തെരഞ്ഞെടുപ്പ്​: അയോഗ്യരാക്കപ്പെട്ട സ്ഥാനാർഥികൾ കോടതിയിൽ

കുവൈത്ത്​ സിറ്റി: കുവൈത്ത്​ പാർലമെൻറ്​ തെരഞ്ഞെടുപ്പിൽ ​അയോഗ്യരാക്കപ്പെട്ട സ്ഥാനാർഥികളിൽ ഒരുവിഭാഗം അപ്പീലുമായി കോടതിയിൽ. ഫാസ്​റ്റ്​ ട്രാക്ക്​ കോടതി ഞായറാഴ്​ച അപ്പീൽ പരിഗണനക്കെടുക്കും. മുൻ എം.പിമാർ ഉൾപ്പെടെ പ്രമുഖർ ഇവർക്ക്​ അനുകൂലമായി രംഗത്തെത്തിയിട്ടുണ്ട്​. തെരഞ്ഞെടുപ്പ്​ ഫലത്തെ സ്വാധീനിക്കാനാണ്​ ആഭ്യന്തര മന്ത്രാലയം ശ്രമിക്കുന്നതെന്ന്​ നിലവിലെ എം.പിമാരായ മുഹമ്മദ്​ അൽ മുതൈർ, നായിഫ്​ അൽ മിർദാസ്​, അബ്​ദുൽ കരീം അൽ കൻദരി, ആദിൽ അൽ ദംഹി, താമിർ അൽ സുവൈത്​ എന്നിവർ ​ആരോപിച്ചു. വിഷയത്തിൽ കോടതിയിൽനിന്ന്​ നീതിപൂർവമായ ഇടപെടലുണ്ടാവുമെന്ന്​ പ്രതീക്ഷിക്കുന്നതായും പ്രധാനമന്ത്രി ഇടപെടണമെന്നും പ്രതിപക്ഷ പ്രമുഖർ പറഞ്ഞു. അതിനിടെ തെരഞ്ഞെടുപ്പ്​ കമ്മിറ്റി ഭരണഘടനാനുസൃതമായ അധികാരം ഉപയോഗിച്ച്​ വ്യവസ്ഥകൾക്കനുസരിച്ചാണ്​ പ്രവർത്തിക്കുന്നതെന്നും ആഭ്യന്തര മ​ന്ത്രാലയത്തി​െൻറ പ്രത്യേക ഇടപെടലോ സ്വാധീനം ചെലുത്തലോ ഇല്ലെന്നും മന്ത്രാലയ വൃത്തങ്ങൾ വ്യക്തമാക്കി.