കൊയിലാണ്ടി താലൂക്ക് അസോസിയേഷൻ ഓണാഘോഷം
text_fieldsകൊയിലാണ്ടി താലൂക്ക് അസോസിയേഷൻ ഓണാഘോഷ പരിപാടിയിൽ രക്ഷാധികാരി
റഹൂഫ് മഷ്ഹൂറിൽനിന്ന് സുരക്ഷാ പദ്ധതി ലാഭവിഹിതം കോയ നാറാത്ത് ഏറ്റുവാങ്ങുന്നു
കുവൈത്ത് സിറ്റി: കൊയിലാണ്ടി താലൂക്ക് അസോസിയേഷൻ കുവൈത്ത് ഓണാഘോഷവും സുരക്ഷാ ലാഭവിഹിത വിതരണവും ഫർവാനിയ പീസ് ഓഡിറ്റോറിയത്തിൽ രക്ഷാധികാരി ബഷീർ ബാത്ത ഉദ്ഘാടനം ചെയ്തു. പ്രസിഡന്റ് ജിനീഷ് നാരായണൻ അധ്യക്ഷത വഹിച്ചു. കലാസാംസ്കാരിക വിഭാഗം കൺവീനർ മനോജ് കുമാർ കാപ്പാട് ഓണസന്ദേശം കൈമാറി. സുരക്ഷാ ലാഭവിഹിത വിതരണം രക്ഷാധികാരി റഹൂഫ് മഷ്ഹൂർ, സുരക്ഷാഅംഗം കോയ നാറാത്തിന് നൽകി ഉദ്ഘാടനം ചെയ്തു.
കോഓഡിനേറ്റർ ഷാഹുൽ ബേപ്പൂർ സുരക്ഷാ പദ്ധതി അവലോകനം നടത്തി. ജനറൽ സെക്രട്ടറി റിഹാബ് തൊണ്ടിയിൽ, രക്ഷാധികാരി പ്രമോദ് ആർ.ബി, ഉപദേശക സമിതി അംഗം അസീസ് തിക്കോടി, സുൽഫിക്കർ, സാജിദ നസീർ, ഇബ്രാഹിം പി.വി എന്നിവർ സംസാരിച്ചു. പ്രോഗ്രാം കൺവീനർ അക്ബർ ഊരള്ളൂർ സ്വാഗതവും ട്രഷറർ സാഹിർ പുളിയഞ്ചേരി നന്ദിയും പറഞ്ഞു. ഓണസദ്യയും അസോസിയേഷൻ അംഗങ്ങളുടെ കലാപരിപാടികളും ഓണാഘോഷത്തിന്റെ മാറ്റുകൂട്ടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.