ഇ​ന്ദി​ര​ക്കു ശേ​ഷം ന​രേ​ന്ദ്ര​ മോ​ദി

കു​വൈ​ത്ത് സി​റ്റി: 1981ൽ ​ഇ​ന്ദി​രാ​ഗാ​ന്ധി​യാ​ണ് അ​വ​സാ​ന​മാ​യി കു​വൈ​ത്ത് സ​ന്ദ​ർ​ശി​ച്ച ഇ​ന്ത്യ​ൻ പ്ര​ധാ​ന​മ​ന്ത്രി. തു​ട​ർ​ന്ന് 43 വ​ർ​ഷ​ത്തി​ന് ശേ​ഷ​മാ​ണ് ഒ​രു ഇ​ന്ത്യ​ൻ പ്ര​ധാ​ന​മ​ന്ത്രി കു​വൈ​ത്തി​ലെ​ത്തു​ന്ന​ത്. 2009 ൽ ​ഉ​പ​രാ​ഷ്ട്ര​പ​തി ഹ​മീ​ദ് അ​ൻ​സാ​രി​യാ​ണ് അ​വ​സാ​ന​മാ​യി രാ​ജ്യം സ​ന്ദ​ർ​ശി​ച്ച ഇ​ന്ത്യ​ൻ രാ​ഷ്ട്ര​ത്ത​ല​വ​ൻ. എ​ന്നാ​ൽ പ​ല​രൂ​പ​ത്തി​ലു​ള്ള കൂ​ടി​കാ​ഴ്ച​ക​ൾ ഇ​തി​നി​ടെ ന​ട​ന്നി​ട്ടു​ണ്ട്. ഈ ​വ​ർ​ഷം സെ​പ്റ്റം​ബ​റി​ൽ ന്യൂ​യോ​ർ​ക്കി​ൽ ന​ട​ന്ന യു.​എ​ൻ ജ​ന​റ​ൽ അ​സം​ബ്ലി യോ​ഗ​ത്തി​നി​ടെ പ്ര​ധാ​ന​മ​ന്ത്രി മോ​ദി കു​വൈ​ത്ത് കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹു​മാ​യി കൂ​ടി​ക്കാ​ഴ്ച ന​ട​ത്തി​യി​രു​ന്നു.

വി​ദേ​ശ​കാ​ര്യ മ​ന്ത്രി എ​സ്. ജ​യ്ശ​ങ്ക​ർ ഈ ​വ​ർ​ഷം ആ​ഗ​സ്റ്റ് 18 ന് ​കു​വൈ​ത്തി​ൽ എ​ത്തു​ക​യു​മു​ണ്ടാ​യി. കു​വൈ​ത്ത് കി​രീ​ടാ​വ​കാ​ശി, പ്ര​ധാ​ന​മ​ന്ത്രി, വി​ദേ​ശ​കാ​ര്യ മ​ന്ത്രി എ​ന്നി​വ​രെ അ​ദ്ദേ​ഹം ക​ണ്ടു. 2024 ജൂ​ണി​ൽ മം​ഗ​ഫി​ലെ തൊ​ഴി​ലാ​ളി ക്യാ​മ്പി​ലു​ണ്ടാ​യ തീ​പി​ടി​ത്ത​ത്തി​ൽ 46 ഇ​ന്ത്യ​ൻ തൊ​ഴി​ലാ​ളി​ക​ൾ മ​രി​ക്കാ​നി​ട​യാ​യ​തി​നെ​ത്തു​ട​ർ​ന്ന് വി​ദേ​ശ​കാ​ര്യ മ​ന്ത്രി സ​ഹ​മ​ന്ത്രി കീ​ർ​ത്തി വ​ർ​ധ​ൻ സി​ങ്ങും കു​വൈ​ത്ത് സ​ന്ദ​ർ​ശി​ച്ചി​രു​ന്നു. കു​വൈ​ത്ത് വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ്യ ഡി​സം​ബ​ർ ആ​ദ്യം ഇ​ന്ത്യ സ​ന്ദ​ർ​ശി​ക്കു​ക​യും വി​ദേ​ശ​കാ​ര്യ മ​ന്ത്രി​മാ​രു​ടെ ത​ല​ത്തി​ൽ സ​ഹ​ക​ര​ണ​ത്തി​നു​ള്ള സം​യു​ക്ത ക​മ്മീ​ഷ​ൻ സ്ഥാ​പി​ക്കാ​ൻ ഇ​രു രാ​ജ്യ​ങ്ങ​ളും ധാ​ര​ണ​യി​ലെ​ത്തു​ക​യും ചെ​യ്തി​രു​ന്നു. ഇ​വ​യു​ടെ തു​ട​ർ​ച്ച എ​ന്ന നി​ല​യി​ലാ​ണ് പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ സ​ന്ദ​ർ​ശ​നം.