കു​വൈ​ത്ത്: വ​ഞ്ച​നാ​പ​ര​മാ​യ ‘ട്രാ​ഫി​ക് ഫൈ​ൻ’ സ​ന്ദേ​ശ​ങ്ങ​ളെ സൂ​ക്ഷി​ക്കു​ക

കു​വൈ​ത്ത് സി​റ്റി: അ​ജ്ഞാ​ത ഉ​റ​വി​ട​ങ്ങ​ളി​ൽ​നി​ന്നു ല​ഭി​ക്കു​ന്ന വ്യാ​ജ സ​ന്ദേ​ശ​ങ്ങ​ളി​ൽ​നി​ന്നു വി​ട്ടു​നി​ൽ​ക്കാ​നും ജാ​ഗ്ര​ത പാ​ലി​ക്കാ​നും ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റി​ലേ​ഷ​ൻ​സ് ആ​ൻ​ഡ് സെ​ക്യൂ​രി​റ്റി അ​വ​യ​ർ​ന​സ് മു​ന്ന​റി​യി​പ്പ്. ട്രാ​ഫി​ക് ഫൈ​ൻ അ​ട​ക്കാ​ൻ ആ​വ​ശ്യ​പ്പെ​ട്ട് പ​ല​ർ​ക്കും വ്യാ​പ​ക​മാ​യ സ​ന്ദേ​ശ​ങ്ങ​ൾ ല​ഭി​ക്കു​ന്ന പ​ശ്ചാ​ത്ത​ല​ത്തി​ലാ​ണ് മു​ന്ന​റി​യി​പ്പ്. ട്രാ​ഫി​ക് ലം​ഘ​ന​ങ്ങ​ൾ​ക്ക് ആ​ഭ്യ​ന്ത​ര മ​ന്ത്രാ​ല​യം അ​ല​ർ​ട്ടു​ക​ളും അ​റി​യി​പ്പു​ക​ളും സ​ഹ​ൽ ആ​പ്ലി​ക്കേ​ഷ​ൻ വ​ഴി മാ​ത്ര​മാ​ണ് അ​യ​ക്കു​ന്ന​ത്.

മ​റ്റു സ​ന്ദേ​ശ​ങ്ങ​ളെ അ​വ​ഗ​ണി​ക്കാ​നും സാ​മ്പ​ത്തി​ക കൈ​മാ​റ്റ​ത്തി​ൽ​നി​ന്ന് വി​ട്ടു​നി​ൽ​ക്കാ​നും മു​ന്ന​റി​യി​പ്പി​ൽ സൂ​ചി​പ്പി​ക്കു​ന്നു. പി​ഴ​യോ നി​യ​മ​പ​ര​മാ​യ പ്ര​ശ്ന​ങ്ങ​ളോ സം​ബ​ന്ധി​ച്ച എ​ല്ലാ ആ​ശ​യ​വി​നി​മ​യ​ങ്ങ​ൾ​ക്കും ഔ​ദ്യോ​ഗി​ക സം​വി​ധാ​ന​ങ്ങ​ളെ മാ​ത്രം ആ​ശ്ര​യി​ക്ക​ണം. സ​ന്ദേ​ശ​ങ്ങ​ളു​ടെ ആ​ധി​കാ​രി​ക​ത പ​രി​ശോ​ധി​ക്കാ​നും ഉ​ണ​ർ​ത്തി.

രാ​ജ്യ​ത്ത് വി​വി​ധ സ​ന്ദേ​ശ​ങ്ങ​ൾ അ​യ​ച്ച് പ​ണം ത​ട്ട​ൽ വ്യാ​പ​ക​മാ​ണ്. ഫോ​ണി​ൽ ല​ഭി​ക്കു​ന്ന സം​ശ​യാ​സ്പ​ദ​മാ​യ കാ​ളു​ക​ളോ​ടും സ​ന്ദേ​ശ​ങ്ങ​ളോ​ടും പ്ര​തി​ക​രി​ക്ക​രു​ത്. അ​റി​യാ​ത്ത ന​മ്പ​റു​ക​ളി​ൽ നി​ന്നു​ള്ള ടെ​ക്സ്റ്റ് മെ​സേ​ജു​ക​ൾ, ഒ.​ടി.​പി എ​ന്നി​വ​യും അ​വ​ഗ​ണി​ക്ക​ണം. പ​ണം ന​ല്‍കാ​നാ​യി ലി​ങ്കു​ക​ൾ ല​ഭി​ച്ചാ​ൽ അ​വ ഓ​പ​ണ്‍ ചെ​യ്യ​രു​ത്. വ്യ​ക്തി​പ​ര​മോ ബാ​ങ്കി​ങ് വി​വ​ര​ങ്ങ​ളോ ചോ​ദി​ക്കു​ന്ന സം​ശ​യാ​സ്പ​ദ​മാ​യ ഉ​റ​വി​ട​ങ്ങ​ളി​ല്‍ നി​ന്നു​ള്ള കാ​ളു​ക​ൾ, സ​ന്ദേ​ശ​ങ്ങ​ൾ എ​ന്നി​വ​ക്ക് മ​റു​പ​ടി ന​ൽ​കേ​ണ്ട​തി​ല്ല.