സ്കൂ​ളു​ക​ളി​ൽ ര​ക്ത​സാ​ക്ഷി അ​നു​സ്മ​ര​ണ ചി​ത്ര​ങ്ങ​ൾ

കു​വൈ​ത്ത് സി​റ്റി: ജ​ന്മ​നാ​ടി​ന്റെ സം​ര​ക്ഷ​ണ​ത്തി​നാ​യി പോ​രാ​ടി ജീ​വ​ൻ ന​ഷ്ട​പ്പെ​ട്ട 1317 കു​വൈ​ത്ത് ര​ക്ത​സാ​ക്ഷി​ക​ളെ ആ​ദ​രി​ക്കു​ന്ന ചു​മ​ർ​ചി​ത്ര​ങ്ങ​ൾ ഇ​നി രാ​ജ്യ​ത്തെ സ്കൂ​ളു​ക​ളി​ൽ സ്ഥാ​നം​പി​ടി​ക്കും. ഈ ​ചി​ത്ര​ങ്ങ​ളും വി​വ​ര​ണ​ങ്ങ​ളും വി​ദ്യാ​ഭ്യാ​സ മ​ന്ത്രാ​ല​യ​ത്തി​ന് ര​ക്ത​സാ​ക്ഷി ബ്യൂ​റോ കൈ​മാ​റി.

ആ​റു ഗ​വ​ർ​ണ​റേ​റ്റു​ക​ളി​ലെ എ​ല്ലാ സ്‌​കൂ​ളു​ക​ളി​ലും ര​ക്ത​സാ​ക്ഷി ചു​വ​ർ​ച്ചി​ത്ര​ങ്ങ​ൾ പ്ര​ദ​ർ​ശി​പ്പി​ക്കും. ഇ​ത് യു​വ​ത​ല​മു​റ​യി​ൽ ര​ക്ത​സാ​ക്ഷി​ക​ളു​ടെ സു​പ്ര​ധാ​ന ത്യാ​ഗ​ത്തി​ന്റെ ഓ​ർ​മ​പ്പെ​ടു​ത്ത​ലാ​യി വ​ർ​ത്തി​ക്കു​മെ​ന്ന് ര​ക്ത​സാ​ക്ഷി ബ്യൂ​റോ അ​റി​യി​ച്ചു.

കു​വൈ​ത്ത് ക്യാ​പി​റ്റ​ൽ ഗ​വ​ർ​ണ​റേ​റ്റി​ൽ 165, അ​ൽ ജ​ഹ്‌​റ ഗ​വ​ർ​ണ​റേ​റ്റി​ൽ 127, ഫ​ർ​വാ​നി​യ​യി​ൽ 155, മു​ബാ​റ​ക് അ​ൽ ക​ബീ​ർ 104, അ​ഹ​മ്മ​ദി​യി​ൽ 181, ഹ​വ​ല്ലി ഗ​വ​ർ​ണ​റേ​റ്റി​ൽ 113 എ​ന്നി​ങ്ങ​നെ​യാ​ണ് സ്‌​കൂ​ളു​ക​ളു​ള്ള​ത്. ര​ക്ത​സാ​ക്ഷി​ക​ളു​ടെ സ്മ​ര​ണ​ക​ളോ​ടു​ള്ള പ്ര​തി​ബ​ദ്ധ​ത ആ​വ​ർ​ത്തി​ച്ച ര​ക്ത​സാ​ക്ഷി ബ്യൂ​റോ അ​വ​രു​ടെ ത്യാ​ഗ​പൂ​ർ​ണ​മാ​യ ച​രി​ത്രം അ​നു​സ്മ​രി​ക്കു​ന്ന​തി​ൽ വി​ദ്യാ​ഭ്യാ​സ മ​ന്ത്രാ​ല​യ​ത്തി​ന്റെ പ​ങ്ക് എ​ടു​ത്തു​പ​റ​ഞ്ഞു.