ഗ​സ്സ​ക്ക് കു​വൈ​ത്ത് സ​ഹാ​യം തു​ട​രു​ന്നു; 10 ട​ൺ അ​വ​ശ്യ​സാ​ധ​ന​ങ്ങ​ൾ അ​യ​ച്ചു

കു​വൈ​ത്ത് സി​റ്റി: ഇ​സ്രാ​യേ​ൽ ആ​ക്ര​മ​ണം തു​ട​രു​ന്ന ഗ​സ്സ​ക്ക് കു​വൈ​ത്ത് സ​ഹാ​യം തു​ട​രു​ന്നു. കു​വൈ​ത്തി​ൽ നി​ന്നു​ള്ള സ​ഹാ​യ വ​സ്തു​ക്ക​ളു​മാ​യി റി​ലീ​ഫ് എ​യ​ർ ബ്രി​ഡ്ജി​നു​ള്ളി​ലെ 45ാമ​ത്തെ വി​മാ​നം ജോ​ർ​ഡ​നി​ലെ മാ​ർ​ക്ക അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ​ത്തി. ഇ​വി​ടെ നി​ന്ന് വ​സ്തു​ക്ക​ൾ ഗ​സ്സ​യി​ലെ​ത്തി​ക്കും. ഗ​സ്സ​യി​ലേ​ക്കു​ള്ള 10 ട​ൺ അ​വ​ശ്യ​സാ​ധ​ന​ങ്ങ​ൾ ഉ​ൾ​ക്കൊ​ള്ളു​ന്ന​താ​ണ് വി​മാ​നം.

ഇ​സ്രാ​യേ​ൽ അ​ധി​നി​വേ​ശ​ത്തി​ന്‍റെ ഗു​രു​ത​ര​മാ​യ ആ​ക്ര​മ​ണ​ങ്ങ​ൾ​ക്കും ലം​ഘ​ന​ങ്ങ​ൾ​ക്കും സാ​ക്ഷ്യം വ​ഹി​ക്കു​ന്ന ഗ​സ്സ​യി​ലെ ജ​ന​ങ്ങ​ളെ പി​ന്തു​ണ​ക്കു​ന്ന​തി​നാ​യി അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്‍റെ ഉ​ത്ത​ര​വ് പ്ര​കാ​ര​മാ​ണ് ഈ ​ദു​രി​താ​ശ്വാ​സ സ​ഹാ​യ​ങ്ങ​ൾ ന​ൽ​കി​യ​തെ​ന്ന് ജോ​ർ​ഡ​നി​ലെ കു​വൈ​ത്ത് അം​ബാ​സ​ഡ​ർ ഹ​മ​ദ് അ​ൽ മാ​രി പ​റ​ഞ്ഞു. ഗ​സ്സ​യി​ലെ ജ​ന​ങ്ങ​ളു​ടെ ആ​വ​ശ്യ​ങ്ങ​ൾ നി​റ​വേ​റ്റു​ന്ന അ​ടി​യ​ന്ത​ര സ​ഹാ​യ​ങ്ങ​ളും അ​ഭ​യ സാ​മ​ഗ്രി​ക​ളു​മാ​ണ് സ​ഹാ​യ​ത്തി​ൽ ഉ​ൾ​ക്കൊ​ള്ളു​ന്ന​തെ​ന്നും അ​ൽ മാ​രി കൂ​ട്ടി​ച്ചേ​ർ​ത്തു.

ഫ​ല​സ്തീ​നി​ൽ ഇ​സ്രാ​യേ​ൽ ആ​ക്ര​മ​ണം ആ​രം​ഭി​ച്ച​തു മു​ത​ൽ കു​വൈ​ത്ത് സ​ഹാ​യം അ​യ​ക്കു​ന്നു​ണ്ട്. ഇ​തി​ന​കം 44 വി​മാ​ന​ങ്ങ​ളി​ലാ​യി ഭ​ക്ഷ​ണം, മ​രു​ന്നു​ക​ൾ, ആം​ബു​ല​ൻ​സ്, വ​സ്ത്ര​ങ്ങ​ൾ, മൊ​ബൈ​ൽ ക്ലി​നി​ക്, ടെ​ന്‍റു​ക​ൾ, മ​ണ്ണു​മാ​ന്തി യ​ന്ത്രം എ​ന്നി​ങ്ങ​നെ ട​ൺ ക​ണ​ക്കി​ന് വ​സ്തു​ക്ക​ൾ കു​വൈ​ത്ത് ഗ​സ്സ​യി​ലെ​ത്തി​ച്ചി​ട്ടു​ണ്ട്.