ഒ​റ്റ​ക്കൊ​രു വാ​ഹ​ന​ത്തി​ൽ ‘ഓ​ള്’ കു​വൈ​ത്തി​ൽ

കു​വൈ​ത്ത് സി​റ്റി: ഒ​റ്റ​ക്ക് വാ​ഹ​ന​മോ​ടി​ച്ച് ഇ​ന്ത്യ​യും നേ​പ്പാ​ളും ജി.​സി.​സി രാ​ജ്യ​ങ്ങ​ളും ക​റ​ങ്ങി ച​രി​ത്രം സൃ​ഷ്ടി​ച്ച ത​ല​ശ്ശേ​രി​ക്കാ​രി നാ​ജി നൗ​ഷി കു​വൈ​ത്തി​ൽ. അ​ഞ്ചു മ​ക്ക​ളു​ടെ അ​മ്മ​യും ട്രാ​വ​ൽ വ്ലോ​ഗ​റു​മാ​യ നാ​ജി സൗ​ദി​യി​ൽ നി​ന്നാ​ണ് കു​വൈ​ത്തി​ലെ​ത്തി​യ​ത്.

‘ഓ​ള്’ എ​ന്ന് പേ​രി​ട്ട അ​ത്യാ​വ​ശ്യം സൗ​ക​ര്യ​മെ​ല്ലാ​മു​ള്ള എ​സ്.​യു.​വി​യി​ലാ​ണ് നാ​ജി​യു​ടെ യാ​ത്ര​ക​ൾ. സ്റ്റൗ​വും ഗ്യാ​സ് സി​ലി​ണ്ട​റും വി​ശ്ര​മി​ക്കാ​നു​ള്ള സൗ​ക​ര്യ​വു​മെ​ല്ലാം ഇ​തി​ലു​ണ്ടാ​കും.

ഭ​ര്‍ത്താ​വി​നും മ​ക്ക​ള്‍ക്കു​മൊ​പ്പം ഒ​മാ​നി​ല്‍ ക​ഴി​യു​ന്ന​തി​നി​ടെ​യാ​യി​രു​ന്നു നാ​ജി​ക്ക് യാ​ത്രാ​മോ​ഹം ഉ​ട​ലെ​ടു​ത്ത​ത്. പ്ല​സ് ടു ​വി​ദ്യാ​ഭ്യാ​സ​വും അ​ൽ​പം ഹി​ന്ദി​യും ഇം​ഗ്ലീ​ഷ് ഭാ​ഷ​യും മാ​ത്ര​മാ​യി​രു​ന്നു അ​പ്പോ​ൾ കൈ​മു​ത​ല്‍. എ​ങ്കി​ലും പി​ന്മാ​റി​യി​ല്ല, യാ​ത്ര തു​ട​ങ്ങി​യ​പ്പോ​ൾ എ​ല്ലാം ശു​ഭ​ക​ര​മാ​യി. എ​ത്തു​ന്നി​ട​ത്തെ​ല്ലാം ജ​ന​ങ്ങ​ൾ സ്വീ​ക​രി​ച്ചു. പി​ന്തു​ണ​യും ആ​ത്മ​വി​ശ്വാ​സ​വും ന​ൽ​കി.

സു​ഹൃ​ത്തി​ന്റെ വാ​ഹ​നം വാ​ങ്ങി ല​ഡാ​ക്കി​ലേ​ക്കാ​യി​രു​ന്നു ആ​ദ്യ ദീ​ര്‍ഘ​ദൂ​ര യാ​ത്ര. 2021 ആഗ​സ്റ്റ് 26ന്. ​മാ​ഹി​യി​ല്‍നി​ന്ന് തു​ട​ങ്ങി ല​ക്ഷ്യം പി​ന്നി​ട്ട് അ​റു​പ​താം നാ​ളി​ൽ തി​രി​ച്ചെ​ത്തി. അ​തി​നി​ടെ 17 സം​സ്ഥാ​ന​ങ്ങ​ളും അ​ഞ്ച് കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളും പി​ന്നി​ട്ടു. യാ​ത്ര​യി​ലെ അ​നു​ഭ​വ​ങ്ങ​ള്‍ 'ഓ​ള് ക​ണ്ട ഓ​ളെ ഇ​ന്ത്യ' എ​ന്ന പേ​രി​ല്‍ പു​സ്ത​ക​വു​മാ​ക്കി.

പി​ന്നീ​ട് ത​നി​യെ എ​വ​റ​സ്റ്റ് ബേ​സ് ക്യാ​മ്പി​ലു​മെ​ത്തി. ലോ​ക​ക​പ്പ് ഫു​ട്‌​ബാ​ളി​ന് ഖ​ത്ത​ര്‍ വേ​ദി​യാ​യ​പ്പോ​ള്‍ ക​ളി കാ​ണാ​ന്‍ അ​വി​ടെ​യു​മെ​ത്തി. ഒ​മാ​നി​ൽ​നി​ന്ന് ജി.​സി.​സി രാ​ജ്യ​ങ്ങ​ളി​ലൂ​ടെ വാ​ഹ​ന​മോ​ടി​ച്ചാ​ണ് ഖ​ത്ത​റി​ലെ​ത്തി​യ​ത്. ലോ​ക​ക​പ്പ് ക​ഴി​ഞ്ഞ​പ്പോ​ൾ അ​ടു​ത്ത​ത് എ​ന്ത് എ​ന്നാ​യി ചി​ന്ത. അ​തി​നൊ​ടു​വി​ൽ അ​തേ വാ​ഹ​ന​ത്തി​ൽ കേ​ര​ള​ത്തി​ലേ​ക്ക് തി​രി​ച്ചു. നാ​ജി​യു​ടെ യാ​ത്ര​ക​ൾ ഇ​പ്പോ​ൾ ഇ​റാ​ഖും ഇ​റാ​നും ഉ​ൾ​പ്പെ​ടെ 25 രാ​ജ്യ​ങ്ങ​ൾ പി​ന്നി​ട്ടി​രി​ക്കു​ന്നു.

വെ​റു​തെ ഒ​രു യാ​ത്ര​യ​ല്ല ഇ​തൊ​ന്നും. പ​ല​യി​ട​ങ്ങ​ളി​ലെ​യും കാ​ഴ്ച​ക​ൾ, രു​ചി​ക​ൾ, പ്ര​കൃ​തി എ​ന്നി​വ അ​നു​ഭ​വി​ക്കു​ന്ന​തി​നൊ​പ്പം മ​നു​ഷ്യ​രെ ഒ​രു​മി​പ്പി​ച്ചും സൗ​ഹൃ​ദം പു​തു​ക്കി​യും അ​ത​ങ്ങ​നെ തു​ട​രു​ക​യാ​ണ്.