ച​രി​​​ത്ര​മു​ഹൂ​ർ​ത്ത​ത്തി​ന് സാ​ക്ഷി​യാ​യി കു​വൈ​ത്ത്; ലോ​ക​ക​പ്പ് ക്രി​ക്ക​റ്റ് ട്രോ​ഫി പ്ര​ദ​ർ​ശി​പ്പി​ച്ചു

കു​വൈ​ത്ത് സി​റ്റി: ച​രി​ത്ര​മു​ഹൂ​ർ​ത്ത​ങ്ങ​ൾ​ക്കും ആ​ന​ന്ദ നി​മി​ഷ​ങ്ങ​ൾ​ക്കും ഹ​ർ​ഷാ​ര​വ​ങ്ങ​ൾ​ക്കും സാ​ക്ഷി​യാ​വു​ക​യും ലോ​ക കാ​യി​ക ഭൂ​പ​ട​ത്തി​ൽ തി​ള​ക്ക​ത്തോ​ടെ നി​ല​നി​ൽ​ക്കു​ക​യും ചെ​യ്യു​ന്ന ലോ​ക കി​രീ​ടം കു​വൈ​ത്തി​ന്റെ മ​ണ്ണി​ലു​മെ​ത്തി. ക്രി​ക്ക​റ്റ് ക​ളി​ക്കാ​രു​ടെ നി​ത്യ പ്ര​ചോ​ദ​ന​വും ആ​രാ​ധ​ക​രു​ടെ വി​സ്മ​യ​വു​മാ​യ ലോ​ക​ക​പ്പ് ക്രി​ക്ക​റ്റ് ട്രോ​ഫി, ഏ​ക​ദി​ന ലോ​ക​ക​പ്പി​ന്റെ മു​ന്നോ​ടി​യാ​യാ​ണ് കു​വൈ​ത്തി​ൽ എ​ത്തി​യ​ത്. ലോ​ക​ക്രി​ക്ക​റ്റി​ലെ വ​മ്പ​ൻ​മാ​ർ കൈ​ക​ളി​ലേ​ന്തി​യ, ടി.​വി സ്ക്രീ​നി​ൽ മാ​ത്രം ക​ണ്ട ലോ​ക കി​രീ​ടം ആ​ഘോ​ഷ​ത്തോ​ടെ​യാ​ണ് ര​ണ്ടു നാ​ൾ കു​വൈ​ത്ത് ഏ​റ്റെ​ടു​ത്ത​ത്.

വ്യാ​ഴാ​ഴ്ച റാ​ഡി​സ​ൺ ബ്ലൂ ​ഹോ​ട്ട​ലി​ൽ കു​വൈ​ത്തി​ലെ ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക, കു​വൈ​ത്ത് ക്രി​ക്ക​റ്റ് പ്ര​സി​ഡ​ന്റ് ഹൈ​ദ​ർ അ​ബ്ബാ​സ് ഫ​ർ​മാ​ൻ, ഐ.​സി.​സി ഡെ​പ്യൂ​ട്ടി ചെ​യ​ർ​മാ​ൻ ഇ​മ്രാ​ൻ ഖാ​ജ എ​ന്നി​വ​രും മ​റ്റു പ്ര​മു​ഖ​രും ചേ​ർ​ന്ന് ട്രോ​ഫി കു​വൈ​ത്തി​ൽ അ​വ​ത​രി​പ്പി​ച്ചു. കു​വൈ​ത്ത് ക്രി​ക്ക​റ്റ് അ​സോ​സി​യേ​ഷ​ൻ അം​ഗ​ങ്ങ​ൾ, ടീം ​അം​ഗ​ങ്ങ​ൾ, ഐ.​സി.​സി പ്ര​തി​നി​ധി​ക​ൾ, പ​ബ്ലി​ക് അ​തോ​റി​റ്റി ഫോ​ർ സ്പോ​ർ​ട്സ്, ബം​ഗ്ലാ​ദേ​ശ്, ശ്രീ​ല​ങ്ക, പാ​കി​സ്താ​ൻ അം​ബാ​സ​ഡ​ർ​മാ​ർ എ​ന്നി​വ​ർ പ​​ങ്കെ​ടു​ത്തു.

ഹോ​ട്ട​ലി​ൽ ക്ഷ​ണി​ക്ക​പ്പെ​ട്ട അ​തി​ഥി​ക​ൾ​ക്കു മാ​ത്ര​മാ​യി​രു​ന്നു പ്ര​വേ​ശ​നം. കു​വൈ​ത്തി​ലെ ക്രി​ക്ക​റ്റ് പ്രേ​മി​ക​ൾ​ക്ക് ഇ​തൊ​രു സ്വ​പ്ന​സാ​ക്ഷാ​ത്കാ​ര​മാ​ണെ​ന്നും ഒ​രു ദി​വ​സം ഞ​ങ്ങ​ൾ കു​വൈ​ത്തി​ൽ ലോ​ക​ക​പ്പി​ന് ആ​തി​ഥേ​യ​ത്വം വ​ഹി​ക്കു​മെ​ന്നും കു​വൈ​ത്ത് ക്രി​ക്ക​റ്റ് പ്ര​സി​ഡ​ന്റ് ഹൈ​ദ​ർ ഫ​ർ​മാ​ൻ പ​റ​ഞ്ഞു. വെ​ള്ളി​യാ​ഴ്ച സു​ലൈ​ബി​യ ക്രി​ക്ക​റ്റ് ഗ്രൗ​ണ്ടി​ൽ വൈ​കീ​ട്ട് അ​ഞ്ചു മു​ത​ൽ ക്രി​ക്ക​റ്റ് ഫാ​ൻ​സി​നാ​യി ട്രോ​ഫി പ്ര​ദ​ർ​ശി​പ്പി​ച്ചു. നി​ര​വ​ധി പേ​രാ​ണ് ഇ​വി​ടെ ലോ​ക കി​രീ​ടം കാ​ണാ​നെ​ത്തി​യ​ത്. ഒ​ക്ടോ​ബ​ർ അ​ഞ്ചു​മു​ത​ൽ ന​വം​ബ​ർ 19 വ​രെ ഇ​ന്ത്യ​യി​ൽ ന​ട​ക്കു​ന്ന ലോ​ക​ക​പ്പി​ന്റെ മു​ന്നോ​ടി​യാ​യി ക്രി​ക്ക​റ്റ് ട്രോ​ഫി ടൂ​റി​ന്റെ ഭാ​ഗ​മാ​യാ​ണ് ലോ​ക കി​രീ​ടം കു​വൈ​ത്തി​ൽ എ​ത്തി​യ​ത്. ലോ​ക​ത്തെ 18 രാ​ജ്യ​ങ്ങ​ളി​ൽ ട്രോ​ഫി പ്ര​ദ​ർ​ശി​പ്പി​ക്കു​ന്നു​ണ്ട്.

ജി.​സി.​സി​യി​ൽ കു​വൈ​ത്ത്, ബ​ഹ്റൈ​ൻ എ​ന്നി​വി​ട​ങ്ങ​ളി​ലാ​ണ് പ്ര​ദ​ർ​ശ​നം. ഇ​ന്ത്യ, ന്യൂ​സി​ല​ൻ​ഡ്, ആ​സ്ട്രേ​ലി​യ, യു.​എ​സ്.​എ, വെ​സ്റ്റി​ൻ​ഡീ​സ്, പാ​കി​സ്താ​ൻ, ശ്രീ​ല​ങ്ക, ബം​ഗ്ലാ​ദേ​ശ് എ​ന്നീ രാ​ജ്യ​ങ്ങ​ൾ പി​ന്നി​ട്ടാ​ണ് ട്രോ​ഫി കു​വൈ​ത്തി​ൽ എ​ത്തു​ന്ന​ത്. കു​വൈ​ത്തി​ൽ​നി​ന്ന് ബ​ഹ്റൈ​നി​ലേ​ക്കാ​ണ് ട്രോ​ഫി​യു​ടെ യാ​ത്ര. ഇ​റ്റ​ലി, ഫ്രാ​ൻ​സ്, ഇം​ഗ്ല​ണ്ട്, മ​ലേ​ഷ്യ, യു​ഗാ​ണ്ട, നൈ​ജീ​രി​യ, ദ​ക്ഷി​ണാ​ഫ്രി​ക്ക എ​ന്നീ രാ​ജ്യ​ങ്ങ​ളി​ലും പ്ര​ദ​ർ​ശ​നം ക​ഴി​ഞ്ഞ് സെ​പ്റ്റം​ബ​ർ നാ​ലി​ന് ട്രോ​ഫി ഇ​ന്ത്യ​യി​ൽ എ​ത്തും.