പൊതുമാപ്പ്​: ഇന്ന്​ കൊച്ചിയിലേക്ക്​ വിമാനം

കുവൈത്ത്​ സിറ്റി: കുവൈത്തിൽ പൊതുമാപ്പിന്​ രജിസ്​റ്റർ ചെയ്​ത ഇന്ത്യക്കാരുമായി രണ്ടു​​​ വിമാനങ്ങൾ യാത്രയായി. ചൊവ്വാഴ്​ച കോഴിക്കോട്​, കൊച്ചി  എന്നിവിടങ്ങളിലേക്കാണ്​ ജസീറ എയർവേ​സ്​ വിമാനം സർവിസ്​ നടത്തിയത്​. ബുധനാഴ്​ചയും രണ്ടു​ വിമാനങ്ങളുണ്ട്​. ബുധനാഴ്​ച രാവിലെ 9.30ന്​ കൊച്ചിയിലേക്കും ഉച്ചക്ക്​ 1.45ന്​ പഞ്ചാബിലെ അമൃത്​സറിലേക്കുമാണ്​ വിമാനങ്ങൾ. ഒാരോ വിമാനത്തിലും 150ൽ താഴെ യാത്രക്കാരാണുള്ളത്​. വരുംദിവസങ്ങളിൽ ജയ്പുര്‍, അഹ്​മദാബാദ് എന്നിവിടങ്ങളിലേക്കും പൊതുമാപ്പുകാരുമായി വിമാന സര്‍വിസുണ്ട്.

ഇരു രാജ്യങ്ങളിലെയും സർക്കാറുകളുമായി സഹകരിച്ച്​ പൊതുമാപ്പിന്​ രജിസ്​റ്റർ ചെയ്​ത ഇന്ത്യക്കാരെ നാട്ടിലെത്തിക്കാൻ പദ്ധതി തയാറാക്കിയതായും വരുംദിവസങ്ങളിൽ കൂടുതൽ വിമാനങ്ങൾ ഉണ്ടാവുമെന്നും ജസീറ എയർവേ​സ്​ ജി.സി.സി റീജനൽ മാനേജർ റിയാസ്​ കു​േട്ടരി ‘ഗൾഫ്​ മാധ്യമ’ത്തോട്​ പറഞ്ഞു. അഞ്ച്​ വിമാനമാണ്​ ഇതിനകം പൊതുമാപ്പിന്​ രജിസ്​റ്റർ ചെയ്​തവരുമായി പോയത്​. രണ്ടെണ്ണം ആന്ധ്രയിലെ വിജയവാഡയിലേക്കും ഒരോ വിമാനങ്ങൾ കൊച്ചി, കോഴിക്കോട്​, ഉത്തർപ്രദേശിലെ ലഖ്​​നോ എന്നിവിടങ്ങളിലേക്കുമാണ്​ സർവിസ്​ നടത്തിയത്​.