പൗ​ര​ന്മാ​ർ​ക്കും താ​മ​സ​ക്കാ​ർ​ക്കും അ​മീ​ർ ആ​ശം​സ നേ​ർ​ന്നു

കു​വൈ​ത്ത് സി​റ്റി: ദേ​ശീ​യ-​വി​മോ​ച​ന ദി​ന​ത്തി​ൽ കു​വൈ​ത്ത് ജ​ന​ങ്ങ​ൾ​ക്കും താ​മ​സ​ക്കാ​ർ​ക്കും അ​മീ​ർ ശൈ​ഖ് ന​വാ​ഫ് അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് ആ​ശം​സ നേ​ർ​ന്നു. ആ​ഘോ​ഷ​ങ്ങ​ളി​ൽ പൗ​ര​ന്മാ​രു​ടെ​യും താ​മ​സ​ക്കാ​രു​ടെ​യും ആ​ഹ്ലാ​ദ​ത്തെ​യും പ​ങ്കാ​ളി​ത്ത​ത്തെ​യും അ​മീ​ർ അ​ഭി​ന​ന്ദി​ച്ചു. ഇ​വ രാ​ഷ്ട്ര​ത്തോ​ടു​ള്ള വി​ശ്വ​സ്ത​ത​യും ഒ​ത്തൊ​രു​മ​യു​ള്ള കു​വൈ​ത്ത് കു​ടും​ബ​ത്തെ പ്ര​തി​ഫ​ലി​പ്പി​ക്കു​ന്ന​തു​മാ​ണെ​ന്ന് അ​മീ​ർ പ​റ​ഞ്ഞു.

അ​ന്ത​രി​ച്ച അ​മീ​ർ ശൈ​ഖ് ജാ​ബി​ർ അ​ൽ​അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, അ​മീ​ർ ശൈ​ഖ് സാ​ദ് അ​ൽ അ​ബ്ദു​ല്ല അ​ൽ സ​ലീം അ​സ്സ​ബാ​ഹ്, അ​മീ​ർ ശൈ​ഖ് സ​ബാ​ഹ് അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് എ​ന്നി​വ​രു​ടെ കു​വൈ​ത്തി​ന്റെ വി​മോ​ച​ന​ത്തി​ലെ സം​ഭാ​വ​ന​ക​ൾ അ​മീ​ർ അ​നു​സ്മ​രി​ച്ചു.

രാ​ഷ്ട്ര​സം​ര​ക്ഷ​ണ​ത്തി​നാ​യി ജീ​വ​ൻ ബ​ലി​യ​ർ​പ്പി​ച്ച ര​ക്ത​സാ​ക്ഷി​ക​ളെ​യും അ​നു​സ്മ​രി​ച്ചു.ഔ​ദ്യോ​ഗി​ക ത​ല​ത്തി​ലും ജ​ന​കീ​യ ത​ല​ത്തി​ലും കു​വൈ​ത്തി​ന്റെ ദേ​ശീ​യ ദി​ന​ങ്ങ​ളി​ലെ പ​ങ്കാ​ളി​ത്ത​ത്തി​ന് ജി.​സി.​സി അം​ഗ​രാ​ജ്യ​ങ്ങ​ളു​ടെ നേ​താ​ക്ക​ളെ​യും അ​മീ​ർ അ​ഭി​വാ​ദ്യം ചെ​യ്തു.

കു​വൈ​ത്തി​ന്റെ ദേ​ശീ​യ ആ​ഘോ​ഷ​ങ്ങ​ൾ പ​ങ്കു​വെ​ച്ച​തി​ന് അ​റ​ബ്, സൗ​ഹൃ​ദ രാ​ജ്യ​ങ്ങ​ളി​ലെ നേ​താ​ക്ക​ൾ​ക്കും ന​ന്ദി പ​റ​ഞ്ഞു. കു​വൈ​ത്തി​നെ സം​ര​ക്ഷി​ക്കാ​നും സു​ര​ക്ഷ​യും സ​മൃ​ദ്ധി​യും ന​ൽ​കാ​നും അ​മീ​ർ പ്രാ​ർ​ഥി​ച്ചു.