1,647 പേ​രു​ടെ പൗ​ര​ത്വം കു​വൈ​ത്ത് റ​ദ്ദാ​ക്കി

കു​വൈ​ത്ത് സി​റ്റി: അ​ന​ധി​കൃ​ത​മാ​യി കു​വൈ​ത്ത് പൗ​ര​ത്വം നേ​ടി​യ​വ​ർ​ക്കെ​തി​രെ ന​ട​പ​ടി​ക​ൾ തു​ട​രു​ന്നു. ക​ഴി​ഞ്ഞ ദി​വ​സം 1,647 പേ​രു​ടെ കൂ​ടി പൗ​ര​ത്വം കു​വൈ​ത്ത് റ​ദ്ദാ​ക്കി. ആ​ക്ടി​ങ് പ്ര​ധാ​ന​മ​ന്ത്രി​യും പ്ര​തി​രോ​ധ, ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് അ​സ്സ​ബാ​ഹി​ന്‍റെ നേ​തൃ​ത്വ​ത്തി​ലു​ള്ള സു​പ്രീം ക​മ്മി​റ്റി​യാ​ണ് ഇ​ത് സം​ബ​ന്ധ​മാ​യ തീ​രു​മാ​നം കൈ​ക്കൊ​ണ്ട​ത്.

ക​ഴി​ഞ്ഞ മൂ​ന്നാ​ഴ്ച​ക്കു​ള്ളി​ല്‍ 4,601 കേ​സു​ക​ളാ​ണ് ക​മ്മി​റ്റി അ​വ​ലോ​ക​നം ചെ​യ്ത​ത്. വ്യാ​ജ സ​ര്‍ട്ടി​ഫി​ക്ക​റ്റു​ക​ള്‍ ഹാ​ജ​രാ​ക്കി​യും മ​റ്റ് വ​ഴി​ക​ളി​ലൂ​ടെ​യും പൗ​ര​ത്വ സ​ര്‍ട്ടി​ഫി​ക്ക​റ്റു​ക​ളും പാ​സ്പോ​ര്‍ട്ടു​ക​ളും കൈ​വ​ശ​പ്പെ​ടു​ത്തി​യ​വ​ര്‍ക്കെ​തി​രെ​യാ​ണ് ന​ട​പ​ടി​ക​ള്‍ സ്വീ​ക​രി​ക്കു​ന്ന​ത്.

അ​ടു​ത്തി​ടെ ന​ട​ത്തി​യ പ​രി​ശോ​ധ​ന​യി​ല്‍ ഇ​ത്ത​ര​ത്തി​ല്‍ ഉ​ള്‍പ്പെ​ട്ട നി​ര​വ​ധി​യാ​ളു​ക​ള്‍ പി​ടി​യി​ലാ​യി​രു​ന്നു. വ്യാ​ജ രേ​ഖ​ക​ള്‍ സ​മ​ര്‍പ്പി​ച്ച്‌ പൗ​ര​ത്വം നേ​ടി​യ സി​റി​യ​ക്കാ​രാ​യ ര​ണ്ട് കു​ടും​ബ​ങ്ങ​ൾ അ​ട​ക്കം 310 പേ​രു​ടെ പൗ​ര​ത്വം ക​ഴി​ഞ്ഞ ദി​വ​സം ക​മ്മി​റ്റി റ​ദ്ദാ​ക്കി​യി​രു​ന്നു. പൗ​ര​ത്വം ന​ഷ്ട​മാ​കു​ന്ന​വ​രെ അ​വ​രു​ടെ നാ​ട്ടി​ലേ​ക്ക് തി​രി​ച്ച​യ​ക്കു​മെ​ന്നാ​ണ് സൂ​ച​ന.