റഡ് സ്കൂൾ മാനേജർ അഡ്വ. ജോൺ തോമസ് സെമിനാർ ഉദ്ഘാടനം ചെയ്തു. 'എന്റെ കൃഷി' ജനറൽ കൺവീനർ ഷാജു വി. ഹനീഫ് റിപ്പോർട്ട് അവതരിപ്പിച്ചു. കല കുവൈത്ത് ജനറൽ സെക്രട്ടറി ജെ. സജി, വനിതാവേദി പ്രസിഡൻറ് സജിത സ്കറിയ എന്നിവർ സംസാരിച്ചു. ട്രഷറർ അജ്നാസ് മുഹമ്മദ് സ്വാഗതവും അബ്ബാസിയ മേഖല സെക്രട്ടറി ഹരിരാജ് നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.