ഹ​ലാ ഫെ​ബ്രു​വ​രി; അ​ണി​ഞ്ഞൊ​രു​ങ്ങി കു​​വൈ​ത്ത്

കു​വൈ​ത്ത്​സി​റ്റി: കു​വൈ​ത്തി​ന് ഫെ​ബ്രു​വ​രി ആ​ഘോ​ഷ​ത്തി​ന്‍റെ മാ​സ​മാ​ണ്. ദേ​ശീ​യ-​വി​മോ​ച​ന ദി​ന​ങ്ങ​ൾ ഒ​രു​മി​ക്കു​ന്ന മാ​സം. അ​ഭി​മാ​ന​ത്തി​ന്‍റെ​യും വി​ജ​യ​ത്തി​ന്‍റെ​യും മാ​സ​മാ​യി കു​വൈ​ത്ത് ജ​ന​ത ഈ ​മാ​സ​ത്തെ ആ​ഘോ​ഷി​ക്കു​ന്നു. ബ​യാ​ൻ പാ​ല​സി​ലും ആ​റ് ഗ​വ​ർ​ണ​റേ​റ്റു​ക​ളി​ലും ദേ​ശീ​യ പ​താ​ക ഉ​യ​ർ​ന്ന​തോ​ടെ ആ​ഘോ​ഷ​ങ്ങ​ൾ​ക്ക് ഔ​പ​ചാ​രി​ക തു​ട​ക്ക​മാ​യി. ഫെ​ബ്രു​വ​രി 25,26 ദി​വ​സ​ങ്ങ​ളി​ലാ​ണ് രാ​ജ്യം ദേ​ശീ​യ-​വി​മോ​ച​ന ദി​ന​മാ​യി ആ​ഘോ​ഷി​ക്കു​ന്ന​ത്. അ​തി​നാ​യു​ള്ള മു​ന്നൊ​രു​ക്ക​ങ്ങ​ൾ​ക്ക് രാ​ജ്യം ഒ​രു​ങ്ങി​ക്ക​ഴി​ഞ്ഞു.

രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ആ​ഘോ​ഷ​ങ്ങ​ൾ​ക്ക് തു​ട​ക്ക​മി​ട്ട് കൊ​ടി​തോ​ര​ണ​ങ്ങ​ൾ ഉ​യ​ർ​ന്നു. കു​വൈ​ത്തി​​ന്‍റെ വ​സ​ന്തോ​ത്സ​വം കൂ​ടി​യാ​ണ്​ ‘ഹ​ലാ ഫെ​ബ്രു​വ​രി’. ഒ​രു​മാ​സ​മാ​യി ന​ട​ക്കു​ന്ന ആ​ഘോ​ഷ​ത്തി​ൽ രാ​ജ്യ​ത്തെ ടൂ​റി​സം, ഷോ​പ്പി​ങ് മേ​ഖ​ല​ക്ക് ഉ​ണ​ർ​വേ​കു​ന്ന നി​ര​വ​ധി പ​രി​പാ​ടി​ക​ളു​ണ്ടാ​വും. കു​വൈ​ത്ത് സി​റ്റി, സാ​ൽ​മി​യ ഭാ​ഗ​ങ്ങ​ളി​ലാ​കും പ​രി​പാ​ടി​ക​ളു​ടെ പ്ര​ധാ​ന ഇ​ട​ങ്ങ​ൾ. ഗ്രീ​ൻ ഐ​ല​ൻ​ഡി​ലും നി​ര​വ​ധി പ​രി​പാ​ടി​ക​ൾ ആ​സൂ​ത്ര​ണം ചെ​യ്യു​ന്നു​ണ്ട്. വൈ​കു​ന്നേ​ര​ങ്ങ​ളി​ൽ വി​വി​ധ ഷോ​പ്പി​ങ് കേ​ന്ദ്ര​ങ്ങ​ളി​ൽ ക​ലാ, വി​നോ​ദ പ​രി​പാ​ടി​ക​ൾ ന​ട​ക്കും.

1961 ജൂ​ൺ 19നാ​ണ് കു​വൈ​ത്ത് ബ്രി​ട്ട​നി​ൽ​നി​ന്ന് സ്വാ​ത​ന്ത്ര്യം നേ​ടി​യ​ത്. ഈ ​ദി​ന​ത്തി​ലാ​ണ് രാ​ജ്യം സ്വാ​ത​ന്ത്ര്യ ദി​നം ആ​ഘോ​ഷി​ച്ചി​രു​ന്ന​ത്. 1964ൽ ​ആ​ഘോ​ഷം ഫെ​ബ്രു​വ​രി 25ലേ​ക്ക് മാ​റ്റി. രാ​ജ്യ​ത്തി​ന് സ്വാ​ത​ന്ത്ര്യ​ത്തി​ലേ​ക്ക് വ​ഴി​കാ​ണി​ച്ച, ആ​ധു​നി​ക കു​വൈ​ത്തി​​ന്‍റെ ശി​ൽ​പി എ​ന്ന​റി​യ​പ്പെ​ടു​ന്ന 11ാമ​ത് ഭ​ര​ണാ​ധി​കാ​രി അ​മീ​ർ ശൈ​ഖ് അ​ബ്​​ദു​ല്ല അ​ൽ​സാ​ലിം അ​സ്സ​ബാ​ഹി​​ന്‍റെ സ്​​ഥാ​നാ​രോ​ഹ​ണം ന​ട​ന്ന ഫെ​ബ്രു​വ​രി 25​ന്‍റെ സ്​​മ​ര​ണ​യി​ലാ​ണ് ഈ ​ദി​വ​സം ദേ​ശീ​യ ദി​നാ​ഘോ​ഷ​മാ​യി നി​ശ്ച​യി​ച്ച​ത്.

1991 ഫെ​ബ്രു​വ​രി 26ന് ​ഇ​റാ​ഖി അ​ധി​നി​വേ​ശ​ത്തി​ൽ മു​ക്തി നേ​ടി​യ​തി​ന്‍റെ ഓ​ർ​മ​ക്കാ​ണ് വി​മോ​ച​ന ദി​നം ആ​ഘോ​ഷി​ക്കു​ന്ന​ത്. ഇ​തോ​ടെ ഫെ​ബ്രു​വ​രി 25,26 തീ​യ​തി​ക​ൾ രാ​ജ്യ​ത്തി​ന് ദേ​ശീ​യ ആ​ഘോ​ഷ ദി​ന​ങ്ങ​ളാ​യി മാ​റി.

25, 26 തീ​യ​തി​ക​ളി​ൽ പൊ​തു അ​വ​ധി

കു​വൈ​ത്ത്സി​റ്റി: ദേ​ശീ​യ- വി​മോ​ച​ന ദി​നാ​ഘോ​ഷ​ത്തി​ന്‍റെ ഭാ​ഗ​മാ​യി ഫെ​ബ്രു​വ​രി 25, 26 തീ​യ​തി​ക​ളി​ൽ രാ​ജ്യ​ത്ത് പൊ​തു അ​വ​ധി​യാ​യി​രി​ക്കു​മെ​ന്ന് സി​വി​ൽ സ​ർ​വി​സ് ക​മീ​ഷ​ൻ അ​റി​യി​ച്ചു. ഈ ​ദി​വ​സ​ങ്ങ​ളി​ൽ മ​ന്ത്രാ​ല​യ​ങ്ങ​ൾ, സ​ർ​ക്കാ​ർ ഏ​ജ​ൻ​സി​ക​ൾ, പൊ​തു സ്ഥാ​പ​ന​ങ്ങ​ൾ എ​ന്നി​വ പ്ര​വ​ർ​ത്തി​ക്കി​ല്ല.

എ​ന്നാ​ൽ അ​ടി​യ​ന്ത​ര സ്വ​ഭാ​വ​മു​ള്ള സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കും. 27നാ​ണ് പ്ര​വ​ൃത്തി​ക​ൾ പു​ന​രാ​രം​ഭി​ക്കു​ക. ഞാ​യ​ർ, തി​ങ്ക​ൾ ദി​ന​ങ്ങ​ളി​ലാ​ണ് ദേ​ശീ​യ-​വി​മോ​ച​ന ദി​ന​ങ്ങ​ൾ എ​ന്ന​തി​നാ​ൽ വെ​ള്ളി, ശ​നി എ​ന്ന പ​തി​വ് അ​വ​ധി​ക്കൊ​പ്പം തൊ​ഴി​ലാ​ളി​ക​ൾ​ക്ക് നാ​ലു ദി​വ​സം തു​ട​ർ​ച്ച​യാ​യി അ​വ​ധി ല​ഭി​ക്കും.

പാ​റിപ്പ​റ​ന്ന് ദേ​ശീ​യ പ​താ​ക​ക​ൾ

കു​വൈ​ത്ത്സി​റ്റി: കു​വൈ​ത്ത് മു​നി​സി​പ്പാ​ലി​റ്റി രാ​ജ്യ​ത്ത് വി​വി​ധ ഇ​ട​ങ്ങ​ളി​ൽ ദേ​ശീ​യ പ​താ​ക​ക​ൾ സ്ഥാ​പി​ച്ചു. രാ​ജ്യ​ത്തെ എ​ല്ലാ ഗ​വ​ർ​ണ​റേ​റ്റു​ക​ളി​ലു​മാ​യി 183 റോ​ഡ് പ​ര​സ്യ​ങ്ങ​ളും പ​ഴ​യ പ​താ​ക​ക​ൾ​ക്ക് പ​ക​രം 3,880 പു​തി​യ പ​താ​ക​ക​ളും സ്ഥാ​പി​ച്ചി​ട്ടു​ണ്ടെ​ന്ന് പ​ബ്ലി​ക്ക് റി​ലേ​ഷ​ൻ​സ് ഡി​പ്പാ​ർ​ട്മെ​ന്‍റ് ഡ​യ​റ​ക്ട​റും മു​നി​സി​പ്പാ​ലി​റ്റി വ​ക്താ​വു​മാ​യ മു​ഹ​മ്മ​ദ് അ​ൽ സി​ന്ദ​ൻ അ​റി​യി​ച്ചു. പൊ​തു ഇ​ട​ങ്ങ​ൾ വൃ​ത്തി​യാ​യി സൂ​ക്ഷി​ക്കാ​ൻ പൗ​ര​ന്മാ​രും താ​മ​സ​ക്കാ​രും മു​നി​സി​പ്പാ​ലി​റ്റി സ്ഥാ​പ​ന​ങ്ങ​ളു​മാ​യി സ​ഹ​ക​രി​ക്ക​ണ​മെ​ന്നും അ​ദ്ദേ​ഹം അ​ഭ്യ​ർ​ഥി​ച്ചു.