വ​ര്‍ക്ക് പെ​ർ​മി​റ്റു​ക​ൾ ഇ​ൻ​ഷു​റ​ൻ​സ് ആ​ശു​പ​ത്രി​ക​ളു​മാ​യി ബ​ന്ധി​പ്പി​ക്കു​ന്നു

കു​വൈ​ത്ത് സി​റ്റി: രാ​ജ്യ​ത്ത് പു​തു​താ​യി ഇ​ഷ്യൂ ചെ​യ്യു​ന്ന വ​ര്‍ക്ക് പെ​ർ​മി​റ്റു​ക​ൾ ആ​രോ​ഗ്യ ഇ​ൻ​ഷു​റ​ൻ​സ് ആ​ശു​പ​ത്രി​ക​ളു​മാ​യി ബ​ന്ധി​പ്പി​ക്കു​ന്നു. ഇ​ത് സം​ബ​ന്ധ​മാ​യ നി​ർ​ദേ​ശ​ങ്ങ​ള്‍ ജ​ന​സം​ഖ്യ ഉ​പ​ദേ​ശ​ക​സ​മി​തി ആ​ഭ്യ​ന്ത​ര മ​ന്ത്രാ​ല​യ​ത്തി​ന് സ​മ​ര്‍പ്പി​ച്ച​താ​യി പ്രാ​ദേ​ശി​ക പ​ത്ര​ങ്ങ​ള്‍ റി​പ്പോ​ര്‍ട്ട് ചെ​യ്തു. രാ​ജ്യ​ത്തെ തൊ​ഴി​ല്‍ വി​പ​ണി​യി​ലേ​ക്ക് പ്ര​വാ​സി തൊ​ഴി​ലാ​ളി​ക​ള്‍ക്ക് പു​തി​യ വി​സ അ​നു​വ​ദി​ക്കു​ന്ന​തി​ന് മു​മ്പ് ആ​വ​ശ്യ​മാ​യ ആ​രോ​ഗ്യ സൗ​ക​ര്യ​ങ്ങ​ള്‍ ഒ​രു​ക്ക​ണ​മെ​ന്ന് സ​മി​തി നി​ർ​ദേ​ശി​ച്ചു. അ​ല്ലെ​ങ്കി​ല്‍ നി​ല​വി​ലെ ആ​രോ​ഗ്യ കേ​ന്ദ്ര​ങ്ങ​ളി​ല്‍ ജോ​ലി സ​മ്മ​ർ​ദം വ​ർ​ധിക്കു​മെ​ന്നും സ​മി​തി മു​ന്ന​റി​യി​പ്പ് ന​ൽ​കി. ജ​ഹ്‌​റ, അ​ഹ​മ്മ​ദി, ഫ​ർ​വാ​നി​യ മേ​ഖ​ല​യി​ലെ ആ​ശു​പ​ത്രി​ക​ളു​ടെ പ​ണി​ക​ളും ഇ​രു​പ​ത് ആ​രോ​ഗ്യ കേ​ന്ദ്ര​ങ്ങ​ളു​ടെ പ​ണി​യും പൂ​ര്‍ത്തി​യാ​യ​താ​യി ദ​മാ​ന്‍ ക​മ്പ​നി സ​മി​തി​ക്ക് റി​പ്പോ​ര്‍ട്ട് ന​ല്‍കി. മെ​ഡി​ക്ക​ൽ സ്റ്റാ​ഫു​ക​ളെ ല​ഭ്യ​മാ​ക്കു​ന്ന​തി​നു​മു​ള്ള ശ്ര​മ​ങ്ങ​ൾ ആ​രോ​ഗ്യ വ​കു​പ്പു​മാ​യി ചേ​ര്‍ന്ന് ന​ട​ന്നു​വ​രു​ക​യാ​ണെ​ന്നും ക​മ്പ​നി അ​റി​യി​ച്ചു. പൊ​തു​മാ​പ്പു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ള്‍ ക​മ്മി​റ്റി സൂ​ക്ഷ്മ​മാ​യി നി​രീ​ക്ഷി​ക്കു​ക​യാ​ണ്. നി​ല​വി​ല്‍ 1,20,000 മു​ത​ൽ 1,40,000വ​രെ നി​യ​മ​ലം​ഘ​ക​ര്‍ രാ​ജ്യ​ത്ത് ഉ​ണ്ടെ​ന്നാ​ണ് ക​ണ​ക്കു​ക​ളെ​ന്നും വ്യ​ക്ത​മാ​ക്കി.