കു​വൈ​ത്ത് റെ​ഡ് ക്ര​സ​ന്റ് സൊ​സൈ​റ്റി​ക്ക് നേ​പ്പാ​ളി​ന്റെ ആ​ദ​രം

കു​വൈ​ത്ത് സി​റ്റി: സ​ന്ന​ദ്ധ​പ്ര​വ​ർ​ത്ത​ന​ങ്ങ​ളി​ൽ കു​വൈ​ത്ത് റെ​ഡ് ക്ര​സ​ന്റ് സൊ​സൈ​റ്റി​ക്ക് (കെ.​ആ​ർ.​സി.​എ​സ്) നേ​പ്പാ​ളി​ന്റെ ആ​ദ​രം. നേ​പ്പാ​ളി​ലെ ജ​ന​ങ്ങ​ൾ​ക്ക് ശ​സ്ത്ര​ക്രി​യ​ക​ൾ​ക്ക് ധ​ന​സ​ഹാ​യം ന​ൽ​കി​യ​തി​ന് കെ.​ആ​ർ.​സി.​എ​സി​നെ നേ​പ്പാ​ളി​ലെ ആ​രു​സ് ലൈ​ഫ്‌ സ്റ്റൈ​ൽ ഹോ​സ്പി​റ്റ​ൽ ആ​ദ​രി​ച്ചു. മ​തം, വ​ർ​ഗം, നി​റം എ​ന്നി​വ പ​രി​ഗ​ണി​ക്കാ​തെ ദു​രി​ത​മ​നു​ഭ​വി​ക്കു​ന്ന​വ​ർ​ക്ക് സ​ഹാ​യം ന​ൽ​കു​ന്ന​തി​ൽ കു​വൈ​ത്ത് എ​ന്നും മു​ൻ​പ​ന്തി​യി​ലാ​ണെ​ന്ന് കെ.​ആ​ർ.​സി.​എ​സ് മാ​ധ്യ​മ മേ​ധാ​വി ഖാ​ലി​ദ് അ​ൽ സെ​യ്ദ് പ​റ​ഞ്ഞു. ആ​രു​സ് ലൈ​ഫ്‌ സ്റ്റൈ​ൽ ഹോ​സ്പി​റ്റ​ൽ ആ​ദ​ര​വി​നു​ശേ​ഷം സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ലോ​ക​മെ​മ്പാ​ടും വി​വേ​ച​ന​ര​ഹി​ത​മാ​യ മാ​നു​ഷി​ക സം​ഭാ​വ​ന​ക​ൾ, ആ​ശ്വാ​സം, പ​ഠ​നം, ആ​രോ​ഗ്യം സ​ഹാ​യ​ങ്ങ​ൾ എ​ന്നി​വ എ​ത്തി​ക്കാ​ൻ കെ.​ആ​ർ.​സി.​എ​സ് ശ്ര​മി​ച്ചു​വ​രു​ന്നു. ജ​ന​ങ്ങ​ൾ​ക്ക് ജീ​വി​താ​വ​ശ്യ​ങ്ങ​ളും മാ​ന്യ​മാ​യ ജീ​വി​ത​വും പ്ര​ദാ​നം ചെ​യ്യു​ന്ന​തി​ന് കൂ​ടു​ത​ൽ പ​ദ്ധ​തി​ക​ളും പ​രി​പാ​ടി​ക​ളും വി​ക​സി​പ്പി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

കു​വൈ​ത്തി​ന്റെ അ​ന്താ​രാ​ഷ്ട്ര മാ​നു​ഷി​ക വി​ക​സ​ന പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി നേ​പ്പാ​ളി​ൽ കെ.​ആ​ർ.​സി.​എ​സ് മൂ​ന്നാ​മ​ത്തെ മെ​ഡി​ക്ക​ൽ കാ​മ്പ​യി​ൻ സം​ഘ​ടി​പ്പി​ച്ചു​വ​രു​ക​യാ​ണെ​ന്ന് ഡോ. ​അ​ബ്ദു​ല​ത്തീ​ഫ് അ​ൽ തു​ർ​ക്കി പ​റ​ഞ്ഞു.

നേ​പ്പാ​ളി​ലെ ആ​രു​സ് ലൈ​ഫ് സ്റ്റൈ​ൽ ഹോ​സ്പി​റ്റ​ലി​ൽ പാ​വ​പ്പെ​ട്ട രോ​ഗി​ക​ൾ​ക്കാ​യി ചാ​രി​റ്റി​യു​ടെ മെ​ഡി​ക്ക​ൽ ടീം 30 ​ശ​സ്ത്ര​ക്രി​യ​ക​ൾ ഇ​തി​ന​കം ന​ട​ത്തി​യി​ട്ടു​ണ്ട്.