കുവൈത്തിന്​ ഇന്ന്​ സന്തോഷസുദിനം

കു​വൈ​ത്ത് സി​റ്റി: കു​വൈ​ത്തി​ന്​ വെ​ള്ളി​യാ​ഴ്​​ച 61ാം ദേ​ശീ​യ ദി​നാ​ഘോ​ഷം. രാ​ജ്യ​ത്തി​െൻറ വി​വി​ധ ഭാ​ഗ​ങ്ങ​ളി​ൽ ആ​ഘോ​ഷ പ​രി​പാ​ടി​ക​ൾ അ​ര​ങ്ങേ​റും. ബ്രി​ട്ടീ​ഷ് സാ​മ്രാ​ജ്യ​ത്തി​ന്​ കീ​ഴി​ൽ​നി​ന്ന് സ്വാ​ത​ന്ത്ര്യം നേ​ടി​യ​തി​​ന്റെ 61ാം വാ​ർ​ഷി​ക​മാ​ണ് ദേ​ശീ​യ ദി​ന​മാ​യി കു​വൈ​ത്ത് കൊ​ണ്ടാ​ടു​ന്ന​ത്.

കോ​വി​ഡ് മ​ഹാ​മാ​രി​യെ തു​ട​ർ​ന്ന്​ ക​ഴി​ഞ്ഞ ര​ണ്ടു​വ​ർ​ഷം ആ​ഘോ​ഷ പ​രി​പാ​ടി​ക​ൾ ഉ​ണ്ടാ​യി​രു​ന്നി​ല്ല. ഇ​ക്കു​റി കോ​വി​ഡ് ആ​ശ​ങ്ക​ൾ ഏ​റ​ക്കു​റെ ഒ​ഴി​ഞ്ഞു രാ​ജ്യം സാ​ധാ​ര​ണ ജീ​വി​ത​ത്തി​ലേ​ക്ക് മ​ട​ങ്ങു​ന്ന സ​മ​യ​ത്താ​ണ് ദേ​ശീ​യ​ദി​നം. അ​തു​കൊ​ണ്ടു​ത​ന്നെ ആ​ഴ്ച​ക​ളോ​ളം നീ​ളു​ന്ന പ​രി​പാ​ടി​ക​ളാ​ണ് സ​ർ​ക്കാ​ർ ത​ല​ത്തി​ലും അ​ല്ലാ​തെ​യും ഷെ​ഡ്യൂ​ൾ ചെ​യ്തി​രി​ക്കു​ന്ന​ത്. അ​റേ​ബ്യ​ൻ ഗ​ൾ​ഫ് സ്ട്രീ​റ്റ് , കു​വൈ​ത്ത് ട​വ​ർ പ​രി​സ​രം, സൂ​ഖ് മു​ബാ​റ​കി​യ, ശൈ​ഖ് ജാ​ബി​ർ ക​ൾ​ച​റ​ൽ സെൻറ​ർ, ശൈ​ഖ്​ ജാ​ബി​ർ കോ​സ്‌​വേ എ​ന്നി​വി​ട​ങ്ങ​ൾ കേ​ന്ദ്രീ​ക​രി​ച്ചാ​ണ് പ്ര​ധാ​ന ആ​ഘോ​ഷം. 1961 ജൂ​ൺ 19നാ​ണ് കു​വൈ​ത്ത് ബ്രി​ട്ട​നി​ൽ​നി​ന്ന് സ്വാ​ത​ന്ത്ര്യം നേ​ടി​യ​ത്. അ​തി​ന് തൊ​ട്ട​ടു​ത്ത മൂ​ന്നു​വ​ർ​ഷം ജൂ​ൺ 19നാ​യി​രു​ന്നു കു​വൈ​ത്ത് സ്വാ​ത​ന്ത്ര്യ ദി​നം ആ​ഘോ​ഷി​ച്ചി​രു​ന്ന​ത്.

എ​ന്നാ​ൽ, 1964ൽ ​ആ​ഘോ​ഷം ഫെ​ബ്രു​വ​രി 25ലേ​ക്ക് മാ​റ്റു​ക​യാ​യി​രു​ന്നു. രാ​ജ്യ​ത്തി​ന് സ്വാ​ത​ന്ത്ര്യ​ത്തി​ലേ​ക്ക് വ​ഴി​കാ​ണി​ച്ച, ആ​ധു​നി​ക കു​വൈ​ത്തി​ന്റെ ശി​ൽ​പി എ​ന്ന​റി​യ​പ്പെ​ടു​ന്ന, രാ​ജ്യ​ത്തി​​ന്റെ 11ാമ​ത് ഭ​ര​ണാ​ധി​കാ​രി അ​മീ​ർ ശൈ​ഖ് അ​ബ്​​ദു​ല്ല അ​ൽ​സാ​ലിം അ​സ്സ​ബാ​ഹി​ന്റെ സ്ഥാ​നാ​രോ​ഹ​ണം ന​ട​ന്ന 1950 ഫെ​ബ്രു​വ​രി 25​ന്റെ ​സ്​​മ​ര​ണ​യി​ൽ ആ ​ദി​വ​സം ദേ​ശീ​യ ദി​നാ​ഘോ​ഷ​മാ​യി നി​ശ്ച​യി​ക്കു​ക​യാ​യി​രു​ന്നു.

ആ​ശം​സ​യു​മാ​യി അ​മീ​ർ

ദേ​ശീ​യ ദി​നാ​ഘോ​ഷ​ത്തോ​ട​നു​ബ​ന്ധി​ച്ച്​ അ​മീ​ർ ശൈ​ഖ്​ ന​വാ​ഫ്​ അ​ൽ അ​ഹ്​​മ​ദ്​ അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ്​ മി​ശ്​​അ​ൽ അ​ൽ അ​ഹ്​​മ​ദ്​ അ​ൽ ജാ​ബി​ർ അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ്​ സ​ബാ​ഹ്​ ഖാ​ലി​ദ്​ അ​ൽ ഹ​മ​ദ്​ അ​സ്സ​ബാ​ഹ്​ എ​ന്നി​വ​ർ രാ​ജ്യ​നി​വാ​സി​ക​ൾ​ക്ക്​ ആ​ശം​സ നേ​ർ​ന്നു. ​ഐ​ക്യ​ത്തോ​ടെ നി​ല​കൊ​ള്ള​ണ​മെ​ന്നും രാ​ജ്യ​ത്തി​നാ​യി ത്യാ​ഗം ചെ​യ്​​ത​വ​രെ ന​ന്ദി​യോ​ടെ ​ഓ​ർ​ക്ക​ണ​മെ​ന്നും അ​മീ​ർ പ്ര​തി​ക​രി​ച്ചു.