കു​വൈ​ത്ത് സി​റ്റി- റി​യാ​ദ് റെ​യി​ൽ ലി​ങ്ക്; സാ​ധ്യ​താ​പ​ഠ​ന​ത്തി​ന് അം​ഗീ​കാ​രം

കു​വൈ​ത്ത് സി​റ്റി: രാ​ജ്യ​ത്തെ ഗ​താ​ഗ​ത മേ​ഖ​ല​യി​ൽ വ​ൻ കു​തി​പ്പി​ന് വ​ഴി​വെ​ക്കു​ന്ന റെ​യി​ൽ​വേ പ​ദ്ധ​തി​ക്ക് തു​ട​ക്ക​മാ​കു​ന്നു. പ​ദ്ധ​തി​യു​ടെ ഭാ​ഗ​മാ​യു​ള്ള കു​വൈ​ത്ത് സി​റ്റി​യും റി​യാ​ദും ത​മ്മി​ലു​ള്ള റെ​യി​ൽ ലി​ങ്ക് സാ​ധ്യ​താ​പ​ഠ​ന​ത്തി​ന് അം​ഗീ​കാ​ര​മാ​യി. കു​വൈ​ത്ത്-​സൗ​ദി ഹ​യ​ർ സ്റ്റി​യ​റി​ങ് ക​മ്മി​റ്റി ആ​റാം മീ​റ്റി​ങ്ങിലാ​ണ് അം​ഗീ​കാ​രം ന​ൽ​കി​യ​തെ​ന്ന് കു​വൈ​ത്ത് പൊ​തു​മ​രാ​മ​ത്ത് മ​ന്ത്രി​യും മു​നി​സി​പ്പ​ൽ കാ​ര്യ സ​ഹ​മ​ന്ത്രി​യു​മാ​യ ഡോ. ​നൂ​റ അ​ൽ മ​ഷാ​ൻ അ​റി​യി​ച്ചു.

ജി.​സി.​സി അം​ഗ​രാ​ജ്യ​ങ്ങ​ൾ ത​മ്മി​ലു​ള്ള സാ​മ്പ​ത്തി​ക വി​ക​സ​ന​ത്തി​നും ഏ​കീ​ക​ര​ണ​ത്തി​നും റെ​യി​ൽ സം​ഭാ​വ​ന ന​ൽ​കു​മെ​ന്നും അ​വ​ർ പ​റ​ഞ്ഞു. സൗ​ദി ഗ​താ​ഗ​ത, ലോ​ജി​സ്റ്റി​ക് സ​ർ​വീ​സ​സ് മ​ന്ത്രി സാ​ലി​ഹ് ബി​ൻ നാ​സ​ർ അ​ൽ ജാ​സ​റി​ന്‍റെ​യും സം​ഘ​ത്തി​ന്‍റെ​യും കു​വൈ​ത്ത് സ​ന്ദ​ർ​ശ​ന​ത്തെ ഡോ. ​നൂ​റ അ​ൽ മ​ഷാ​ൻ സ്വാ​ഗ​തം ചെ​യ്തു. ഇ​രു രാ​ജ്യ​ങ്ങ​ളും ത​മ്മി​ലു​ള്ള ത​ന്ത്ര​പ​ര​മാ​യ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നു​ള്ള പാ​ത​യി​ലെ സു​പ്ര​ധാ​ന ചു​വ​ടു​വെ​പ്പാ​ണി​ത്. റെ​യി​ൽ​റോ​ഡ് ലി​ങ്ക് പ്രോ​ജ​ക്റ്റി​ന്‍റെ മാ​നേ​ജി​ങ് ടീ​മു​ക​ളു​മാ​യി ജോ​യി​ന്‍റ് ക​മ്മി​റ്റി ദി​വ​സ​വും യോ​ഗം ചേ​രു​ന്ന​താ​യും അ​വ​ർ അ​ഭി​പ്രാ​യ​പ്പെ​ട്ടു. റെ​യി​ൽ ലി​ങ്ക് പ​ദ്ധ​തി കു​വൈ​ത്തി​നും സൗ​ദി അ​റേ​ബ്യ​ക്കും ഇ​ട​യി​ലു​ള്ള ലോ​ജി​സ്റ്റി​ക് സേ​വ​ന​ങ്ങ​ൾ​ക്ക് പു​തി​യ ച​ക്ര​വാ​ള​ങ്ങ​ൾ തു​റ​ക്കു​മെ​ന്നും ഇ​രു രാ​ജ്യ​ങ്ങ​ളി​ലെ​യും ജ​ന​ങ്ങ​ൾ​ക്ക് പ്ര​യോ​ജ​നം ചെ​യ്യു​മെ​ന്നും ഡോ. ​അ​ൽ മെ​ഷാ​ൻ കൂ​ട്ടി​ച്ചേ​ർ​ത്തു. ഇ​രു രാ​ജ്യ​ങ്ങ​ൾ​ക്കു​മി​ട​യി​ലു​ള്ള സ​ഹ​ക​ര​ണ​വും ഏ​കീ​ക​ര​ണ​വും വ​ർ​ധി​പ്പി​ക്കു​ന്ന സം​യു​ക്ത സ്റ്റി​യ​റി​ങ് ക​മ്മി​റ്റി​യു​ടെ യോ​ഗ​ങ്ങ​ളു​ടെ ഫ​ല​ങ്ങ​ളി​ൽ സൗ​ദി ഗ​താ​ഗ​ത, ലോ​ജി​സ്റ്റി​ക് സ​ർ​വിസ​സ് മ​ന്ത്രി സാ​ലി​ഹ് ബി​ൻ നാ​സ​ർ അ​ൽ ജാ​സ​ർ സം​തൃ​പ്തി രേ​ഖ​പ്പെ​ടു​ത്തി.