സു​ഡാ​നി​ലേ​ക്ക് കൂ​ടു​ത​ൽ സ​ഹാ​യം

കു​വൈ​ത്ത് സി​റ്റി: സു​ഡാ​നി​ൽ ആ​ഭ്യ​ന്ത​ര യു​ദ്ധ​ത്തി​ലും വെ​ള്ള​പ്പൊ​ക്ക​ത്തി​ലും ദു​രി​ത​മ​നു​ഭ​വി​ക്കു​ന്ന​വ​രെ സ​ഹാ​യി​ക്കാ​ൻ കു​വൈ​ത്ത് റെ​ഡ് ക്ര​സ​ന്റ് സൊ​സൈ​റ്റി (കെ.​ആ​ർ.​സി.​എ​സ്).

10 ട​ൺ ദു​രി​താ​ശ്വാ​സ വ​സ്തു​ക്ക​ളു​മാ​യി കു​വൈ​ത്തി​ൽ നി​ന്നു​ള്ള മൂ​ന്നാ​മ​ത്തെ വി​മാ​നം ക​ഴി​ഞ്ഞ ദി​വ​സം സു​ഡാ​നി​ലെ​ത്തി. പോ​ർ​ട്ട് സു​ഡാ​നി​ലെ​ത്തി​യ വി​മാ​ന​ത്തെ സു​ഡാ​നി​ലെ കു​വൈ​ത്ത് അം​ബാ​സ​ഡ​ർ ഡോ. ​ഫ​ഹ​ദ് അ​ൽ ദ​ഫീ​രി​യും സു​ഡാ​നീ​സ് റെ​ഡ് ക്ര​സ​ന്റ് സൊ​സൈ​റ്റി അ​ധി​കൃ​ത​രും ചേ​ർ​ന്ന് സ്വീ​ക​രി​ച്ചു.

അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ നി​ർ​ദേ​ശ​പ്ര​കാ​രം സു​ഡാ​നെ സ​ഹാ​യി​ക്കാ​ൻ കു​വൈ​ത്ത് ബ്രി​ഡ്ജി​ന്റെ ഭാ​ഗ​മാ​ണ് സ​ഹാ​യ വി​മാ​ന​മെ​ന്നും സ​ഹാ​യം അ​യ​ക്കു​ന്ന​ത് തു​ട​രു​മെ​ന്നും അ​ൽ ദ​ഫീ​രി പ​റ​ഞ്ഞു.

മാ​നു​ഷി​ക പ്ര​വ​ർ​ത്ത​ന​ങ്ങ​ളി​ൽ കു​വൈ​ത്തി​ന്റെ ശ്ര​ദ്ധേ​യ​മാ​യ സം​ഭാ​വ​ന​ക​ളെ അ​ഭി​ന​ന്ദി​ക്കു​ന്ന​താ​യി സു​ഡാ​നീ​സ് റെ​ഡ് ക്ര​സ​ന്റ് ഉ​ദ്യോ​ഗ​സ്ഥ​ൻ ബ​റ​ക​ത്ത് ബ​ദ്‌​രി പ​റ​ഞ്ഞു. ദു​രി​ത​ബാ​ധി​ത പ്ര​ദേ​ശ​ങ്ങ​ളി​ൽ സ​ഹാ​യ വി​ത​ര​ണ​ത്തി​നാ​യി കു​വൈ​ത്ത് എം​ബ​സി​യു​മാ​യി ഏ​കോ​പി​പ്പി​ച്ച് പ്ര​വ​ർ​ത്തി​ക്കു​ന്നു​ണ്ടെ​ന്നും കൂ​ട്ടി​ച്ചേ​ർ​ത്തു.