മ​നു​ഷ്യ​ക്ക​ട​ത്ത് ത​ട​യു​ന്ന​തി​ന് കൂ​ടു​ത​ൽ ഇ​ട​പെ​ട​ൽ

കു​വൈ​ത്ത് സി​റ്റി: മ​നു​ഷ്യ​ക്ക​ട​ത്ത് ത​ട​യു​ന്ന​തി​നാ​യി ക​രു​ത​ല്‍ ന​ട​പ​ടി​ക​ളു​മാ​യി കു​വൈ​ത്ത് നീ​തി​ന്യാ​യ മ​ന്ത്രാ​ല​യം. ഇ​തി​ന്റെ ഭാ​ഗ​മാ​യി ഹ്യൂ​മ​ൻ ട്രാ​ഫി​ക്കി​ങ് നാ​ഷ​ന​ൽ സ​മി​തി​യും അ​ഭി​ഭാ​ഷ​ക​രു​ടെ അ​സോ​സി​യേ​ഷ​നു​മാ​യി സ​ഹ​ക​ര​ണ ക​രാ​റി​ല്‍ ഒ​പ്പി​ട്ടു. മ​നു​ഷ്യ​ക്ക​ട​ത്ത് അ​വ​സാ​നി​പ്പി​ക്കാ​ന്‍ കു​വൈ​ത്ത് പ്ര​തി​ജ്ഞാ​ബ​ദ്ധ​രാ​ണ്. സാ​മൂ​ഹി​ക അ​വ​ബോ​ധ പ്ര​വ​ർ​ത്ത​ന​ങ്ങ​ൾ വ്യാ​പി​പ്പി​ക്കു​ന്ന​തി​ന്‍റെ ഭാ​ഗ​മാ​യാ​ണ് സ​ഹ​ക​ര​ണ ക​രാ​ര്‍ ഒ​പ്പി​ട്ട​തെ​ന്നും മ​ന്ത്രാ​ല​യം ആ​ക്ടി​ങ് അ​ണ്ട​ർ​സെ​ക്ര​ട്ട​റി​യും നാ​ഷ​ന​ൽ ക​മ്മി​റ്റി ഡെ​പ്യൂ​ട്ടി ചെ​യ​ർ​മാ​നു​മാ​യ താ​രി​ഖ് അ​ൽ അ​സ്ഫൂ​ർ പ​റ​ഞ്ഞു.

അ​ന്താ​രാ​ഷ്ട്ര മാ​ന​ദ​ണ്ഡ​ങ്ങ​ളും ദേ​ശീ​യ നി​യ​മ​ങ്ങ​ളും അ​നു​സ​രി​ച്ച് സം​ശ​യാ​സ്പ​ദ​മാ​യ മ​നു​ഷ്യ​ക്ക​ട​ത്ത് കേ​സു​ക​ൾ നി​രീ​ക്ഷി​ക്കും. അ​തോ​ടൊ​പ്പം തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നും ലം​ഘ​ന​ങ്ങ​ൾ കു​റ​ക്കു​ന്ന​തി​നും ക​രാ​ർ ശ്ര​ദ്ധ കേ​ന്ദ്രീ​ക​രി​ക്കു​ന്ന​താ​യി അ​ൽ അ​സ്ഫൂ​ർ പ​റ​ഞ്ഞു. പെ​ൺ​വാ​ണി​ഭ​ത്തി​ന് ഇ​ര​യാ​യ​വ​ര്‍ക്ക് നി​യ​മ​സ​ഹാ​യ​വും ഉ​പ​ദേ​ശ​വും ന​ൽ​കാ​നും ക​രാ​റി​ലൂ​ടെ ക​ഴി​യു​മെ​ന്നാ​ണ് പ്ര​തീ​ക്ഷ.

നേ​ര​ത്തേ ഹ്യൂ​മ​ൻ ട്രാ​ഫി​ക്കി​ങ്ങു​മാ​യി ബ​ന്ധ​പ്പെ​ട്ട വി​വ​ര​ങ്ങ​ള്‍ ഉ​ള്‍ക്കൊ​ള്ളു​ന്ന വെ​ബ്സൈ​റ്റ് അ​ധി​കൃ​ത​ര്‍ ആ​രം​ഭി​ച്ചി​രു​ന്നു. നി​ല​വി​ല്‍ കു​വൈ​ത്തി​ല്‍ മ​നു​ഷ്യ​ക്ക​ട​ത്തി​ല്‍ പി​ടി​ക്ക​പ്പെ​ട്ടാ​ല്‍ മൂ​ന്ന് വ​ര്‍ഷം ത​ട​വും 5000 മു​ത​ല്‍ 10,000 ദി​നാ​ര്‍ വ​രെ പി​ഴ​യും ല​ഭി​ക്കും. മ​നു​ഷ്യ​ക്ക​ട​ത്തി​ലൂ​ടെ ആ​ളു​ക​ളെ രാ​ജ്യ​ത്ത് എ​ത്തി​ച്ച് പ​ണം ഈ​ടാ​ക്കി മ​റ്റൊ​രാ​ള്‍ക്ക് കൈ​മാ​റു​ന്ന​ത് നി​യ​മ​ലം​ഘ​ന​മാ​ണെ​ന്നും അ​ധി​കൃ​ത​ര്‍ വ്യ​ക്ത​മാ​ക്കി.