മൊഡേണ, ജോൺസൺ ആൻഡ് ജോൺസൺ വാക്സിനുകൾ ഉടൻ കുവൈത്തിൽ എത്തും
text_fieldsകുവൈത്ത് സിറ്റി: മൊഡേണ, ജോൺസൺ ആൻഡ് ജോൺസൺ വാക്സിനുകൾകൂടി കുവൈത്തിൽ വൈകാതെ എത്തിക്കും. ഇതുമായി ബന്ധപ്പെട്ട ഫയൽ ആരോഗ്യ മന്ത്രാലയം ടെൻഡർ കമ്മിറ്റിയുടെ അംഗീകാരത്തിന് സമർപ്പിച്ചതായി സർക്കാർ വൃത്തങ്ങൾ വെളിപ്പെടുത്തി. നടപടിക്രമങ്ങൾ എല്ലാം പൂർത്തിയായി. അംഗീകാരം ലഭിച്ചാലുടൻ വാക്സിനുകൾ രാജ്യത്ത് എത്തിച്ചേരും. പുതിയ കൊറോണ വൈറസിനെതിരെ ഫലപ്രദമാണെന്ന് തെളിഞ്ഞതിനെ തുടർന്നാണ് ജോൺസൺ വാക്സിൻ തിരഞ്ഞെടുക്കാൻ തീരുമാനിച്ചതെന്നും ആരോഗ്യ മന്ത്രാലയ വൃത്തങ്ങൾ പറഞ്ഞു. നിലവിൽ ഫൈസർ-ബയോൺടെക്, ഒാക്സ്ഫഡ്- ആസ്ട്രസെനക വാക്സിനുകളാണ് കുവൈത്തിൽ വിതരണം ചെയ്യുന്നത്. പത്തുലക്ഷം ഡോസ് ഫൈസർ, 17 ലക്ഷം ഡോസ് മൊഡേണ, 30 ലക്ഷം ഡോസ് ഒാക്സ്ഫഡ് ആസ്ട്രസെനക എന്നീ വാക്സിനുകളാണ് കുവൈത്ത് ഇറക്കുമതി ചെയ്യാൻ ധാരണയായിട്ടുള്ളത്.
കൂടുതൽ ഡോസ് വാക്സിൻ ലഭ്യമായാൽ കുത്തിവെപ്പ് ദൗത്യം വേഗത്തിലാക്കാനുള്ള സജ്ജീകരണങ്ങൾ ആരോഗ്യ മന്ത്രാലയത്തിനു കീഴിലുണ്ട്. ആവശ്യത്തിന് വാക്സിൻ എത്തിയാൽ ഇനിയും കുത്തിവെപ്പ് കേന്ദ്രങ്ങൾ തുറന്ന് സെപ്റ്റംബറോടെ ഭൂരിഭാഗം പേർക്കും വാക്സിൻ നൽകാനാണ് അധികൃതരുടെ പദ്ധതി. രാജ്യനിവാസികളുടെ സുരക്ഷ ഉറപ്പാക്കാനായി അന്താരാഷ്ട്ര ആരോഗ്യ ഏജൻസികളുടെ പൊതു അംഗീകാരമുള്ള വാക്സിൻ മാത്രമേ കുവൈത്ത് ഇറക്കുമതി ചെയ്യുന്നുള്ളൂ. നേരേത്ത ഫൈസർ കമ്പനി വാക്സിൻ ഉൽപാദനം താൽക്കാലികമായി നിർത്തിവെച്ചത് കുവൈത്ത് ഉൾപ്പെടെ രാജ്യങ്ങളിലെ കുത്തിവെപ്പ് ദൗത്യത്തെ മന്ദഗതിയിലാക്കിയിരുന്നു. ഇപ്പോൾ അവർ ഉൽപാദനം സുഗമമായി നടക്കുന്നു. 15 കുത്തിവെപ്പ് കേന്ദ്രങ്ങൾ കുവൈത്ത് ആരോഗ്യ മന്ത്രാലയം തയാറാക്കിയിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.