അ​ത്യാ​ധു​നി​ക എ.​ബി.​ആ​ർ ആ​ൻ​ഡ് ഒ.​എ.​ഇ ടെ​സ്റ്റു​ക​ളു​മാ​യി മെ​ട്രോ മെ​ഡി​ക്ക​ൽ ഗ്രൂ​പ്

കു​വൈ​ത്ത് സി​റ്റി: കു​വൈ​ത്തി​ലെ പ്ര​മു​ഖ ആ​രോ​ഗ്യ ശൃം​ഖ​ല​യാ​യ മെ​ട്രോ മെ​ഡി​ക്ക​ൽ ഗ്രൂ​പ് ഓ​ഡി​റ്റ​റി ബ്രെ​യി​ൻ​സ്റ്റം റെ​സ്‌​പോ​ൺ​സ് (എ.​ബി.​ആ​ർ), ഓ​ട്ടോ​അ​ക്കൗ​സ്റ്റി​ക് എ​മി​ഷ​ൻ​സ് (ഒ.​എ.​ഇ) ടെ​സ്റ്റ് എ​ന്നീ അ​ത്യാ​ധു​നി​ക കേ​ൾ​വി പ​രി​ശോ​ധ​ന ടെ​സ്റ്റു​ക​ൾ ആ​രം​ഭി​ച്ചു. ന​വ​ജാ​ത ശി​ശു​ക്ക​ൾ​ക്കും മു​തി​ർ​ന്ന​വ​ർ​ക്കും ഒ​രു​പോ​ലെ ഇ​വ ഉ​പ​യോ​ഗ​പ്പെ​ടു​ത്താം. ശ​ബ്ദ ഉ​ത്തേ​ജ​ക​ങ്ങ​ളോ​ടു​ള്ള ഓ​ഡി​റ്റ​റി നാ​ഡി​യു​ടെ​യും മ​സ്തി​ഷ്‌​ക വ്യ​വ​സ്ഥ​യു​ടെ​യും പ്ര​തി​ക​ര​ണം വി​ല​യി​രു​ത്തു​ന്ന​തി​നു​ള്ള അ​ത്യാ​ധു​നി​ക ഡ​യ​ഗ്ന​സ്റ്റി​ക് രീ​തി​യാ​ണ് എ.​ബി.​ആ​ർ ബ്രെ​യി​ൻ ടെ​സ്റ്റ്.

ഈ ​പ​രി​ശോ​ധ​ന കേ​ൾ​വി​യു​മാ​യി ബ​ന്ധ​പ്പെ​ട്ട രോ​ഗ​നി​ർ​ണ​യ​ത്തി​ന് സ​ഹാ​യി​ക്കും. ന​വ​ജാ​ത ശി​ശു​ക​ളി​ൽ എ.​ബി.​ആ​ർ ടെ​സ്റ്റ് ന​ട​ത്തു​ന്ന​തു വ​ഴി കേ​ൾ​വി​ക്കു​റ​വ് ഉ​ണ്ടാ​കാ​നു​ള്ള സാ​ധ്യ​ത നേ​ര​ത്തെ തി​രി​ച്ച​റി​യാ​ൻ സാ​ധി​ക്കും. ഈ ​ടെ​സ്റ്റു​ക​ൾ വാ​ഗ്ദാ​നം ചെ​യ്യു​ന്ന കു​വൈ​ത്തി​ലെ ആ​ദ്യ സ്വ​കാ​ര്യ ഹെ​ൽ​ത്ത് കെ​യ​ർ സെ​ന്റ​റാ​ണ് ആ​ണ് മെ​ട്രോ മെ​ഡി​ക്ക​ൽ ഗ്രൂ​പ്.

സ​ന്തു​ലി​താ​വ​സ്ഥ ത​ക​രാ​റു​ക​ൾ​ക്കു​ള്ള വ്യ​ക്തി​ഗ​ത ചി​കി​ത്സ പ​ദ്ധ​തി​ക​ൾ മു​ത​ൽ വി​വി​ധ സേ​വ​ന​ങ്ങ​ളും മെ​ട്രോ​യു​ടെ എ​ല്ലാ ബ്രാ​ഞ്ചു​ക​ളി​ലും ല​ഭ്യ​മാ​ണ്. വെ​ർ​ട്ടി​ഗോ, ത​ല​ക​റ​ക്കം, അ​സ​ന്തു​ലി​താ​വ​സ്ഥ, കേ​ൾ​വി​ക്കു​റ​വ് തു​ട​ങ്ങി​യ അ​വ​സ്ഥ​ക​ൾ പ​രി​ഹ​രി​ക്കു​ന്ന​തി​ന് ക്ലി​നി​ക് വി​പു​ല​മാ​യ ഡ​യ​ഗ്ന​സ്റ്റി​ക് ഉ​പ​ക​ര​ണ​ങ്ങ​ളും ഉ​യ​ർ​ന്ന നി​ല​വാ​ര​മു​ള്ള ശ്ര​വ​ണ​സ​ഹാ​യി​ക​ളും ഒ​രു​ക്കി​യി​ട്ടു​ണ്ട്. ഗു​ണ​നി​ല​വാ​ര​ത്തി​ൽ ആ​ഗോ​ള​ത​ല​ത്തി​ൽ അം​ഗീ​ക​രി​ക്ക​പ്പെ​ട്ട വൈ​ഡെ​ക്‌​സ് ക​മ്പ​നി​യു​ടെ അ​ത്യാ​ധു​നി​ക ഹി​യ​റി​ങ് എ​യ്ഡു​ക​ളും ല​ഭ്യ​മാ​ക്കി​യി​ട്ടു​ണ്ട്.

മി​ത​മാ​യ നി​ര​ക്കി​ൽ സ​മ​ഗ്ര ഇ.​എ​ൻ.​ടി പ​രി​ച​ര​ണം ല​ഭ്യ​മാ​ക്കു​ക എ​ന്ന​താ​ണ് ഇ​ത്ത​രം സേ​വ​ന​ങ്ങ​ൾ ന​ൽ​കു​ന്ന​തി​ലൂ​ടെ ല​ക്ഷ്യ​മി​ടു​ന്ന​തെ​ന്നും വെ​ർ​ട്ടി​ഗോ ഓ​ഡി​യോ​മെ​ട്രി സേ​വ​ന​ങ്ങ​ൾ​ക്ക് സ്പെ​ഷ​ൽ ഓ​ഫ​റു​ക​ളും സ്പീ​ച്ച് തെ​റാ​പ്പി സൗ​ക​ര്യ​ങ്ങ​ളും ഓ​ഡി​യോ​ള​ജി സം​ബ​ന്ധ​മാ​യ ഹോം ​വി​സി​റ്റ് സ​ർ​വി​സു​ക​ളും ല​ഭ്യ​മാ​ണെ​ന്നും മെ​ട്രോ മാ​നേ​ജ്‌​മെ​ന്റ് അ​റി​യി​ച്ചു.