കേരള അസോസിയേഷൻ ഭാരവാഹികൾ അംബാസഡറെ സന്ദർശിച്ചു
text_fieldsകുവൈത്ത് സിറ്റി: കേരള അസോസിയേഷൻ കുവൈത്ത് ഭാരവാഹികൾ ഇന്ത്യൻ അംബാസഡർ സിബി ജോർജുമായി കൂടിക്കാഴ്ച നടത്തി. ഇന്ത്യൻ പ്രവാസി സമൂഹത്തിെൻറ വിവിധ വിഷയങ്ങൾ അംബാസഡറുടെ ശ്രദ്ധയിൽപെടുത്തി. നിലവിലെ സാഹചര്യങ്ങളിൽ കുവൈത്തിലേക്ക് വരാൻ യാത്രതിരിച്ച് യു.എ.ഇയിൽ കുടുങ്ങിയവർക്ക് വേണ്ടി ഇടപെടാൻ കേന്ദ്രസർക്കാറിനോട് ആവശ്യപ്പെടണമെന്ന് പ്രതിനിധികൾ അഭ്യർഥിച്ചു. വാണിജ്യ നിയന്ത്രണങ്ങൾ മൂലം ബുദ്ധിമുട്ടുന്ന ജീവനക്കാർക്ക് നിയന്ത്രണങ്ങൾ നീളുകയാണെങ്കിൽ നിത്യോപക സാധനങ്ങൾ ലഭ്യമാക്കണമെന്ന ആവശ്യകതയും അദ്ദേഹത്തിനു മുന്നിൽവെച്ചു.
എംബസിയുടെ സാംസ്കാരിക പ്രവർത്തനങ്ങളുടെ ഭാഗമായി ഇന്ത്യൻ സമൂഹത്തിലെ വളർന്നുവരുന്ന ചലച്ചിത്രകാരന്മാർക്കായി ഹ്രസ്വചിത്ര മത്സരങ്ങൾ സംഘടിപ്പിക്കണമെന്നും ആവശ്യപ്പെട്ടു. നിലവിലെ സാഹചര്യങ്ങൾ കണക്കിലെടുത്ത് എംബസി നിയമ സെല്ലിെൻറ പ്രവർത്തനങ്ങൾ കുെറക്കൂടി ഊർജസ്വലമാക്കണമെന്നും, അന്യായമായി ക്രിമിനൽ നടപടികളിൽ പെട്ടുകിടക്കുന്ന ഇന്ത്യക്കാരുടെ സംരക്ഷണം ഉറപ്പാക്കണമെന്നും അഭ്യർഥിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.