മോ​സ്കോ​യി​ലെ ആ​ക്ര​മ​ണ​ത്തെ കു​വൈ​ത്ത് അ​പ​ല​പി​ച്ചു

കു​വൈ​ത്ത് സി​റ്റി: റ​ഷ്യ​ൻ ത​ല​സ്ഥാ​ന​മാ​യ മോ​സ്കോ​യി​ലെ വാ​ണി​ജ്യ സ​മു​ച്ച​യ​ത്തെ ല​ക്ഷ്യ​മി​ട്ട് ന​ട​ന്ന ഭീ​ക​രാ​ക്ര​മ​ണ​ത്തെ കു​വൈ​ത്ത് ശ​ക്ത​ിയാ​യി അ​പ​ല​പി​ച്ചു. ആ​ക്ര​മ​ണ​ത്തി​ലെ ഇ​ര​ക​ളു​ടെ കു​ടും​ബ​ങ്ങ​ളെ​യും റ​ഷ്യ​യി​ലെ ജ​ന​ങ്ങ​ളെ​യും സ​ർ​ക്കാ​റി​നെ​യും കു​വൈ​ത്ത് ഭ​ര​ണ​കൂ​ടം അ​നു​ശോ​ച​നം അ​റി​യി​ക്കു​ന്ന​താ​യി വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ വ്യ​ക്ത​മാ​ക്കി. ആ​ക്ര​മ​ണ​ത്തി​ൽ പ​രി​ക്കേ​റ്റ എ​ല്ലാ​വ​രും വേ​ഗം​ സു​ഖം പ്രാ​പി​ക്ക​ട്ടേ എ​ന്നും ആ​ശം​സി​ച്ചു. കു​വൈ​ത്ത് എ​ല്ലാ​ത്ത​രം തീ​വ്ര​വാ​ദ പ്ര​വ​ർ​ത്ത​ന​ങ്ങ​ളെ​യും ആക്ര​മ​ണങ്ങ​ളെ​യും നി​രാ​ക​രി​ക്കു​ന്നു.

സാ​ധാ​ര​ണ​ക്കാ​രെ ല​ക്ഷ്യ​മി​ട്ടു​ള്ള തീ​വ്ര​വാ​ദ പ്ര​വ​ർ​ത്ത​ന​ങ്ങ​ൾ​ക്കെ​തി​രെ അ​ന്താ​രാ​ഷ്ട്ര സ​മൂ​ഹം നി​ല​കൊ​ള്ള​ണ​മെ​ന്നും കു​വൈ​ത്ത് ആ​വ​ശ്യ​പ്പെ​ട്ടു. വെ​ള്ളി​യാ​ഴ്ച​യാ​ണ് മോ​സ്കോ​ക്ക് സ​മീ​പ​മു​ള്ള ക്രാ​സ്നോ​ഗോ​ർ​സ്കി​ലെ ക്രോ​ക്ക​സ് സി​റ്റി ഹാ​ളി​ൽ ആ​ക്ര​മ​ണ​മു​ണ്ടാ​യ​ത്. പ​രി​പാ​ടി ന​ട​ക്കു​ന്ന ഹാ​ളി​ലേ​ക്ക് എ​ത്തി​യ ആ​യു​ധ​ധാ​രി​ക​ൾ വെ​ടി​യു​തി​ർ​ക്കു​ക​യാ​യി​രു​ന്നു. നി​ര​വ​ധി സ്ഫോ​ട​ന​ങ്ങ​ളു​മു​ണ്ടാ​യി. വെ​ടി​വെ​പ്പി​ലും സ്ഫോ​ട​ന​ത്തി​ലും 60 പേ​ർ മ​രി​ച്ചെ​ന്നാ​ണ് റി​പ്പോ​ർ​ട്ട്. 145ല​ധി​കം പേ​ര്‍ക്ക് പ​രി​ക്കേ​റ്റു. 60 പേ​രു​ടെ നി​ല ഗു​രു​ത​ര​മാ​ണ്.