സ്കാം വെ​ബ്സൈ​റ്റു​ക​ൾ നി​രീ​ക്ഷ​ണ​ത്തി​ൽ; 392 വെ​ബ്‌​സൈ​റ്റു​ക​ളും വാട്സ്ആപ്പും നീ​ക്കം ചെ​യ്തു

കു​വൈ​ത്ത് സി​റ്റി: രാ​ജ്യ​ത്ത് വെ​ബ്സൈ​റ്റു​ക​ൾ ക​ർ​ശ​ന നി​രീ​ക്ഷ​ണ​ത്തി​ൽ. തെ​റ്റാ​യ വി​വ​ര​ങ്ങ​ൾ ന​ൽ​കു​ക​യും ത​ട്ടി​പ്പി​ന് ഇ​ട​യാ​ക്കു​ക​യും ചെ​യ്യു​ന്ന ‘സ്‌​കാം വെ​ബ്‌​സൈ​റ്റു​ക​ൾ’ നി​രീ​ക്ഷി​ക്കു​ക​യും ത​ട​യു​ക​യും ചെ​യ്യു​ന്ന​താ​യും നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ളെ ചെ​റു​ക്കു​ന്ന​തി​ന് എ​ല്ലാ നി​യ​മ ന​ട​പ​ടി​ക​ളും സ്വീ​ക​രി​ക്കു​ന്ന​താ​യും ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി.

ഗാ​ർ​ഹി​ക തൊ​ഴി​ലാ​ളി ക​മ്പ​നി​യാ​യി വ്യാ​ജ​മാ​യി പ്ര​വ​ർ​ത്തി​ച്ച 52 വെ​ബ്‌​സൈ​റ്റു​ക​ൾ ഉ​ൾ​പ്പെ​ടെ 392 ഓ​ളം ത​ട്ടി​പ്പ് വെ​ബ്‌​സൈ​റ്റു​ക​ൾ നീ​ക്കം ചെ​യ്ത​താ​യും അ​ധി​കൃ​ത​ർ അ​റി​യി​ച്ചു. സൈ​ബ​ർ കു​റ്റ​കൃ​ത്യ​ങ്ങ​ളെ പ്ര​തി​രോ​ധി​ക്കു​ന്ന​തി​ന്റെ ഭാ​ഗ​മാ​യാ​ണ് ന​ട​പ​ടി​യെ​ന്നും ജ​ന​റ​ൽ ഡി​പ്പാ​ർ​ട്മെ​ന്‍റ് ഓ​ഫ് സെ​ക്യൂ​രി​റ്റി റി​ലേ​ഷ​ൻ​സ് ആ​ൻ​ഡ് മീ​ഡി​യ അ​റി​യി​ച്ചു. 662ല​ധി​കം വ​ഞ്ച​നാ​പ​ര​മാ​യ വാ​ട്ട്‌​സ്ആ​പ് ന​മ്പ​റു​ക​ളും ബ്ലോ​ക്ക് ചെ​യ്തു.

ഇ​തി​ൽ 65 ശ​ത​മാ​ന​വും വ്യാ​ജ​മാ​യി​രു​ന്നു. ഓ​ൺ​ലൈ​ൻ ഇ​ട​പാ​ടു​ക​ൾ വി​ശ്വ​സ​നീ​യ​മാ​യ വെ​ബ്‌​സൈ​റ്റു​ക​ളു​മാ​യി മാ​ത്രം ന​ട​ത്താ​നും വി​ശ്വാ​സ്യ​ത പ​രി​ശോ​ധി​ക്കാ​നും മ​ന്ത്രാ​ല​യം ആ​ഹ്വാ​നം ചെ​യ്തു. സാ​മ്പ​ത്തി​ക​വും വ്യ​ക്തി​പ​ര​വു​മാ​യ വി​വ​ര​ങ്ങ​ളു​ടെ സം​ര​ക്ഷ​ണം ഉ​റ​പ്പാ​ക്കാ​നും വ​ഞ്ച​ന​ക്ക് ഇ​ര​ക​ളാ​കാ​തി​രി​ക്കാ​നും ശ്ര​ദ്ധ​വേ​ണം.​അ​ടി​യ​ന്ത​ര ഘ​ട്ട​ങ്ങ​ളി​ൽ സൈ​ബ​ർ ക്രൈം ​ഡി​പ്പാ​ർ​ട്ട്മെ​ന്‍റി​നെ (വാ​ട്ട്‌​സ്ആ​പ്-97283939) ബ​ന്ധ​പ്പെ​ടാ​നും അ​റി​യി​ച്ചു.