ജ​നാ​ധി​പ​ത്യ​ത്തെ അ​ട​യാ​ള​പ്പെ​ടു​ത്തി തെ​ര​ഞ്ഞെ​ടു​പ്പ്: ഇ​നി പു​തി​യ​ സ​ഭ; 11 പുതുമുഖങ്ങൾ, ഒരു വനിത

കു​വൈ​ത്ത് സി​റ്റി: കു​വൈ​ത്തി​ന്റെ ജ​നാ​ധി​പ​ത്യ പ്ര​ക്രി​യ​യെ അ​ട​യാ​ള​പ്പെ​ടു​ത്തി ദേ​ശീ​യ അ​സം​ബ്ലി​യി​ലേ​ക്കു​ള്ള മ​റ്റൊ​രു തെ​ര​ഞ്ഞെ​ടു​പ്പി​നു കൂ​ടി സ​മാ​പ​നം. ദേ​ശീ​യ അ​സം​ബ്ലി​യു​ടെ 18-ാം നി​യ​മ​സ​ഭ കാ​ല​യ​ള​വി​ലേ​ക്ക് വ്യാ​ഴാ​ഴ്ച ഉ​ച്ച​ക്ക് 12 മു​ത​ലാ​ണ് വോ​ട്ടെ​ടു​പ്പ് ആ​രം​ഭി​ച്ച​ത്. അ​ർ​ധ രാ​ത്രി 12ന് ​അ​വ​സാ​നി​ച്ചു. വോ​ട്ടെ​ടു​പ്പ് അ​വ​സാ​നി​ച്ച​തി​ന് തൊ​ട്ടു​പി​ന്നാ​ലെ വോ​ട്ടെ​ണ്ണ​ൽ ആ​രം​ഭി​ച്ചു. വെ​ള്ളി​യാ​ഴ്ച പു​ല​ർ​ച്ച​യോ​ടെ ഫ​ലം വ്യ​ക്ത​മാ​യി. മു​ൻ സ്പീ​ക്ക​ർ​മാ​രാ​യ അ​ഹ്മ​ദ് അ​ൽ സ​ദൂ​ൻ, മ​ർ​സൂ​ഖ് അ​ൽ ഗാ​നിം എ​ന്നി​വ​ര​ട​ക്കം മ​ത്സ​രി​ച്ച മു​ൻ എം​.പി​മാ​രി​ൽ ഭൂ​രി​പ​ക്ഷ​വും വി​ജ​യി​ച്ചു. ജെ​ന​ൻ മൊ​ഹ്‌​സി​ൻ റ​മ​ദാ​ൻ ബൗ​ഷേ​രി​യാ​ണ് വി​ജ​യി​ച്ച ഏ​ക വ​നി​ത. 11 പേർ പുതുമുഖങ്ങളാണ്.

രാ​ജ്യ​ത്തെ അ​ഞ്ചു മ​ണ്ഡ​ല​ങ്ങ​ളി​ൽ നി​ന്നു​ള്ള അ​മ്പ​ത് സീ​റ്റു​ക​ളി​ലേ​ക്ക് 200 സ്ഥാ​നാ​ർ​ഥി​ക​ൾ മ​ത്സ​ര രം​ഗ​ത്തു​ണ്ടാ​യി​രു​ന്നു. നാ​ലു​വ​ർ​ഷ​മാ​ണ് സ​ഭാ​കാ​ലാ​വ​ധി. തെ​ര​ഞ്ഞെ​ടു​പ്പ് പ്ര​ക്രി​യ മി​ക​ച്ച​തും സു​ഗ​മ​വും ചി​ട്ട​യോ​ടെ​യും പൂ​ർ​ത്തി​യാ​യ​താ​യി തെ​ര​ഞ്ഞെ​ടു​പ്പ് മേ​ൽ​നോ​ട്ട​ത്തി​നു​ള്ള ഉ​പ​ദേ​ശ​ക ക​മീ​ഷ​ൻ പ്ര​സി​ഡ​ന്റ് ജ​സ്റ്റി​സ് സ​ലേ​ഹ് അ​ൽ ഹ​മാ​ദി പ​റ​ഞ്ഞു. ക​മ്മീ​ഷ​ൻ അം​ഗ​ങ്ങ​ളു​ടെ മേ​ൽ​നോ​ട്ട​ത്തി​ലും ഫീ​ൽ​ഡ് ഫോ​ളോഅ​പ്പി​ലും സി​വി​ൽ സൊ​സൈ​റ്റി സ്ഥാ​പ​ന​ങ്ങ​ളു​ടെ ഫ​ല​പ്ര​ദ​മാ​യ നി​രീ​ക്ഷ​ണ​ത്തി​ലും തെ​ര​ഞ്ഞെ​ടു​പ്പ് സു​ഗ​മ​മാ​യി സ​മാ​പി​ച്ച​താ​യും അ​ദ്ദേ​ഹം പ​റ​ഞ്ഞു. തെ​ര​ഞ്ഞെ​ടു​പ്പ് പ്ര​ക്രി​യ​യു​ടെ വി​ജ​യ​ത്തി​ന് സം​ഭാ​വ​ന ന​ൽ​കി​യ എ​ല്ലാ ഏ​ജ​ൻ​സി​ക​ളു​ടെ​യും ശ്ര​മ​ങ്ങ​ളെ അ​ദ്ദേ​ഹം അ​ഭി​ന​ന്ദി​ച്ചു.

മാ​ർ​ച്ച് 15ന് ​ദേ​ശീ​യ അ​സം​ബ്ലി അം​ഗം ന​ട​ത്തി​യ ഭ​ര​ണ​ഘ​ട​ന ലം​ഘ​ന​ങ്ങ​ൾ ചൂ​ണ്ടി​ക്കാ​ട്ടി അ​മീ​ർ ദേ​ശീ​യ അ​സം​ബ്ലി പി​രി​ച്ചു​വി​ട്ട​താ​ണ് പു​തി​യ തെ​ര​ഞ്ഞെ​ടു​പ്പി​ലേ​ക്ക് ന​യി​ച്ച​ത്. വൈ​കാ​തെ പു​തി​യ എം.​പി​മാ​ർ ദേ​ശീ​യ അ​സം​ബ്ലി​യി​ൽ സ​ത്യ​പ്ര​തി​ജ്ഞ ചെ​യ്യും. തെ​ര​ഞ്ഞെ​ടു​പ്പി​ന് പി​റ​കെ സ​ർ​ക്കാ​ർ രൂ​പ​വ​ത്ക​ര​ണ​വും ന​ട​ക്കേ​ണ്ട​തി​നാ​ൽ നി​ല​വി​ലു​ള്ള സ​ർ​ക്കാ​ർ രാ​ജി​വെ​ച്ച് പു​തി​യ സ​ർ​ക്കാ​ർ രൂ​പ​വ​ത്ക്ക​രി​ക്കും.

മ​ർ​സൂ​ഖ് അ​ൽ ഗാ​നിം

ദേ​ശീ​യ അ​സം​ബ്ലി മു​ൻ സ്പീ​ക്ക​റും നി​ര​വ​ധി ത​വ​ണ അ​സം​ബ്ലി അം​ഗ​വു​മാ​യ മ​ർ​സൂ​ഖ് അ​ലി അ​ൽ​ഗാ​നിം ഇ​ത്ത​വ​ണ​യും മി​ക​ച്ച വി​ജ​യ​ത്തോ​ടെ തെ​ര​ഞ്ഞെ​ടു​ക്ക​പ്പെ​ട്ടു. ര​ണ്ടാം മ​ണ്ട​ല​ത്തി​ൽ നി​ന്ന് 7,000 വോ​ട്ടു​ക​ൾ നേ​ടി​യാ​ണ് ഒ​ന്നാ​മ​നാ​യി മ​ർ​സൂ​ഖി​നെ ജ​നം വീ​ണ്ടും അ​സം​ബ്ലി​യി​ലേ​ക്ക് അ​യ​ക്കു​ന്ന​ത്. 1968ൽ ​ജ​നി​ച്ച മ​ർ​സൂ​ഖ് അ​ൽ​ഗാ​നിം മെ​ക്കാ​നി​ക്ക​ൽ എ​ൻജിനീ​യ​റി​ങി​ൽ ബി​രു​ദ​ദാ​രി​യാ​ണ്. 2006-2008-2009-2012-2013- 2016-2023 കാ​ല​യ​ള​വി​ൽ ദേ​ശീ​യ അ​സം​ബ്ലി അം​ഗ​മാ​യി​രു​ന്നു. 2013 -2016-2020 കാ​ല​യ​ള​വി​ൽ ദേ​ശീ​യ അ​സം​ബ്ലി സ്പീ​ക്ക​റാ​യും പ്ര​വ​ർ​ത്തി​ച്ചു. കു​വൈ​ത്ത് സ്​​പോ​ർ​ട​സ് ക്ല​ബ് മു​ൻ ചെ​യ​ർ​മാ​ൻ, സൊ​സൈ​റ്റി ഓ​ഫ് എ​ൻജി​നീ​യേ​ഴ്‌​സി​ന്റെ​യും ഇ​ന്റ​ർ​നാ​ഷ​ന​ൽ അ​സോ​സി​യേ​ഷ​ൻ ഓ​ഫ് മെ​ക്കാ​നി​ക്ക​ൽ എ​ൻജിനീ​യേ​ഴ്‌​സി​ന്റെ​യും അം​ഗ​മാ​ണ്.

അ​മീ​റും പ്ര​ധാ​ന​മ​ന്ത്രി​യും അ​ഭി​ന​ന്ദി​ച്ചു

കു​വൈ​ത്ത് സി​റ്റി: ദേ​ശീ​യ അ​സം​ബ്ലി തെ​ര​ഞ്ഞെ​ടു​പ്പി​ലെ വി​ജ​യി​ക​ൾ​ക്ക് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് അ​ഭി​ന​ന്ദ​ന​ങ്ങ​ൾ അ​റി​യി​ച്ചു. തി​ര​ഞ്ഞെ​ടു​ക്ക​പ്പെ​ട്ട അം​ഗ​ങ്ങ​ളി​ൽ പൗ​ര​ന്മാ​ർ അ​ർ​പ്പി​ക്കു​ന്ന വി​ശ്വാ​സ​വും അ​മീ​ർ സൂ​ചി​പ്പി​ച്ചു. രാ​ജ്യ​ത്തി​ന്റെ പു​രോ​ഗ​തി, വി​ക​സ​നം, സ​മൃ​ദ്ധി എ​ന്നീ ക​ട​മ​ക​ളി​ലും സം​ഭാ​വ​ന​ക​ളി​ലും എം.​പി​മാ​ർ വി​ജ​യി​ക്ക​ണ​മെ​ന്നും ആ​ശം​സി​ച്ചു. പ്ര​ധാ​ന​മ​ന്ത്രി ശൈ​ഖ് ഡോ.​മു​ഹ​മ്മ​ദ് സ​ബാ​ഹ് അ​ൽ സാ​ലിം അ​സ്സ​ബാ​ഹും വി​ജ​യി​ച്ച എം.​പി​മാ​രെ അ​ഭി​ന​ന്ദി​ച്ചു.

അ​ഹ്മ​ദ് അ​ൽ സ​ദൂ​ൻ

പി​രി​ച്ചു​വി​ട​പ്പെ​ട്ട ദേ​ശീ​യ അ​സം​ബ്ലി സ്പീ​ക്ക​റും നി​ര​വ​ധി ത​വ​ണ അ​സം​ബ്ലി അം​ഗ​വു​മാ​യ അ​ഹ്മ​ദ് അ​ബ്ദു​ൽ അ​സീ​സ് അ​ൽ സ​ദൂ​ൻ വീ​ണ്ടും തെ​ര​ഞ്ഞെ​ടു​ക്ക​പ്പെ​ട്ടു. മൂ​ന്നാം മ​ണ്ഡ​ല​ത്തി​ൽ നി​ന്ന് അ​ഞ്ചാ​മ​നാ​യാ​ണ് അ​ഹ്മ​ദ് അ​ൽ സ​ദൂ​നി​ന്റെ വി​ജ​യം. 1934ൽ ​ജ​നി​ച്ച അ​ഹ്മ​ദ് അ​ബ്ദു​ൽ അ​സീ​സ് അ​ൽ സ​ദൂ​ൻ 1975-1981-1985-1992-1996 -1999-2003-2006-2008-2009-2012-2022-2023 കാ​ല​യ​ളി​ൽ ദേ​ശീ​യ അ​സം​ബ്ലി അം​ഗ​മാ​യി​രു​ന്നു. ക​മ്യൂ​ണി​ക്കേ​ഷ​ൻ​സ് മ​ന്ത്രാ​ല​യ​ത്തി​ൽ ടെ​ലി​ഗ്രാ​ഫ് ആ​ൻ​ഡ് ടെ​ലി​ഫോ​ൺ അ​ഫ​യേ​ഴ്‌​സ് അ​സി​സ്റ്റ​ന്റ് അ​ണ്ട​ർ​സെ​ക്ര​ട്ട​റി​യാ​യും പ്ര​വ​ർ​ത്തി​ച്ചി​ട്ടു​ണ്ട്. 1968 മു​ത​ൽ 1976വ​രെ കു​വൈ​ത്ത് ഫു​ട്ബാ​ൾ അ​സോ​സി​യേ​ഷ​ൻ പ്ര​സി​ഡ​ന്റാ​യി​രു​ന്നു.