ആഗോളസമാധാനത്തിന് ആഹ്വാനം നൽകി കുവൈത്ത്

കു​വൈ​ത്ത് സി​റ്റി: ഐ​ക്യ​രാ​ഷ്ട്ര​സ​ഭ​യു​ടെ ജ​ന​റ​ൽ അ​സം​ബ്ലി​യി​ൽ ആ​ഗോ​ള സ​മാ​ധാ​ന​ത്തി​ന് ആ​ഹ്വാ​നം ന​ൽ​കി കു​വൈ​ത്ത്. അ​റ​ബ് മേ​ഖ​ല​യി​ലെ​യും ലോ​ക​രാ​ഷ്ട്ര​ങ്ങ​ളി​ലെ​യും സം​ഘ​ർ​ഷ​ങ്ങ​ളെ സൂ​ചി​പ്പി​ച്ച കു​വൈ​ത്ത് വി​വി​ധ വെ​ല്ലു​വി​ളി​ക​ളും പ്ര​തി​സ​ന്ധി​ക​ളും കൈ​കാ​ര്യം ചെ​യ്യു​ന്ന​തി​ന് ഐ​ക്യ​രാ​ഷ്ട്ര​സ​ഭ​യെ പ്ര​ശം​സി​ച്ചു.

അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ പ്ര​തി​നി​ധി​യാ​യി ഐ​ക്യ​രാ​ഷ്ട്ര​സ​ഭ​യു​ടെ ജ​ന​റ​ൽ അ​സം​ബ്ലി​യി​ൽ സം​സാ​രി​ക്കെ പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. പ്ര​ശ്ന​ങ്ങ​ളു​ടെ പ​രി​ഹാ​ര​ത്തി​ന് ആ​ഗോ​ള സ​ഹ​ക​ര​ണം ആ​വ​ശ്യ​മാ​ണെ​ന്നും അ​ദ്ദേ​ഹം ഉ​ണ​ർ​ത്തി. സു​സ്ഥി​ര വി​ക​സ​ന ല​ക്ഷ്യ​ങ്ങ​ൾ കൈ​വ​രി​ക്കാ​നു​ള്ള യു.​എ​ന്നി​ന്റെ ആ​ഗോ​ള ആ​ഹ്വാ​ന​ത്തെ​യും അ​ദ്ദേ​ഹം പ്ര​ശം​സി​ച്ചു. കോ​വി​ഡ് മ​ഹാ​മാ​രി, കൂ​ട്ട ന​ശീ​ക​ര​ണ ആ​യു​ധ​ങ്ങ​ളു​ടെ വ്യാ​പ​നം, ഭീ​ക​ര​ത, പ്ര​കൃ​തി​ദു​ര​ന്ത​ങ്ങ​ൾ, കാ​ലാ​വ​സ്ഥാ വ്യ​തി​യാ​നം, ദാ​രി​ദ്ര്യം, ഭ​ക്ഷ്യ​സു​ര​ക്ഷ എ​ന്നി​വ വെ​ല്ലു​വി​ളി​ക​ളാ​ണെ​ന്നും പ്ര​ധാ​ന​മ​ന്ത്രി ഉ​ണ​ർ​ത്തി.

യു​ക്രെ​യ്നി​ലെ പ്ര​തി​സ​ന്ധി​യെ​ക്കു​റി​ച്ച് സൂ​ചി​പ്പി​ക്ക​വെ, ബ​ല​പ്ര​യോ​ഗ​ത്തി​നെ​തി​രെ​യു​ള്ള അ​ന്താ​രാ​ഷ്ട്ര നി​യ​മ​ത്തി​ന്റെ​യും യു.​എ​ൻ ചാ​ർ​ട്ട​റി​ന്റെ​യും ത​ത്ത്വ​ങ്ങ​ളെ പി​ന്തു​ണ​യ്ക്കു​ന്ന കു​വൈ​ത്തി​ന്റെ അ​ച​ഞ്ച​ല​മാ​യ നി​ല​പാ​ട് പ്ര​ധാ​ന​മ​ന്ത്രി വ്യ​ക്ത​മാ​ക്കി. സം​ഘ​ർ​ഷം സ​മാ​ധാ​ന​പ​ര​മാ​യി പ​രി​ഹ​രി​ക്കു​ന്ന​തി​നു​ള്ള ശ്ര​മ​ങ്ങ​ൾ​ക്കും വെ​ടി​നി​ർ​ത്ത​ലി​നും കു​വൈ​ത്ത് പി​ന്തു​ണ ന​ൽ​കു​ന്ന​താ​യി അ​ദ്ദേ​ഹം പ​റ​ഞ്ഞു.

ഫ​ല​സ്തീ​ൻ ജ​ന​ത​ക്ക് പി​ന്തു​ണ പ്ര​ഖ്യാ​പി​ച്ച പ്ര​ധാ​ന​മ​ന്ത്രി, അ​വ​രു​ടെ ന്യാ​യ​മാ​യ അ​വ​കാ​ശ​ങ്ങ​ൾ ഇ​സ്രാ​യേ​ൽ ക​വ​ർ​ന്നെ​ടു​ക്ക​രു​തെ​ന്ന് സൂ​ചി​പ്പി​ച്ചു. മേ​ഖ​ല​യി​ൽ സ​മ​ഗ്ര​വും നീ​തി​യു​ക്ത​വു​മാ​യ സ​മാ​ധാ​നം കൈ​വ​രി​ക്കു​ന്ന​തി​ന് ച​ർ​ച്ച​ക​ൾ പു​ന​രാ​രം​ഭി​ക്കാ​നു​ള്ള ശ്ര​മ​ങ്ങ​ളു​ടെ ആ​വ​ശ്യ​ക​ത അ​ദ്ദേ​ഹം ഉ​ണ​ർ​ത്തി. സി​റി​യ​യി​ൽ സം​ഘ​ർ​ഷം നീ​ണ്ടു​നി​ൽ​ക്കു​ന്ന​തി​ന് വി​ദേ​ശ ഇ​ട​പെ​ട​ലു​ക​ൾ കാ​ര​ണ​മാ​യ​താ​യി പ്ര​ധാ​ന​മ​ന്ത്രി കു​റ്റ​പ്പെ​ടു​ത്തി.

മ​നു​ഷ്യ​രു​ടെ ക​ഷ്ട​പ്പാ​ടു​ക​ളു​ടെ ഏ​റ്റ​വും ഭ​യാ​ന​ക​മാ​യ ഉ​ദാ​ഹ​ര​ണ​ങ്ങ​ളി​ലൊ​ന്നാ​ണ് സി​റി​യ​യെ​ന്നും, സൈ​നി​ക ഇ​ട​പെ​ട​ലി​നേ​ക്കാ​ൾ രാ​ഷ്ട്രീ​യ പ​രി​ഹാ​ര​മാ​ണ് അ​നു​യോ​ജ്യ​മാ​യ മാ​ർ​ഗ​മെ​ന്നു​മു​ള്ള കു​വൈ​ത്തി​ന്റെ ഉ​റ​ച്ച​വി​ശ്വാ​സം ആ​വ​ർ​ത്തി​ക്കു​ന്ന​താ​യും ​​പ്ര​ധാ​ന​മ​ന്ത്രി വ്യ​ക്ത​മാ​ക്കി.

യ​മ​നി​ലെ പ്ര​തി​സ​ന്ധി​യി​ൽ സൗ​ദി അ​റേ​ബ്യ​യു​ടെ സ​മാ​ധാ​ന സം​രം​ഭ​ത്തി​ന് കീ​ഴി​ൽ, യു.​എ​ൻ മാ​ധ്യ​സ്ഥ്യ​ത്തെ സ്വാ​ഗ​തം ചെ​യ്യു​ന്ന​താ​യി കു​വൈ​ത്ത് പ്ര​ധാ​ന​മ​ന്ത്രി അ​റി​യി​ച്ചു. ഗ​ൾ​ഫ് അ​യ​ൽ​ക്കാ​രു​മാ​യി വി​ശ്വാ​സ​വും സം​വാ​ദ​വും വ​ള​ർ​ത്തി​യെ​ടു​ക്കാ​ൻ ഗൗ​ര​വ ന​ട​പ​ടി​ക​ൾ കൈ​ക്കൊ​ള്ള​ണ​മെ​ന്ന് അ​ദ്ദേ​ഹം ഇ​റാ​നോ​ട് ആ​വ​ശ്യ​പ്പെ​ട്ടു.

ഫി​ഫ 2022 ലോ​ക​ക​പ്പി​ന് ആ​തി​ഥേ​യ​ത്വം വ​ഹി​ക്കു​ന്ന ഖ​ത്ത​റി​ന്റെ അ​സാ​ധാ​ര​ണ​മാ​യ നേ​ട്ട​ത്തെ പ്ര​ധാ​ന​മ​ന്ത്രി പ്ര​ശം​സി​ച്ചു.

ലോ​ക​ക​പ്പ് ഫു​ട്ബാ​ൾ ന​ട​ത്തു​ന്ന ആ​ദ്യ അ​റ​ബ് രാ​ജ്യ​മെ​ന്ന നി​ല​യി​ൽ ഖ​ത്ത​റി​ന്റെ നേ​ട്ടം വ​ലു​താ​ണെ​ന്നും അ​ദ്ദേ​ഹം സൂ​ചി​പ്പി​ച്ചു. കു​വൈ​ത്തി​ൽ വ​രാ​നി​രി​ക്കു​ന്ന പാ​ർ​ല​മെ​ന്റ് തെ​ര​ഞ്ഞെ​ടു​പ്പ് 'ജ​നാ​ധി​പ​ത്യ ആ​ഘോ​ഷം' എ​ന്നും അ​ദ്ദേ​ഹം വി​ശേ​ഷി​പ്പി​ച്ചു.