ഗ​സ്സ​ക്ക് മാ​നു​ഷി​ക പി​ന്തു​ണ ഉ​റ​പ്പാ​ക്കാ​ൻ കു​വൈ​ത്ത്

കു​വൈ​ത്ത് സി​റ്റി: ഗ​സ്സ​യി​ൽ മാ​നു​ഷി​ക സ​ഹാ​യം എ​ത്തി​ക്കു​ന്ന​തി​നും ശ​ക്തി​പ്പെ​ടു​ത്തു​ന്ന​തി​നു​മു​ള്ള അ​ന്താ​രാ​ഷ്ട്ര സ​മ്മേ​ള​ന​ത്തി​ൽ കു​വൈ​ത്ത് വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ്‌​യ പ​ങ്കെ​ടു​ത്തു. കെ​യ്‌​റോ​യി​ൽ ആ​രം​ഭി​ച്ച സ​മ്മേ​ള​ന​ത്തി​ൽ കു​വൈ​ത്ത് ഉ​ൾ​പ്പെ​ടെ 100 രാ​ജ്യ​ങ്ങ​ൾ സ​ഭാം​ഗ​മാ​ണ്.

‘ഗ​സ്സ​യി​ലെ മാ​നു​ഷി​ക ദു​ര​ന്ത​ത്തി​ന്റെ ഒ​രു വ​ർ​ഷം: അ​ടി​യ​ന്ത​ര ആ​വ​ശ്യ​ങ്ങ​ളും സു​സ്ഥി​ര പ​രി​ഹാ​ര​ങ്ങ​ളും’ എ​ന്ന പ്ര​മേ​യ​ത്തി​ൽ ന​ട​ന്ന സ​മ്മേ​ള​ന​ത്തി​ൽ യു.​എ​ൻ ഡെ​പ്യൂ​ട്ടി സെ​ക്ര​ട്ട​റി ജ​ന​റ​ൽ ആ​മി​ന മു​ഹ​മ്മ​ദും രാ​ജ്യ​ങ്ങ​ളി​ലെ മ​ന്ത്രി​മാ​രും പ്ര​തി​നി​ധി​ക​ളും പ്രാ​ദേ​ശി​ക, അ​ന്ത​ർ​ദേ​ശീ​യ അ​ന്താ​രാ​ഷ്ട്ര സം​ഘ​ട​ന​ക​ളും യു.​എ​ൻ ഏ​ജ​ൻ​സി​ക​ളും പ​ങ്കെ​ടു​ത്തു. ഗ​സ്സ​യി​ലെ മാ​നു​ഷി​ക പ്ര​തി​ക​ര​ണ​ങ്ങ​ളെ പി​ന്തു​ണ​ക്കു​ന്ന​തി​നും ഫ​ല​സ്തീ​ൻ ജ​ന​ത അ​ഭി​മു​ഖീ​ക​രി​ക്കു​ന്ന ദു​ര​ന്ത​ത്തെ അ​ഭി​മു​ഖീ​ക​രി​ക്കു​ന്ന​തി​നു​മു​ള്ള ഈ​ജി​പ്തി​​ന്റെ നി​ര​ന്ത​ര​മാ​യ ശ്ര​മ​ങ്ങ​ളു​ടെ തു​ട​ർ​ച്ച​യാ​ണ് സ​മ്മേ​ള​നം. ഗ​സ്സ​ക്കു​ള്ള അ​ന്താ​രാ​ഷ്ട്ര പി​ന്തു​ണ വ​ർ​ധി​പ്പി​ക്കു​ക, സു​സ്ഥി​ര​ത ഉ​റ​പ്പാ​ക്കു​ക, അ​ടി​യ​ന്ത​ര സ​ഹാ​യം എ​ത്തി​ക്കു​ന്ന​തി​നു​ള്ള ശ്ര​മ​ങ്ങ​ൾ വി​പു​ല​പ്പെ​ടു​ത്തു​ക തു​ട​ങ്ങി​യ​വ​യാ​ണ് ല​ക്ഷ്യം.

ഫ​ല​സ്തീ​ൻ അ​ഭ​യാ​ർ​ഥി​ക​ൾ​ക്കാ​യു​ള്ള ഐ​ക്യ​രാ​ഷ്ട്ര സം​ഘ​ട​ന​യു​ടെ ദു​രി​താ​ശ്വാ​സ ഏ​ജ​ൻ​സി​യെ ഇ​സ്രാ​യേ​ൽ നി​രോ​ധി​ച്ച​തി​നെ​തു​ട​ർ​ന്നു​ള്ള രാ​ഷ്ട്രീ​യ, സു​ര​ക്ഷ, മാ​നു​ഷി​ക മാ​ന​ങ്ങ​ൾ എ​ന്നി​വ​യും സ​മ്മേ​ള​നം അ​ഭി​സം​ബോ​ധ​ന ചെ​യ്യും.