കുവൈത്തിൽ ഇന്നു മുതൽ കർഫ്യൂ

കുവൈത്ത്​ സിറ്റി: കുവൈത്തിൽ ഞായറാഴ്​ച മുതൽ അനിശ്ചിതകാലത്തേക്ക്​ ഭാഗിക കർഫ്യൂ ഏർപ്പെടുത്തി. വൈകീട്ട്​ അഞ്ചുമ ുതൽ പുലർച്ചെ നാല്​ വരെയാണ്​ കർഫ്യൂ. ഇൗ സമയത്ത്​ പുറത്തിറങ്ങാൻ പാടില്ല. കർഫ്യൂ നിയമം ലംഘിച്ചാൽ മൂന്നുവർഷം വരെ തടവും 10000 ദീനാർ പിഴയും ലഭിക്കുമെന്ന്​ ആഭ്യന്തര മന്ത്രി അനസ്​ അൽ സാലിഹ്​ പറഞ്ഞു.

കോവിഡ്​ 19 വ്യാപനത്തി​​​െൻറ പശ്ചാത്തലത്തിൽ ചേർന്ന അടിയന്തര മ​ന്ത്രിസഭ യോഗത്തി​​​െൻറതാണ്​ തീരുമാനം. ആരോഗ്യ മ​ന്ത്രാലയത്തി​​​െൻറ മാർഗനിർദേശങ്ങൾ ജനങ്ങൾ അനുസരിക്കുന്നില്ലെങ്കിൽ രാജ്യവ്യാപക കർഫ്യൂ ഏർപ്പെടുത്തുമെന്ന്​ കഴിഞ്ഞ ദിവസം മുന്നറിയിപ്പ്​ നൽകിയതാണ്​.

ഇതിന്​ ശേഷവും ജനങ്ങൾ പുറത്ത്​ ഇറങ്ങിനടക്കുന്നത്​ തുടർന്നതാണ്​ കർശന നടപടിക്ക്​ അധികൃതരെ പ്രേരിപ്പിച്ചത്​. കർഫ്യൂ നിയമം ലംഘിക്കുന്നില്ലെന്ന്​ ഉറപ്പാക്കാൻ ​പൊലീസും സൈന്യവും നിരത്തിലിറങ്ങും. സർക്കാർ ഉത്തരവ്​ നടപ്പാക്കാൻ സേന സജ്ജമാണെന്ന്​ അധികൃതർ വ്യക്​തമാക്കിയിട്ടുണ്ട്​.