കെ.ഐ.സി ‘മുസാനദ’ സഹായധനം വിതരണം ചെയ്തു

കുവൈത്ത് സിറ്റി: കുവൈത്ത് ഇസ്​ലാമിക് കൗണ്‍സില്‍ അംഗമായിരിക്കെ മരിച്ചവരുടെ കുടുംബാംഗങ്ങള്‍ക്കുള്ള ‘മുസാനദ’ സഹായ ധന വിതരണം കോഴിക്കോട് സമസ്ത ഓഫിസില്‍ നടന്നു. സമസ്ത കേരള ജംഇയ്യതുല്‍ ഉലമ പ്രസിഡൻറ്​  ജിഫ്റി മുത്തുക്കോയ തങ്ങള്‍ വിത​രണം നടത്തി. കെ.ഐ.സി കേന്ദ്ര സെക്രട്ടറിമാരായ മുഹമ്മദലി പുതുപ്പറമ്പ്, അബ്​ദു കുന്നംപുറം എന്നിവര്‍ പരിപാടി നിയന്ത്രിച്ചു. 

സമസ്ത നേതാക്കളായ ഡോ. ബഹാഉദ്ദീന്‍ മുഹമ്മദ് നദ്​വി, ഉമര്‍ ഫൈസി മുക്കം, അബ്​ദുല്‍ ഹമീദ് ഫൈസി അമ്പലക്കടവ്, അബ്​ദുസ്സമദ് പൂക്കോട്ടൂര്‍, എം.എ. ചേളാരി, അബ്​ദുറഹ്​മാന്‍ മുസ്​ലിയാര്‍ കൊടക്, മുസ്തഫ മുണ്ടുപാറ, സുലൈമാൻ ദാരിമി ഏലംകുളം, സി.പി. ഇഖ്ബാല്‍, മറ്റു കെ.ഐ.സി നേതാക്കന്മാരായ ഇസ്മായില്‍ വള്ളിയോത്ത്, സിറാജ് എരഞ്ഞിക്കല്‍, എം.ആര്‍. നാസര്‍, ഗുലാം മുഹമ്മദ്, മരിച്ച അംഗങ്ങളുടെ കുടുംബങ്ങളെ പ്രതിനിധാനം ചെയ്​ത്​ ടി.പി. അശ്റഫ് കാസർകോട്​, ഫഹദ് കണ്ണൂർ എന്നിവരും പങ്കെടുത്തു.