പോ​യ് വ​രു​മ്പോ​ൾ മു​ത്തു കൊ​ണ്ടു​വ​രും...

കു​വൈ​ത്ത് സി​റ്റി: പൂ​ർ​വി​ക​രു​ടെ ഓ​ർ​മ​ക​ളു​ടെ ക​പ്പ​ലി​ലേ​റി കു​വൈ​ത്ത് യു​വ​ത ഒ​രി​ക്ക​ൽ കൂ​ടി ക​ട​ലി​ലേ​ക്ക് യാ​ത്ര​തി​രി​ച്ചു. ഇ​നി ആ​റാം ദി​വ​സം ഇ​വ​ർ മ​ട​ങ്ങി​യെ​ത്തും. അ​തി​നി​ടെ പൂ​ർ​വി​ക​രു​ടെ സാ​ഹ​സി​ക ക​ട​ൽ യാ​ത്ര​യു​ടെ​യും, ജീ​വി​ത സ്രോ​ത​സ്സാ​യി​രു​ന്ന മു​ത്തു പെ​റു​ക്ക​ലി​ന്റെ​യും ഓ​ർ​മ​ക​ൾ പ​ങ്കു​വെ​ക്കും. ജ​ലോ​പ​രി​ത​ല​ത്തി​ലെ അ​നു​ഭ​വ​ത്തി​നൊ​പ്പം, ക​ട​ലാ​ഴ​ങ്ങ​ളി​ൽ ക​രു​തി​വെ​ച്ച മു​ത്ത് ശേ​ഖ​രി​ക്കും. അ​ങ്ങ​നെ വ​ർ​ഷ​ങ്ങ​ൾ​ക്കു മു​മ്പ് ന​ട​ത്തി​യ യാ​ത്ര​ക​ളു​ടെ പു​ന​രു​ജ്ജീ​വ​നം സാ​ധ്യ​മാ​ക്കും.

33ാമ​ത് പേ​ൾ ഡൈ​വി​ങ് ഫെ​സ്റ്റി​വ​ലി​ന്റെ ഭാ​ഗ​മാ​യി ശ​നി​യാ​ഴ്ച നാ​ലു ക​പ്പ​ലു​ക​ളി​ലാ​യി 150 യു​വാ​ക്ക​ൾ ക​ട​ലി​ലേ​ക്ക് തി​രി​ച്ചു. സാ​ൽ​മി​യ​യി​ലെ ക്ല​ബി​ന്റെ തീ​ര​ത്തു​നി​ന്ന് പു​റ​പ്പെ​ട്ട ക​പ്പ​ലു​ക​ൾ ഈ ​മാ​സം 15 നാ​ണ് തി​രി​ച്ചെ​ത്തു​ക. ഈ ​സ​മ​യ​ത്ത് മു​ത്തു​ച്ചി​പ്പി​ക​ൾ​ക്ക് പേ​രു​കേ​ട്ട സ​മു​ദ്ര​മേ​ഖ​ല​യാ​യ ഹി​റാ​ത്ത് അ​ൽ ഖി​റാ​നി​ൽ ഇ​വ​ർ ഡൈ​വി​ങ് പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടും.

ദേ​ശീ​യ ഗാ​നാ​ലാ​പ​ന​ത്തി​നു​ശേ​ഷം പ​ര​മ്പ​രാ​ഗ​ത ക​ലാ​പ​രി​പാ​ടി​ക​ളോ​ടെ​യാ​ണ് യാ​ത്ര തി​രി​ക്ക​ൽ ച​ട​ങ്ങ് ആ​രം​ഭി​ച്ച​ത്. ‘ദ​ശ’ എ​ന്നാ​ണ് ഈ ​ദി​വ​സം അ​റി​യ​പ്പെ​ടു​ന്ന​ത്. തു​ട​ർ​ന്ന് ക​പ്പ​ലു​ക​ൾ അ​ൽ ഖി​റാ​ൻ പ്ര​ദേ​ശ​ത്തെ ഡൈ​വി​ങ് പോ​ർ​ട്ടി​ലേ​ക്ക് പു​റ​പ്പെ​ട്ടു. ക​ട​ൽ​തീ​ര​ത്തെ​ത്തി​യ ബ​ന്ധു​ക്ക​ളോ​ടും മ​റ്റു​ള്ള​വ​രോ​ടും യാ​ത്ര പ​റ​ഞ്ഞ് സം​ഘം പു​റ​പ്പെ​ട്ടു. 15നും 20​നും ഇ​ട​യി​ൽ പ്രാ​യ​മു​ള്ള​വ​രാ​ണ് ഫെ​സ്റ്റി​വ​ലി​ൽ പ​​ങ്കെ​ടു​ക്കു​ക. ക​ട​ലി​ൽ അ​വ​രു​ടെ പി​താ​ക്ക​ന്മാ​രു​ടെ പാ​ര​മ്പ​ര്യ​ങ്ങ​ൾ അ​നു​ഭ​വി​ക്കാ​നും അ​നു​ക​രി​ക്കാ​നും ഈ ​യാ​ത്ര അ​വ​ർ​ക്ക് അ​വ​സ​രം ന​ൽ​കു​ന്നു. യു​വാ​ക്ക​ളി​ൽ ത​ങ്ങ​ളു​ടെ പൈ​തൃ​ക​ത്തി​ൽ അ​ഭി​മാ​നം വ​ള​ർ​ത്തി​യെ​ടു​ക്കു​ന്ന​തി​നൊ​പ്പം മു​ൻ ത​ല​മു​റ​യു​ടെ ത്യാ​ഗ​ങ്ങ​ൾ ഓ​ർ​മ​പ്പെ​ടു​ത്തു​ക​യു​മാ​ണ് ഇ​തു​വ​ഴി ല​ക്ഷ്യ​മാ​ക്കു​ന്ന​ത്.

വ്യാ​ഴാ​ഴ്ച വി​വി​ധ സ​മു​ദ്ര ക​ല​ക​ളു​ടെ അ​വ​ത​ര​ണ​ങ്ങ​ൾ അ​ട​ക്കം ആ​ഘോ​ഷ​പൂ​ർ​വ​മാ​ണ് തി​രി​ച്ചെ​ത്തു​ന്ന ക​പ്പ​ലു​ക​ളെ സ്വീ​ക​രി​ക്കു​ക. ക​ട​ൽ​ത്തീ​ര​ത്ത് മ​ക്ക​ളെ സ്വീ​ക​രി​ക്കു​ന്ന​തി​ന് കു​ടും​ബ​ങ്ങ​ളും വ​ന്നെ​ത്തും.കു​വൈ​ത്ത് പ​ബ്ലി​ക് അ​തോ​റി​റ്റി ഫോ​ർ സ്പോ​ർ​ട്സ്, ആ​ഭ്യ​ന്ത​ര മ​ന്ത്രാ​ല​യം, ആ​രോ​ഗ്യ മ​ന്ത്രാ​ല​യം, ഇ​ൻ​ഫ​ർ​മേ​ഷ​ൻ മ​ന്ത്രാ​ല​യം, ഫ​യ​ർ​ഫോ​ഴ്സ് എ​ന്നി​വ​രു​ടെ പി​ന്തു​ണ​യും പ​ങ്കാ​ളി​ത്ത​വും ഫെ​സ്റ്റി​വ​ലി​നു​ണ്ട്.