കൊല്ലം ഫെസ്റ്റ് കൂപ്പൺ പ്രകാശനം ചെയ്തു
text_fieldsജോയ് ജോൺ തുരുത്തിക്കര കൂപ്പൺ ഷാജി ശാമുവലിന് നൽകുന്നു
കുവൈത്ത് സിറ്റി: കൊല്ലം ജില്ല പ്രവാസി സമാജം കുവൈത്ത് പതിനേഴാമത് വാർഷികാഘോഷം കൊല്ലം ഫെസ്റ്റ്- 2023 ‘സ്നേഹനിലാവ്’ എന്ന പേരിൽ നടത്തും. ഒക്ടോബർ 13ന് അബ്ബാസിയ ഇന്ത്യൻ സെൻട്രൽ സ്കൂളിലാണ് പരിപാടി. പ്രഫ. ഗോപിനാഥ് മുതുകാട് മുഖ്യാതിഥിയാകും.
വിവിധ കലാപരിപാടികളും സംഘടിപ്പിക്കും. ഫെസ്റ്റ് കൂപ്പൺ പ്രകാശനം പ്രോഗ്രാം ജനറൽ കൺവീനർ സലിം രാജിന്റെ അധ്യക്ഷതയിൽ രക്ഷാധികാരി ജോയ് ജോൺ തുരുത്തിക്കര കൂപ്പൺ കൺവീനർ ഷാജി ശാമുവലിന് നൽകി നിർവഹിച്ചു. ജനറൽ സെക്രട്ടറി ടി.ഡി. ബിനിൽ, ആക്ടിങ് പ്രസിഡന്റ് അനിൽകുമാർ, ട്രഷറർ തമ്പി ലൂക്കോസ്, സെക്രട്ടറി റെജി മത്തായി, വനിത ചെയർപേഴ്സൻ രൻജന ബിനിൽ, വനിത വേദി ട്രഷറർ ഗിരിജ അജയ്, ഫെസ്റ്റ് കമ്മിറ്റി അംഗങ്ങളായ ശശികുമാർ കർത്ത, സംഗീത് സുഗതൻ, അജയ് നായർ, വർഗീസ് സി.ഐ, ബിനു ബിന്യാമിൻ, നൈസാം റാവുത്തർ, ജോയ് തോമസ്, രാജു വർഗീസ്, ഓഡിറ്റർ ഷാജഹാൻ, അബ്ദുൽ നിയാസ് എന്നിവർ സംസാരിച്ചു. ഷാജി ശാമുവൽ സ്വാഗതവും ഫെസ്റ്റ് ജോ. കൺവീനർ സജിമോൻ തോമസ് നന്ദിയും പറഞ്ഞു. സംഘടന സെക്രട്ടറി ലിവിൻ വർഗീസ്, ജോ. ട്രഷറർ സലിൽ വർമ, റിനിൽ രാജു എന്നിവർ നേതൃത്വം നൽകി.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.