മ​ൾ​ട്ടി​നാ​ഷ​നൽ ക​മ്പ​നി​ക​ൾ​ക്ക് പു​തി​യ നി​കു​തി ഇ​ന്നു മു​ത​ൽ

കു​വൈ​ത്ത് സി​റ്റി: രാ​ജ്യ​ത്ത് മ​ൾ​ട്ടി​നാ​ഷ​ന​ൽ ക​മ്പ​നി​ക​ൾ​ക്ക് പു​തി​യ നി​കു​തി ഏ​ർ​പ്പെ​ടു​ത്തി​യ​ത് ഇ​ന്നു മു​ത​ൽ നി​ല​വി​ൽ​വ​രും. ക​ഴി​ഞ്ഞ മ​ന്ത്രി​സ​ഭ യോ​ഗ​ത്തി​ൽ പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​്മദ് അ​സ്സ​ബാ​ഹി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന മ​ന്ത്രി​സ​ഭ യോ​ഗ​ത്തി​ലാ​ണ് ഈ ​തീ​രു​മാ​നം കൈ​ക്കൊ​ണ്ട​ത്.

ആ​ഗോ​ള നി​കു​തി ച​ട്ട​ങ്ങ​ൾ അ​നു​സ​രി​ച്ചാ​ണ് ബ​ഹു​രാ​ഷ്ട്ര സ്ഥാ​പ​ന​ങ്ങ​ൾ​ക്ക് 15 ശ​ത​മാ​നം നി​കു​തി ചു​മ​ത്തു​ന്ന​ത്. ജ​നു​വ​രി ഒ​ന്നു മു​ത​ൽ പ്രാ​ബ​ല്യ​ത്തി​ൽ വ​രു​ന്ന നി​യ​മ​ത്തി​ലൂ​ടെ നി​കു​തി വെ​ട്ടി​പ്പ് ത​ട​യു​ക​യും നി​കു​തി വ​രു​മാ​നം ഉ​റ​പ്പാ​ക്കു​ക​യും ചെ​യ്യു​ക​യാ​ണ് ല​ക്ഷ്യം.

മ​ൾ​ട്ടി​നാ​ഷ​ന​ൽ എ​ന്‍റ​ർ​പ്രൈ​സ​സ് (എം.​എ​ൻ.​ഇ) നി​കു​തി ദേ​ശീ​യ സ​മ്പ​ദ്‌​വ്യ​വ​സ്ഥ​യും മ​ത്സ​ര​ക്ഷ​മ​ത വ​ർ​ധി​പ്പി​ക്കു​ന്ന​തി​നും സ​ഹാ​യി​ക്കു​മെ​ന്ന് ധ​ന​കാ​ര്യ മ​ന്ത്രി​യും സാ​മ്പ​ത്തി​ക കാ​ര്യ, നി​ക്ഷേ​പ സ​ഹ​മ​ന്ത്രി​യു​മാ​യ നോ​റ അ​ൽ ഫ​സ്സം വ്യ​ക്ത​മാ​ക്കി. സാ​മ്പ​ത്തി​ക വി​ക​സ​ന​ത്തി​നും സു​സ്ഥി​ര​ത​ക്കും വേ​ണ്ടി​യു​ള്ള കു​വൈ​ത്തി​ന്‍റെ ശ്ര​മ​ങ്ങ​ൾ​ക്ക് ഊ​ന്ന​ൽ ന​ൽ​കു​ന്ന​താ​ണ് ന​ട​പ​ടി.

നി​കു​തി വ​രു​മാ​നം വൈ​വി​ധ്യ​വ​ത്ക​രി​ക്ക​ൽ, എ​ണ്ണ വ​രു​മാ​ന​ത്തെ ആ​ശ്ര​യി​ക്കു​ന്ന​ത് കു​റ​ക്ക​ൽ എ​ന്നി​വ വ​ഴി ഭാ​വി​യി​ലെ വെ​ല്ലു​വി​ളി​ക​ളെ ത​ര​ണം ചെ​യ്യാ​ൻ ക​ഴി​യു​ന്ന സ​മ്പ​ദ്‌​വ്യ​വ​സ്ഥ കെ​ട്ടി​പ്പ​ടു​ക്കാ​നാ​ണ് ശ്ര​മം. കു​വൈ​ത്തി​ന്‍റെ സ​മ്പ​ദ്‌​വ്യ​വ​സ്ഥ വൈ​വി​ധ്യ​വ​ത്ക​ര​ണ​ത്തി​ന്‍റെ​യും മ​ത്സ​ര​ക്ഷ​മ​ത​യു​ടെ​യും ഒ​രു പു​തി​യ ഘ​ട്ട​ത്തി​ലേ​ക്ക് അ​ടു​ക്കു​ക​യാ​ണെ​ന്നും അ​ൽ ഫ​സ്സം ചൂ​ണ്ടി​ക്കാ​ട്ടി.