പൊതുമാപ്പ്​: എംബസി ഒൗട്ട്​പാസി​െൻറ ഫീസ്​ ഒഴിവാക്കി

കുവൈത്ത്​ സിറ്റി: പൊതുമാപ്പ്​ ഉപയോഗപ്പെടുത്താൻ പാസ്​പോർട്ട്​ ഇല്ലാത്തവർക്ക്​ എംബസി നൽകുന്ന ഒൗട്ട്​ പാസ ി​​െൻറ അപേക്ഷാ ഫീസ്​ ഒഴിവാക്കി. കേന്ദ്ര വിദേശകാര്യ സഹമന്ത്രി വി. മുരളീധരൻ ട്വിറ്ററിൽ അറിയിച്ചതാണിത്​. പൊതുമാ പ്പ്​ ഉപയോഗപ്പെടുത്തുന്നവർക്ക്​ കുവൈത്ത്​ സർക്കാർ സൗജന്യ വിമാന ടിക്കറ്റ്​ നൽകിയിട്ടും ഒൗട്ട്​പാസിന്​ എംബസി അഞ്ച്​ ദീനാർ ഇൗടാക്കുന്നത്​ ശക്​തമായ വിമർശനത്തിന്​ ഇടയാക്കിയിരുന്നു. ജോലിയും വരുമാനവുമില്ലാതെ പ്രയാസപ്പെടുന്ന അവിദഗ്​ധ തൊഴിലാളികളാണ്​ അനധികൃതര താമസക്കാരിൽ ഭൂരിഭാഗവും.

പിഴ ഒഴിവാക്കി നൽകിയും സൗജന്യ വിമാന ടിക്കറ്റ്​ നൽകിയും നടപടിക്രമങ്ങൾ പൂർത്തിയായത്​ മുതൽ യാത്ര ദിവസം വരെ താമസവും ഭക്ഷണവും നൽകിയും കുവൈത്ത്​ കാരുണ്യം കാണിക്കു​േമ്പാൾ ദുരിതാവസ്ഥയിലുള്ള സ്വന്തം പൗരന്മാരിൽനിന്ന്​ ഇന്ത്യ ഫീസ്​ ഇൗടാക്കുന്നത്​ ശരിയല്ല എന്നതായിരുന്നു പൊതുവികാരം. എംബസി നിയോഗിച്ച വളണ്ടിയർമാർ വഴി ഒൗട്ട്​പാസിന്​ അപേക്ഷ നൽകിയവർ അഞ്ചുദീനാർ ഫീസ്​ കൂടി ഇതിനകം നൽകിയിട്ടുണ്ട്​. ഇൗ തുക മടക്കി നൽകും.