ജിയോഗ്രാഫിക് സിസ്റ്റത്തില് മികച്ച സ്ഥാനം സ്വന്തമാക്കി കുവൈത്ത്
text_fieldsകുവൈത്ത് സിറ്റി: യു.എസിലെ സാൻഡിയാഗോയിൽ നടന്ന ഭൂമിശാസ്ത്ര വിവര സംവിധാനങ്ങളുടെ ഉപയോക്താക്കൾക്കായുള്ള ആഗോള കോൺഫറൻസിൽ കുവൈത്ത് പബ്ലിക് അതോറിറ്റി ഫോർ സിവിൽ ഇൻഫർമേഷൻ ഭൂമിശാസ്ത്ര വിവര സംവിധാനങ്ങളുമായി ബന്ധപ്പെട്ട പദ്ധതികൾ അവതരിപ്പിച്ചു.
കോൺഫറൻസിൽ മികച്ച നാല് ആഗോള സ്ഥാപനങ്ങളുടെ കൂട്ടത്തിൽ പബ്ലിക് അതോറിറ്റി സിവിൽ ഇൻഫർമേഷനും ഉള്പ്പെട്ടതായി അതോറിറ്റി ആക്ടിങ് ഡയറക്ടർ ജനറൽ മൻസൂർ അൽ മദൻ അറിയിച്ചു.
കോണ്ഫറന്സില് പങ്കെടുത്ത 350ലധികം സ്ഥാപനങ്ങളിൽ നിന്നാണ് മികച്ച നാല് സ്ഥാപനങ്ങളെ തിരഞ്ഞെടുത്തത്.
ഡ്രോൺ ഇമേജിങ്, കുവൈത്ത് ഫൈൻഡർ, ആർട്ടിഫിഷ്യൽ ഇന്റലിജൻസ് പ്രോജക്ട്, ഉയർന്ന റെസലൂഷൻ ലേസർ ഇമേജിങ് പ്രോജക്ട് തുടങ്ങിയ കുവൈത്തിന്റെ പ്രോജക്ടുകൾക്ക് കോൺഫറൻസില് ഏറെ അഭിനന്ദനങ്ങള് ലഭിച്ചതായി അൽ മദൻ പറഞ്ഞു. അതോറിറ്റിയിലെ ജിയോഗ്രാഫിക് ഇൻഫർമേഷൻ സിസ്റ്റംസ് ടീമിന്റെ പ്രവര്ത്തനത്തെ അഭിനന്ദിച്ച അദ്ദേഹം ബഹുമതി രാജ്യത്തിന് അഭിമാനകരമാണെന്നും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.