കെ.​ഐ.​ജി കു​വൈ​ത്ത് സി​റ്റി ഏ​രി​യ സം​യു​ക്ത ഫ്ര​ണ്ട് സ​ർ​ക്കി​ൾ മീ​റ്റ്

കു​വൈ​ത്ത് സി​റ്റി: കെ.​ഐ.​ജി കു​വൈ​ത്ത് സി​റ്റി ഏ​രി​യ സം​യു​ക്ത ഫ്ര​ണ്ട് സ​ർ​ക്കി​ൾ മീ​റ്റ് സം​ഘ​ടി​പ്പി​ച്ചു. ‘ഒ​രു​മ’ ഹാ​ളി​ൽ ചേ​ർ​ന്ന മീ​റ്റി​ൽ ഏ​രി​യ പ്ര​സി​ഡ​ന്‍റ് യൂ​സു​ഫ് ക​ണി​യാ​പു​രം അ​ധ്യ​ക്ഷ​ത വ​ഹി​ച്ചു. ‘ഹി​ജ്റ​യു​ടെ പാ​ഠ​ങ്ങ​ൾ’ ത​ല​ക്കെ​ട്ടി​ൽ ഖ​ലീ​ലു റ​ഹ്മാ​ൻ പ്ര​ഭാ​ഷ​ണം ന​ട​ത്തി.

-ഹി​ജ്റ വെ​റും പ​ലാ​യ​ന​മ​ല്ല, മ​റി​ച്ച് ത​ന്നി​ല​ർ​പ്പി​ത​മാ​യ ദൗ​ത്യ​നി​ർ​വ​ഹ​ണ​ത്തി​നാ​യി വ​ർ​ഷ​ങ്ങ​ൾ നീ​ണ്ട ത​യാ​റെ​ടു​പ്പു​ക​ളി​ലൂ​ടെ വ്യ​ക്ത​മാ​യ ല​ക്ഷ്യ​ങ്ങ​ളും ക​രു​തി​വെ​പ്പു​ക​ളു​മാ​യി പൂ​ർ​ണ​ത​യി​ലേ​ക്കു​ള്ള പ്ര​യാ​ണ​മാ​യി​രു​ന്നു എ​ന്ന് അ​ദ്ദേ​ഹം ഉ​ണ​ർ​ത്തി.

പ്ര​പ​ഞ്ച​നാ​ഥ​ന്റെ മേ​ൽ​നോ​ട്ട​ത്തി​ൽ ഇ​സ്‍ലാ​മി​ക പ്ര​സ്ഥാ​ന​ത്തി​ന്റെ ഊ​ടും പാ​വും സ്ഥാ​പി​ക്കാ​നു​ള്ള മ​ദീ​ന​യെ​ന്ന ഇ​സ്‍ലാ​മി​ക രാ​ഷ്ട്ര​ത്തി​ന്റെ ബീ​ജാ​വാ​പ​മാ​യി​രു​ന്നു ആ ​യാ​ത്ര​യു​ടെ കാ​ത​ൽ. പ​രീ​ക്ഷ​ണ​ങ്ങ​ളു​ടെ തീ​ച്ചൂ​ള​യി​ലൂ​ടെ ക​ട​ന്നു​പോ​യ സ​ർ​വ​പ​രി​ത്യാ​ഗി​ക​ളാ​യ മു​ഹാ​ജി​റു​ക​ളി​ൽ ആ​ധു​നി​ക മു​സ്‍ലി​മി​ന് പാ​ഠ​ങ്ങ​ൾ ഏ​റെ​യു​ണ്ടെ​ന്നും അ​ദ്ദേ​ഹം ഓ​ർ​മി​പ്പി​ച്ചു. അ​ബ്ദു​ൽ അ​സീ​സ് തു​വ്വൂ​ർ ഖു​ർ​ആ​നി​ൽ​നി​ന്ന് അ​വ​ത​രി​പ്പി​ച്ചു. ഇ​സ്‍ലാ​മി​ക സ​മൂ​ഹം ക​ൺ​വീ​ന​ർ മു​ഹ​മ്മ​ദ് റ​ഫീ​ഖ് സ്വാ​ഗ​തം പ​റ​ഞ്ഞു. അ​ശ്റ​ഫ് പ​ട്ടാ​മ്പി ഗാ​നം ആ​ല​പി​ച്ചു. ഹി​ജ്റ​യെ ആ​സ്പ​ദ​മാ​ക്കി ക്വി​സ് മ​ത്സ​ര​വും ന​ട​ന്നു. ഏ​രി​യ സെ​ക്ര​ട്ട​റി ഫൈ​സ​ൽ ന​ന്ദി പ​റ​ഞ്ഞു.