കുവൈത്ത് അന്താരാഷ്ട്ര ചെസ് ടൂർണമെന്റിന് ഞായറാഴ്ച തുടക്കം

കു​വൈ​ത്ത് സി​റ്റി: പ്ര​ഥ​മ കു​വൈ​ത്ത് ഇ​ന്റ​ർ നാ​ഷ​ന​ൽ ചെ​സ് ടൂ​ർ​ണ​മെ​ന്റി​ന് ഞാ​യ​റാ​ഴ്ച തു​ട​ക്ക​മാ​കും. കു​വൈ​ത്ത് ക്ല​ബ് ഫോ​ർ മൈ​ൻ​ഡ് ഗെ​യിം​സ് വേ​ദി​യാ​കു​ന്ന ഫെ​സ്റ്റി​ൽ 25 രാ​ജ്യ​ങ്ങ​ളി​ൽ നി​ന്നു​ള്ള 300 ല​ധി​കം പു​രു​ഷ-​വ​നി​ത ക്ലാ​സി​ഫൈ​ഡ് ക​ളി​ക്കാ​ർ പ​​​ങ്കെ​ടു​ക്കും. ഒ​മ്പ​ത് ദി​വ​സ​ത്തെ ചെ​സ് ഇ​വ​ന്റി​ൽ ഓ​പ​ൺ മാ​സ്റ്റ​ർ, ഓ​പ​ൺ ച​ല​ഞ്ചേ​ഴ്സ്, ലേ​ഡീ​സ് വി​ഭാ​ഗം, ഓ​പ​ൺ റാ​പ്പി​ഡ് എ​ന്നി​ങ്ങ​നെ മ​ത്സ​ര​ങ്ങ​ൾ ന​ട​ക്കു​മെ​ന്ന് ക്ല​ബ് ചെ​യ​ർ​മാ​ൻ ഫൈ​സ​ൽ അ​ൽ ക​ന്ദ​രി പ​റ​ഞ്ഞു.

പ​ങ്കെ​ടു​ക്കു​ന്ന കാ​യി​ക പ്ര​തി​നി​ധി​ക​ളെ സ്വാ​ഗ​തം ചെ​യ്ത അ​ൽ ക​ന്ദ​രി ഉ​യ​ർ​ന്ന നി​ല​വാ​ര​മു​ള്ള ക​ളി​ക്കാ​രു​ടെ സാ​ന്നി​ധ്യം കാ​ര​ണം ടൂ​ർ​ണ​മെ​ന്റ് ശ​ക്ത​മാ​യ മ​ത്സ​ര​ത്തി​ന്റെ വേ​ദി​യാ​കു​മെ​ന്നും പ്ര​തീ​ക്ഷ പ്ര​ക​ടി​പ്പി​ച്ചു. ടൂ​ർ​ണ​മെ​ന്റി​ന്റെ ഒ​രു​ക്ക​ങ്ങ​ൾ പൂ​ർ​ത്തി​യാ​യ​താ​യി സം​ഘാ​ട​ക സ​മി​തി ചെ​യ​ർ​മാ​ൻ ബ​ഷ​യ​ർ അ​ൽ സെ​യ്ദ് പ​റ​ഞ്ഞു.

ലോ​ക​മെ​മ്പാ​ടു​മു​ള്ള മി​ക​ച്ച ക​ളി​ക്കാ​ർ പ​​ങ്കെ​ടു​ക്കു​ന്ന കു​വൈ​ത്ത് ഇ​ന്റ​ർ നാ​ഷ​ന​ൽ ചെ​സ് ടൂ​ർ​ണ​മെ​ന്റ് മേ​ഖ​ല​യി​ലെ പ്ര​ധാ​ന​പ്പെ​ട്ട ഇ​വ​ന്റു​ക​ളി​ൽ ഒ​ന്നാ​യി മാ​റു​മെ​ന്നാ​ണ് പ്ര​തീ​ക്ഷ.i