സർവിസ്​ പുനരാരംഭിക്കാൻ കുവൈത്ത്​ വിമാനത്താവളം സജ്ജം

കു​വൈ​ത്ത്​ സി​റ്റി: ക​മേ​ഴ്​​സ്യ​ൽ വി​മാ​ന സ​ർ​വി​സ്​ ജ​നു​വ​രി ര​ണ്ട്​ മു​ത​ൽ പു​ന​രാ​രം​ഭി​ക്കാ​ൻ കു​വൈ​ത്ത്​ അ​ന്താ​രാ​ഷ്​​ട്ര വി​മാ​ന​ത്താ​വ​ളം സ​ജ്ജ​മാ​ണെ​ന്ന്​ വ്യോ​മ​യാ​ന വ​കു​പ്പ്​ വാ​ർ​ത്ത​ക്കു​റി​പ്പി​ൽ അ​റി​യി​ച്ചു.

ശ​നി​യാ​ഴ്​​ച പു​ല​ർ​ച്ച നാ​ലു​മു​ത​ലാ​ണ്​ നി​ർ​ത്തി​വെ​ച്ച വി​മാ​ന സ​ർ​വി​സ്​ പു​ന​രാ​രം​ഭി​ക്കു​ന്ന​ത്.

വി​മാ​ന​ക്ക​മ്പ​നി​ക​ൾ​ക്ക്​ ഇ​തു​മാ​യി ബ​ന്ധ​പ്പെ​ട്ട നി​ർ​ദേ​ശം ന​ൽ​കി​യ​താ​യി വി​മാ​ന​ത്താ​വ​ള​കാ​ര്യ ഉ​പ​മേ​ധാ​വി സാ​ലി​ഹ്​ അ​ൽ ഫ​ദാ​ഗി പ​റ​ഞ്ഞു. കോ​വി​ഡ്​ വ്യാ​പ​നം വി​ല​യി​രു​ത്തി തീ​രു​മാ​നം ആ​വ​ശ്യ​​മെ​ങ്കി​ൽ മാ​റ്റു​മെ​ന്ന്​ മ​ന്ത്രി​സ​ഭ അ​റി​യി​ച്ചി​ട്ടു​ണ്ട്. തു​ർ​ക്കി​യി​ൽ​നി​ന്നാ​ണ്​ ആ​ദ്യ​വി​മാ​നം വ​രു​ന്ന​ത്.

ടെ​ക്​​നി​ക്ക​ൽ, മെ​ഡി​ക്ക​ൽ ടീം ​സ​ജ്ജ​മാ​ണ്. മെ​ഡി​ക്ക​ൽ ന​ട​പ​ടി​ക്ര​മ​ങ്ങ​ൾ നേ​ര​ത്തെ​യു​ള്ള നി​ല​യി​ൽ ത​ന്നെ​യാ​വും. പ​ത്ത്​ ശ​ത​മാ​നം യാ​ത്ര​ക്കാ​ർ​ക്ക്​ റാ​ൻ​ഡം അ​ടി​സ്ഥാ​ന​ത്തി​ൽ പി.​സി.​ആ​ർ പ​രി​ശോ​ധ​ന ന​ട​ത്തും. പ​ര​മാ​വ​ധി 30 ശ​ത​മാ​നം ശേ​ഷി​യി​ൽ മാ​ത്ര​മാ​ണ്​ വി​മാ​ന​ത്താ​വ​ളം പ്ര​വ​ർ​ത്തി​ക്കു​ക.

ഒ​രു ദി​വ​സം 10000ത്തി​ൽ കൂ​ടു​ത​ൽ യാ​ത്ര​ക്കാ​ർ ഉ​ണ്ടാ​വി​ല്ല. പ്ര​തി​ദി​നം 100 വി​മാ​ന സ​ർ​വി​സു​ക​ളാ​ണ്​ പ​ര​മാ​വ​ധി ഉ​ണ്ടാ​വു​ക. ആ​ഗ​സ്​​റ്റ്​ ഒ​ന്നി​ന്​ ക​മേ​ഴ്​​സ്യ​ൽ വി​മാ​ന സ​ർ​വി​സ്​ ആ​രം​ഭി​ച്ച ശേ​ഷം ഇൗ ​നി​ല തു​ട​രു​ന്നു.

വി​മാ​ന​ത്താ​വ​ള​ത്തി​ന​ക​ത്തേ​ക്ക്​ യാ​ത്ര​ക്കാ​​ര​നെ മാ​ത്ര​മേ ക​യ​റ്റു​ന്നു​ള്ളൂ.

പ്രാ​യ​മാ​യ​വ​ർ, ഭി​ന്ന​ശേ​ഷി​ക്കാ​ർ തു​ട​ങ്ങി സ​ഹാ​യ​ത്തി​ന്​ ആ​ളു​വേ​ണ്ട കേ​സു​ക​ളി​ൽ മാ​ത്ര​മാ​ണ്​ ഇ​തി​ന്​ ഇ​ള​വ്​ അ​നു​വ​ദി​ക്കു​ക. ആ​രോ​ഗ്യ സു​ര​ക്ഷാ മാ​ർ​ഗ​നി​ർ​ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്ക​ണം.