ഇന്ത്യക്ക്​ സഹായം തുടരുമെന്ന്​ കുവൈത്ത്​ വിദേശകാര്യ മന്ത്രി

കുവൈത്ത്​ സിറ്റി: ദുരിതകാലത്തെ അതിജയിക്കാൻ സുഹൃദ്​രാജ്യമായ ഇന്ത്യക്ക്​ സഹായം തുടരുമെന്ന്​ കുവൈത്ത്​ വിദേശകാര്യ മന്ത്രി ഡോ. അഹ്​മദ്​ നാസർ അൽ മുഹമ്മദ്​ അസ്സബാഹ്​ പറഞ്ഞു.

കേന്ദ്ര വിദേശകാര്യ മന്ത്രി എസ്​. ജയശങ്കറുമായി ഫോണിൽ സംസാരിക്കുകയായിരുന്നു അദ്ദേഹം. കുവൈത്തി​െൻറ ​െഎക്യദാർഢ്യത്തിനും സഹായത്തിനും കേന്ദ്രമന്ത്രി എസ്​. ജയശങ്കർ നന്ദി അറിയിക്കുകയും അഭിനന്ദിക്കുകയും ചെയ്​തു. ഇരുരാജ്യവും തമ്മിലുള്ള ചരിത്രപരമായ ആഴത്തിലുള്ള ബന്ധമാണ്​ ഇൗ പ്രയാസകാലത്ത്​ വെളിപ്പെടുന്നതെന്ന്​ അദ്ദേഹം കൂട്ടിച്ചേർത്തു. കോവിഡ്​ പ്രതിസന്ധിയിൽ ഉഴലുന്ന ഇന്ത്യക്ക്​ സഹായം നൽകാൻ കുവൈത്ത്​ സംഭാവന കാമ്പയിൻ ആരംഭിച്ചിട്ടുണ്ട്​.

കുവൈത്ത്​ സാമൂഹികക്ഷേമ മന്ത്രാലയമാണ്​ വ്യക്തികളോടും കമ്പനികളോടും സന്നദ്ധ സംഘടനകളോടും സഹായം അഭ്യർഥിച്ചത്​. യർമൂഖിലെ കമ്യൂണിറ്റി ഡെവലപ്​മെൻറ്​ സെൻററി​ൽ ഒാഫിസ്​ തുറന്നാണ്​​ സഹായം സ്വീകരിക്കുന്നത്​. കുവൈത്ത്​ സർക്കാറി​െൻറയും സന്നദ്ധ സംഘടനകളുടെയും നേതൃത്വത്തിൽ മെഡിക്കൽ സഹായവസ്​തുക്കൾ അയക്കുന്നുണ്ട്​. 2800 മെട്രിക്​ ടൺ ഒാക്​സിജൻ കുവൈത്തിൽനിന്ന്​ അയക്കാനാണ്​ ലക്ഷ്യമിടുന്നത്​.

ഒാക്​സിജൻ ക്ഷാമംമൂലം ആയിരങ്ങൾ മരിച്ചുകൊണ്ടിരിക്കുന്ന ഇന്ത്യക്ക്​ വിവിധ ലോകരാജ്യങ്ങൾ സഹായവാഗ്​ദാനങ്ങൾ നൽകുന്നുണ്ട്​. ഇന്ത്യക്ക്​ ആദ്യം സഹായം വാഗ്​ദാനം ചെയ്​ത രാജ്യങ്ങളിലൊന്നാണ്​ കുവൈത്ത്​. ഏറ്റവും കൂടുതൽ സഹായം അയക്കുന്ന രാജ്യ​ങ്ങളിലൊന്നും കുവൈത്ത്​ ആണ്​.