യു.​എ​ൻ അം​ഗ​ത്വ​ത്തി​ന്റെ 60ാം വാ​ർ​ഷി​ക​ത്തി​ൽ കു​വൈ​ത്ത്

കു​വൈ​ത്ത് സി​റ്റി: ഐ​ക്യ​രാ​ഷ്ട്ര സ​ഭ (യു.​എ​ൻ) അം​ഗ​ത്വ​ത്തി​ന്റെ 60ാം വാ​ർ​ഷി​ക​ത്തി​ൽ കു​വൈ​ത്ത്. സ​മാ​ധാ​ന​വും സു​ര​ക്ഷ​യും കൈ​വ​രി​ക്കു​ന്ന​തി​നും ലോ​ക​മെ​മ്പാ​ടു​മു​ള്ള വി​ക​സ​ന​വും മ​നു​ഷ്യാ​വ​കാ​ശ​ങ്ങ​ളും പ്രോ​ത്സാ​ഹി​പ്പി​ക്കു​ന്ന​തി​നു​ള്ള തീ​വ്ര​ശ്ര​മ​ങ്ങ​ൾ​ക്കി​ട​യി​ലാ​ണ് 111ാം അം​ഗ​മാ​യി കു​വൈ​ത്ത് യു.​എ​ന്നി​ൽ എ​ത്തി​യ​ത്. 1963 മേ​യ് 14 നാ​ണ് കു​വൈ​ത്ത് യു.​എ​ന്നി​ൽ ചേ​ർ​ന്ന​ത്.

തു​ട​ർ​ന്ന് ആ​ഗോ​ള നീ​തി​യെ​യും രാ​ഷ്ട്ര​ങ്ങ​ളു​ടെ​യും ജ​ന​ങ്ങ​ളു​ടെ​യും സ്വ​യം നി​ർ​ണ​യ​ത്തെ പി​ന്തു​ണ​ക്കു​ന്ന​തി​ലൂ​ടെ​യും കു​വൈ​ത്ത് യു.​എ​ൻ അം​ഗ​ങ്ങ​ൾ​ക്കി​ട​യി​ൽ ക​ഴി​വും കാ​ര്യ​ക്ഷ​മ​ത​യും തെ​ളി​യി​ച്ചു. പ്ര​ധാ​ന​മാ​യും ഫ​ല​സ്തീ​ൻ വി​ഷ​യം സ്ഥി​ര​മാ​യി ഐ​ക്യ​രാ​ഷ്ട്ര​സ​ഭ​യി​ൽ ഉ​യ​ർ​ത്തി​ക്കൊ​ണ്ടു​വ​ന്നു. മാ​നു​ഷി​ക പ്ര​ശ്‌​ന​ങ്ങ​ൾ, യു.​എ​ൻ സു​ര​ക്ഷ കൗ​ൺ​സി​ൽ വി​ക​സ​നം, പ്ര​തി​രോ​ധ ന​യ​ത​ന്ത്ര​ത്തി​ന്റെ പ്രോ​ത്സാ​ഹ​നം, മ​ധ്യ​സ്ഥ​ത, സം​ഘ​ർ​ഷ​ങ്ങ​ൾ ത​ട​യ​ൽ എ​ന്നി​വ ഉ​ൾ​പ്പെ​ടെ​യു​ള്ള അ​റ​ബ് ഇ​സ്‌​ലാ​മി​ക പ്ര​ശ്‌​ന​ങ്ങ​ളെ കു​വൈ​ത്ത് പ്ര​തി​രോ​ധി​ച്ചു. ഔ​ദ്യോ​ഗി​ക ഏ​ജ​ൻ​സി​ക​ളി​ലൂ​ടെ​യും ചാ​രി​റ്റി​ക​ളി​ലൂ​ടെ​യും അ​ന്താ​രാ​ഷ്ട്ര മാ​നു​ഷി​ക പ്ര​വ​ർ​ത്ത​ന​ങ്ങ​ളി​ൽ കു​വൈ​ത്ത് പ്ര​ധാ​ന പ​ങ്കു​വ​ഹി​ച്ചു. കു​വൈ​ത്തി​ന്റെ മ​ഹ​ത്താ​യ മാ​നു​ഷി​ക സം​രം​ഭ​ങ്ങ​ൾ ഗ​ൾ​ഫ് രാ​ജ്യ​ത്തി​ന് ആ​ഗോ​ള മാ​നു​ഷി​ക കേ​ന്ദ്ര​മെ​ന്ന പ​ദ​വി ന​ൽ​കാ​നും ഇ​ട​യാ​ക്കി.

അ​ടി​യ​ന്ത​ര മാ​നു​ഷി​ക സ​ഹാ​യ​വും ദു​രി​താ​ശ്വാ​സ സ​ഹാ​യ​വും വാ​ഗ്ദാ​നം ചെ​യ്യു​ന്ന യു.​എ​ൻ ശ്ര​മ​ങ്ങ​ളു​ടെ ഉ​റ​ച്ച പി​ന്തു​ണ​ക്കാ​ര​നാ​യി കു​വൈ​ത്ത് തു​ട​രു​മെ​ന്ന് 60ാം വാ​ർ​ഷി​ക​ത്തി​ൽ വി​ദേ​ശ​കാ​ര്യ മ​ന്ത്രി ശൈ​ഖ് സ​ലിം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് വ്യ​ക്ത​മാ​ക്കി. യു.​എ​ൻ അം​ഗ​ത്വം കു​വൈ​ത്ത് ന​യ​ത​ന്ത്ര ച​രി​ത്ര​ത്തി​ലെ സു​പ്ര​ധാ​ന ഘ​ട്ട​മാ​ണെ​ന്ന് ഐ​ക്യ​രാ​ഷ്ട്ര സ​ഭ​യി​ലെ കു​വൈ​ത്തി​ന്റെ സ്ഥി​രം പ്ര​തി​നി​ധി അം​ബാ​സ​ഡ​ർ താ​രി​ഖ് അ​ൽ ബ​ന്നാ​യി പ​റ​ഞ്ഞു. പ​തി​റ്റാ​ണ്ടു​ക​ളാ​യി വ്യ​ത്യ​സ്ത മേ​ഖ​ല​ക​ളി​ൽ, പ്ര​ത്യേ​കി​ച്ച് മാ​നു​ഷി​ക, സ​മാ​ധാ​നം, സു​ര​ക്ഷ, സാ​മ്പ​ത്തി​ക, വി​ക​സ​ന മേ​ഖ​ല​ക​ളി​ൽ ഇ​രു​പ​ക്ഷ​വും പ​ര​സ്പ​രം സ​ഹ​ക​രി​ച്ച് പ്ര​വ​ർ​ത്തി​ക്കു​ന്ന​താ​യും അ​ദ്ദേ​ഹം ചൂ​ണ്ടി​ക്കാ​ട്ടി. ഇ​റാ​ഖി അ​ധി​നി​വേ​ശ​ത്തി​ൽ നി​ന്ന് കു​വൈ​ത്തി​നെ മോ​ചി​പ്പി​ക്കു​ന്ന​തി​ൽ യു.​എ​ൻ ര​ക്ഷാ​സ​മി​തി​യു​ടെ പ​ങ്ക് അ​ദ്ദേ​ഹം അ​ടി​വ​ര​യി​ട്ടു. സം​ഘ​ർ​ഷ​ങ്ങ​ളും പ്ര​കൃ​തി ദു​ര​ന്ത​ങ്ങ​ളും മൂ​ലം ദു​രി​ത​മ​നു​ഭ​വി​ക്കു​ന്ന ജ​ന​ങ്ങ​ളു​ടെ പ്ര​യാ​സം ല​ഘൂ​ക​രി​ക്കു​ന്ന​തി​നു​ള്ള പ്രാ​ദേ​ശി​ക​വും അ​ന്ത​ർ​ദേ​ശീ​യ​വു​മാ​യ മാ​നു​ഷി​ക പ്ര​വ​ർ​ത്ത​ന​ങ്ങ​ളെ പി​ന്തു​ണ​ക്കു​ന്ന​തി​ൽ യു.​എ​ന്നു​മാ​യു​ള്ള കു​വൈ​ത്തി​ന്റെ ശ​ക്ത​മാ​യ പ​ങ്കാ​ളി​ത്ത​വും താ​രി​ഖ് അ​ൽ ബ​ന്നാ​യി ചൂ​ണ്ടി​ക്കാ​ട്ടി.