ബഷീർ പുല്ലമ്പലവന് കെ.​െഎ.ജി യാത്രയയപ്പ്​ നൽകി

കുവൈത്ത് സിറ്റി: 26 വർഷത്തെ പ്രവാസ ജീവിതം മതിയാക്കി നാട്ടിലേക്ക് പോകുന്ന കെ.​െഎ.ജി ഫർവാനിയ ഗസ്സാലി യൂനിറ്റ് അംഗം ബഷീർ പുല്ലമ്പലവന് ഫർവാനിയ ഏരിയ സമിതി യാത്രയയപ്പ് നൽകി.ഏരിയ പ്രസിഡൻറ്​ സി.പി. നൈസാം അധ്യക്ഷത വഹിച്ച പരിപാടിയിൽ കേന്ദ്ര പ്രസിഡൻറ്​ ഫൈസൽ മഞ്ചേരി ഉപഹാരം സമർപ്പിച്ചു.

ഹിദായത്തുല്ല, പി.ടി. ശരീഫ്, ടി.എം. ഹനീഫ, അബ്​ദുൽ വാഹിദ്, ഷാനവാസ് തോപ്പിൽ, പി.ടി. ശാഫി, ഫിറോസ് ഹമീദ്, നയീം, ലായിക് അഹമ്മദ്, അനീസ് അബ്​ദുൽ സലാം, അബ്​ദുൽ റസാഖ് നദ്​വി, അൽത്താഫ്, യു. അഷ്റഫ്, അബ്​ദുൽ മജീദ്, ഷാഹുൽ ഹമീദ് എന്നിവർ സംസാരിച്ചു. ബഷീർ പി. വേങ്ങര മറുപടി പ്രസംഗം നിർവഹിച്ചു. ദീർഘ കാലമായി നാഷനൽ കൺസ്ട്രക്​ഷൻ റിയൽ എസ്​റ്റേറ്റ് കമ്പനിയിൽ പ്രക്യുപ്മെൻറ്​ ഇൻചാർജ് ആയി സേവനമനുഷ്ഠിക്കുകയായിരുന്നു മലപ്പുറം വേങ്ങര സ്വദേശിയായ ബഷീർ പുല്ലമ്പലവൻ. കെ.ഐ.ജി ഫർവാനിയ ഗസ്സാലി യൂനിറ്റ് പ്രസിഡൻറ്​, ഏരിയ സമിതി അംഗം എന്നീ നിലകളിൽ പ്രവർത്തിച്ചു വരുകയായിരുന്നു.