തെ​ര​ഞ്ഞെ​ടു​പ്പ് ക​മീ​ഷ​ൻ നി​യ​മ​ം അ​ന്തി​മ​രൂ​പത്തിലേക്ക്

കു​വൈ​ത്ത് സി​റ്റി: സ്വ​ത​ന്ത്ര​വും നീ​തി​യു​ക്ത​വും സു​താ​ര്യ​വു​മാ​യ തെ​ര​ഞ്ഞെ​ടു​പ്പ് ഉ​റ​പ്പു വ​രു​ത്ത​ൽ ല​ക്ഷ്യ​മി​ട്ട് സ്വ​ത​ന്ത്ര തെ​ര​ഞ്ഞെ​ടു​പ്പ് ക​മീ​ഷ​ൻ രൂ​പ​വ​ത്ക​രി​ക്കു​ന്ന​തി​നു​ള്ള ക​ര​ട് നി​യ​മം, ദേ​ശീ​യ അ​സം​ബ്ലി​യു​ടെ നി​യ​മ​നി​ർ​മാ​ണ സ​മി​തി ച​ർ​ച്ച​ചെ​യ്തു. അ​ടു​ത്ത ദി​വ​സം കൂ​ടു​ന്ന സ​മി​തി യോ​ഗ​ത്തി​ല്‍ ഇ​തു​സം​ബ​ന്ധ​മാ​യ വോ​ട്ടെ​ടു​പ്പ് ഉ​ണ്ടാ​കു​മെ​ന്ന് പാ​ര്‍ല​മെ​ന്റ് അം​ഗം ഹി​ഷാം അ​ൽ സാ​ല​ഹ് പ​റ​ഞ്ഞു.

ക​മ്മി​റ്റി​യി​ല്‍ സി​വി​ൽ സൊ​സൈ​റ്റി​ക​ളു​ടെ പ്ര​തി​നി​ധി​ക​ൾ​ക്ക് പു​റ​മെ ജു​ഡീ​ഷ്യ​ൽ, ലെ​ജി​സ്ലേ​റ്റി​വ്, എ​ക്സി​ക്യൂ​ട്ടി​വ് അ​തോ​റി​റ്റി​ക​ളി​ൽ നി​ന്നു​ള്ള ഏ​ഴ് പ്ര​തി​നി​ധി​ക​ൾ ഉ​ൾ​പ്പെ​ടു​മെ​ന്ന് ക​ര​ട് നി​യ​മ​നി​ർ​മാ​ണ​ത്തി​ൽ നി​ർ​ദേ​ശി​ക്കു​ന്നു. ക​ര​ട് നി​യ​മ​ത്തി​ന്‍റെ നി​യ​മ​സാ​ധു​ത​യാ​ണ് സ​മി​തി പ​രി​ശോ​ധി​ക്കു​ന്ന​ത്. തു​ട​ര്‍ന്ന് ആ​ഭ്യ​ന്ത​ര, പ്ര​തി​രോ​ധ സ​മി​തി ബി​ല്ലി​ന് അ​ന്തി​മ അ​നു​മ​തി ന​ൽ​കും. സ്വ​ത​ന്ത്ര​വും നീ​തി​യു​ക്ത​വു​മാ​യ തെ​ര​ഞ്ഞെ​ടു​പ്പ് ഉ​റ​പ്പാ​ക്കാ​ൻ ക​മീ​ഷ​ൻ രൂ​പ​വ​ത്ക​രി​ക്കു​ന്ന​തി​ലൂ​ടെ സാ​ധി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന് അ​ൽ സാ​ല​ഹ് പ​റ​ഞ്ഞു.

രാ​ജ്യ​ത്ത് നി​ല​നി​ൽ​ക്കു​ന്ന രാ​ഷ്ട്രീ​യ​പ്ര​തി​സ​ന്ധി​യി​ൽ​നി​ന്ന് ക​ര​ക​യ​റാ​ൻ നീ​തി​യു​ക്ത​വു​മാ​യ തെ​ര​ഞ്ഞെ​ടു​പ്പ് ന​ട​ത്ത​ണ​മെ​ന്ന് സ്പീ​ക്ക​ർ മ​ർ​സൂ​ഖ് അ​ൽ​ഗാ​നം വ്യ​ക്ത​മാ​ക്കി. സു​താ​ര്യ​മാ​യ തെ​ര​ഞ്ഞെ​ടു​പ്പി​ന് മേ​ൽ​നോ​ട്ടം വ​ഹി​ക്കാ​ൻ ഉ​ന്ന​ത തെ​ര​ഞ്ഞെ​ടു​പ്പ് ക​മീ​ഷ​നെ നി​യ​മി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

പാ​ര്‍ല​മെ​ന്റ് ഇ​ന്റീ​രി​യ​ർ ആ​ൻ​ഡ് ഡി​ഫ​ൻ​സ് ക​മ്മി​റ്റി ത​ല​വ​ൻ സാ​ദൂ​ൻ ഹ​മ്മാ​ദ് ക​ര​ട് നി​യ​മ​ത്തി​ന്‍റെ പ​ക​ര്‍പ്പ് നി​യ​മ സ​മി​തി​യോ​ട് ആ​വ​ശ്യ​പ്പെ​ട്ടി​ട്ടു​ണ്ട്. സ്വ​ത​ന്ത്ര​വും നീ​തി​യു​ക്ത​വും സു​താ​ര്യ​വു​മാ​യ തെ​ര​ഞ്ഞെ​ടു​പ്പ് ഉ​റ​പ്പാ​ക്കാ​ൻ സ​മി​തി ആ​ഗ്ര​ഹി​ക്കു​ന്ന​താ​യും സാ​ദൂ​ൻ ഹ​മ്മാ​ദ് പ​റ​ഞ്ഞു. തെ​ര​ഞ്ഞെ​ടു​പ്പ് കേ​ന്ദ്ര​ങ്ങ​ളി​ലും വോ​ട്ടെ​ണ്ണ​ൽ സ​മ​യ​ത്തും സ്ഥാ​നാ​ർ​ഥി​ക​ൾ​ക്ക് പ്ര​തി​നി​ധി​ക​ൾ ഉ​ണ്ടെ​ന്ന് ഉ​റ​പ്പാ​ക്കും. തെ​ര​ഞ്ഞെ​ടു​പ്പ് പ്ര​ക്രി​യ നി​രീ​ക്ഷി​ക്കാ​ൻ വോ​ട്ടി​ങ് സ​ഥ​ല​ത്ത് സ്ഥാ​നാ​ർ​ഥി പ്ര​തി​നി​ധി​ക​ൾ​ക്ക് പ്ര​വേ​ശ​നം ന​ൽ​കു​ന്ന​തും നി​യ​മ​ത്തി​ൽ ഉ​റ​പ്പാ​ക്കു​മെ​ന്ന് അ​ദ്ദേ​ഹം വ്യ​ക്ത​മാ​ക്കി.

അ​തി​നി​ടെ, പു​തി​യ സ​ർ​ക്കാ​ർ രൂ​പ​വ​ത്ക​ര​ണം സം​ബ​ന്ധി​ച്ച് വ്യ​ക്ത​ത വ​ന്നി​ട്ടി​ല്ല. ക​ഴി​ഞ്ഞ ദി​വ​സം കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് സ്പീ​ക്ക​ർ മ​ർ​സൂ​ഖ് അ​ൽ ഗാ​നം, ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​സ്സ​ബാ​ഹ് എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തി​യി​രു​ന്നു.