മുനിസിപ്പാലിറ്റി 50 വിദേശികളെ പിരിച്ചുവിടുന്നു

കുവൈത്ത്​ സിറ്റി: കുവൈത്ത്​ മുനിസിപ്പാലിറ്റി 50 വിദേശി ജീവനക്കാരെ പിരിച്ചുവിടുന്നു. സ്വദേശിവത്​കരണ നയത്തി​െൻറ ഭാഗമായി സിവിൽ സർവിസ്​ കമീഷ​െൻറ നിർദേശം അനുസരിച്ചാണ്​ നടപടി. ഇതുസംബന്ധിച്ച നടപടിക്രമങ്ങൾ വേഗത്തിലാക്കാൻ അഡ്​മിനിസ്​ട്രേറ്റിവ്​ വിഭാഗത്തിലെ ബന്ധപ്പെട്ട ഉദ്യോഗസ്ഥർക്ക്​ നിർദേശം നൽകി.

എക്​സിക്യൂട്ടിവ്​ തസ്​തികയിലുള്ളവരെയാണ്​ ഒഴിവാക്കുന്നത്​. അഡ്​മിനിസ്​ട്രേഷൻ, ടെക്​നിക്കൽ, എൻജിനീയറിങ്​, സർവിസ്​ മേഖലയിൽ 100 ശതമാനം സ്വദേശിവത്​കരണം പരമാവധി വേഗത്തിൽ നടപ്പാക്കുകയാണ്​ ലക്ഷ്യം.

ഡിജിറ്റൽവത്​കരണത്തിലൂടെ ഒഴിവാക്കാൻ കഴിയുന്ന തസ്​തികകളിൽനിന്ന്​ വിദേശികളെ നീക്കും. കുവൈത്തികൾ താൽപര്യപ്പെടുന്ന തസ്​തികകളിലും വിദേശികളെ ഒഴിവാക്കും. ഡിജിറ്റൽ ജോലികൾക്ക്​ പുതുതായി ജോലിക്കാരെ നിയമിക്കേണ്ടി വരു​േമ്പാൾ സ്വദേശികൾക്ക്​ മുൻഗണന നൽകും.മാന്വൽ ആയി ജോലി ചെയ്​തിരുന്ന സ്വദേശികളെ പരി​ശീലനം നൽകി ഡിജിറ്റൽ ജോലിക്ക്​ നിയോഗിക്കുകയും ചെയ്യും.