ക​ന​ത്ത ത​ണു​പ്പ് തു​ട​രും; മ​ഴ​ക്ക് സാ​ധ്യ​ത

കു​വൈ​ത്ത് സി​റ്റി: രാ​ജ്യ​ത്ത് ക​ന​ത്ത ത​ണു​പ്പ് തു​ട​രും. ഒ​രാ​ഴ്ച​യാ​യി ക​ന​ത്ത ത​ണു​പ്പി​ന്റെ പി​ടി​യി​ലാ​ണ് രാ​ജ്യം. വെ​ള്ളി​യാ​ഴ്ച​യും ഇ​തേ നി​ല​തു​ട​രു​മെ​ന്ന് കു​വൈ​ത്ത് കാ​ലാ​വ​സ്ഥ വ​കു​പ്പ് ആ​ക്ടി​ങ് ഡ​യ​റ​ക്ട​ർ ധേ​രാ​ർ അ​ൽ അ​ലി വ്യ​ക്ത​മാ​ക്കി. ശ​നി​യാ​ഴ്ച കാ​ലാ​വ​സ്ഥ മി​ത​മാ​യ​താ​യി​രി​ക്കും. അ​തേ​സ​മ​യ​മം, വാ​രാ​ന്ത്യ​ത്തി​ൽ ഇ​ട​ക്കിടെ മ​ഴ പെ​യ്യു​മെ​ന്നും പ്ര​വ​ചി​ക്ക​പ്പെ​ടു​ന്നു. ഇ​തി​നൊ​പ്പം വ​ട​ക്കു​കി​ഴ​ക്ക​ൻ യൂ​റോ​പ്പി​ൽ നി​ന്നു​ള്ള ത​ണു​ത്ത കാ​റ്റും വീ​ശും.

വ്യാ​ഴാ​ഴ്ച​യും പ​ക​ലും രാ​ത്രി​യും ക​ന​ത്ത ത​ണു​പ്പ് അ​നു​ഭ​വ​പ്പെ​ട്ടു. പ​ക​ൽ ഭാ​ഗി​ക​മാ​യി മേ​ഘാ​വൃ​ത​മാ​യ കാ​ലാ​വ​സ്ഥ​യും അ​സ്ഥി​ര​മാ​യ വ​ട​ക്കു​പ​ടി​ഞ്ഞാ​റ​ൻ കാ​റ്റും അ​നു​ഭ​വ​പ്പെ​ട്ടു. അ​ഞ്ച് മു​ത​ൽ എ​ട്ട് വരെ ഡി​ഗ്രി സെ​ൽ​ഷ്യ​സ് ആയിരുന്നു ശാ​രാ​ശ​രി താ​പ​നി​ല.

വെ​ള്ളി​യാ​ഴ്ച​യും കാ​ലാ​വ​സ്ഥ സ​മാ​ന​മാ​യി​രി​ക്കു​മെ​ന്ന് പ്ര​തീ​ക്ഷി​ക്കു​ന്നു. മ​ണി​ക്കൂ​റി​ൽ 12-40 കി​ലോ​മീ​റ്റ​ർ വേ​ഗ​ത്തിൽ കാ​റ്റ് വീ​ശും. പ​ര​മാ​വ​ധി താ​പ​നി​ല 19 ഡി​ഗ്രി സെ​ൽ​ഷ്യ​സ് വ​രെ​യാ​കും. രാ​ത്രി​യി​ൽ എ​ട്ടു ഡി​ഗ്രി സെ​ൽ​ഷ്യ​സി​നും താ​ഴേ​ക്ക് താ​പ​നി​ല താ​ഴാം. ഇ​തി​നാ​ൽ വെ​ള്ളി​യാ​ഴ്ച രാ​ത്രി ത​ണു​പ്പാ​യി​രി​ക്കും. ശ​നി​യാ​ഴ്ച കാ​ലാ​വ​സ്ഥ മി​ത​മാ​യ​താ​യി​രി​ക്കും. ആ​കാ​ശം ഭാ​ഗി​ക​മാ​യി മേ​ഘാ​വൃ​ത​മാ​യി​രി​ക്കും.

കൂ​ടി​യ താ​പ​നി​ല 18 മു​ത​ൽ 20 ഡി​ഗ്രി വ​രെ ആ​കാം. എ​ന്നാ​ൽ ശ​നി​യാ​ഴ്ച രാ​ത്രി​യി​ൽ ത​ണു​പ്പ് കൂ​ടും. ക​ന​ത്ത ത​ണു​പ്പാ​ണ് ഈ ​മാ​സം അ​നു​ഭ​വ​പ്പെ​ടു​ന്ന​ത്. പ​ല​യി​ട​ങ്ങ​ളി​ലും താ​പ​നി​ല പൂ​ജ്യം ഡി​ഗ്രി സെ​ൽ​ഷ്യ​സി​നും താ​ഴെ​ എ​ത്തി. മ​ത​ര​ബ​യി​ലെ താ​പ​നി​ല മൈ​ന​സ് എ​ട്ടു ഡി​ഗ്രി സെ​ൽ​ഷ്യ​സ് സാ​ൽ​മി​യി​ൽ മൈ​ന​സ് ആ​റു ഡി​ഗ്രി സെ​ൽ​ഷ്യ​സ് എ​ന്നി​ങ്ങ​നെ എ​ത്തി​യ​താ​യും റി​പ്പോ​ർ​ട്ട് ചെ​യ്യ​പ്പെ​ട്ടു.

60 വ​ർ​ഷ​ത്തി​നി​ട​യി​ലെ ഏ​റ്റ​വും ത​ണു​പ്പു​ള്ള ഫെ​ബ്രു​വ​രി​യാ​ണ് ഈ ​വ​ർ​ഷം അ​നു​ഭ​വി​ക്കു​ന്ന​തെ​ന്ന് കാ​ലാ​വ​സ്ഥ നി​രീ​ക്ഷ​ക​ർ ക​ഴി​ഞ്ഞ ദി​വ​സം വ്യ​ക്ത​മാ​ക്കി​യി​രു​ന്നു.