പു​തി​യ ട്രാ​ഫി​ക് പി​ഴ​ക​ൾ: റെ​ഡ് ലൈ​റ്റ് ലം​ഘി​ച്ചാ​ൽ പി​ഴ 150 ദീ​നാ​ർ

കു​വൈ​ത്ത് സി​റ്റി: ഗ​താ​ഗ​ത നി​യ​മ​ലം​ഘ​ന​ങ്ങ​ൾ​ക്കെ​തി​രെ ശ​ക്ത​മാ​യ ന​ട​പ​ടി​യ​ുമാ​യി അ​ധി​കൃ​ത​ർ. റോ​ഡ് സു​ര​ക്ഷ മെ​ച്ച​പ്പെ​ടു​ത്തു​ന്ന​തി​നും ഡ്രൈ​വ​ർ​മാ​രു​ടെ അ​ശ്ര​ദ്ധ​മാ​യ പെ​രു​മാ​റ്റം ത​ട​യ​ലും ല​ക്ഷ്യ​മി​ട്ടാ​ണ് പു​തി​യ ന​ട​പ​ടി​ക​ൾ. ട്രാ​ഫി​ക് നി​യ​മ​ത്തി​ൽ സു​പ്ര​ധാ​ന മാ​റ്റ​ങ്ങ​ൾ വ​രു​ത്തു​മെ​ന്ന് സു​ര​ക്ഷാ മാ​ധ്യ​മ വി​ഭാ​ഗം ഡ​യ​റ​ക്ട​ർ ബ്രി​ഗേ​ഡി​യ​ർ നാ​സ​ർ ബൗ​സ്ലൈ​ബ് അ​റി​യി​ച്ചു.

ഇ​തി​ന്റെ ഭാ​ഗ​മാ​യി ട്രാ​ഫി​ക് ലം​ഘ​ന​ങ്ങ​ൾ​ക്കു​ള്ള പി​ഴ​ക​ൾ വ​ർ​ധി​പ്പി​ച്ചു. അ​ശ്ര​ദ്ധ​മാ​യി വാ​ഹ​ന​മോ​ടി​ക്കു​ന്ന​തി​നു​ള്ള പി​ഴ 30 ദീ​നാ​റി​ൽ നി​ന്ന് 150 ദീ​നാ​റാ​യി ഉ​യ​ർ​ത്തി. റെ​ഡ് ലൈ​റ്റ് ലം​ഘ​ന​ത്തി​നു​ള്ള പി​ഴ 50ൽ ​നി​ന്ന് 150 ദീ​നാ​റാ​ക്കി​യും വ​ർ​ധി​പ്പി​ച്ചു.

‘അ​ൽ-​അ​ഖ്ബ​ർ ചാ​ന​ലി​ന്’ ന​ൽ​കി​യ പ്ര​സ്താ​വ​ന​യി​ലാ​ണ് ബ്രി​ഗേ​ഡി​യ​ർ ബൗ​സ്ലൈ​ബ് ഇ​ക്കാ​ര്യം വ്യ​ക്ത​മാ​ക്കി​യ​ത്. ട്രാ​ഫി​ക് സു​ര​ക്ഷാ പ്ര​ശ്‌​ന​ങ്ങ​ൾ പ​രി​ഹ​രി​ക്കാ​നു​ള്ള വി​പു​ല​മാ​യ ശ്ര​മ​ത്തി​ന്റെ ഭാ​ഗ​മാ​ണ് ഈ ​മാ​റ്റം. നി​യ​മ​ലം​ഘ​ക​ർ​ക്കെ​തി​രെ ഡീ​മെ​റി​റ്റ് പോ​യ​ന്റു​ക​ൾ രേ​ഖ​പ്പെ​ടു​ത്ത​ൽ എ​ന്നി​വ ഉ​ൾ​പ്പെ​ടെ​യു​ള്ള മ​റ്റ് പി​ഴ​ക​ളും പു​തി​യ ച​ട്ട​ങ്ങ​ളി​ൽ ഉ​ണ്ട്. ആ​വ​ർ​ത്തി​ച്ചു​ള്ള നി​യ​മ​ലം​ഘ​ക​ർ​ക്കെ​തി​രെ ഡ്രൈ​വി​ങ് ലൈ​സ​ൻ​സ് പി​ൻ​വ​ലി​ക്ക​ൽ അ​ട​ക്ക​മു​ള്ള ന​ട​പ​ടി​ക​ൾ സ്വീ​ക​രി​ക്കും. ഇ​ത് പു​നഃ​സ്ഥാ​പി​ക്കു​ന്ന​തി​ന് മു​മ്പ് പു​തി​യ ഡ്രൈ​വി​ങ് ടെ​സ്റ്റ് വി​ജ​യി​ക്ക​ൽ ഉ​ൾ​പ്പെ​ടെ​യു​ള്ള ന​ട​പ​ടി​ക​ളും നേ​രി​ടേ​ണ്ടി വ​ന്നേ​ക്കാ​മെ​ന്നും അ​ദ്ദേ​ഹം സൂ​ച​ന ന​ൽ​കി.