നൈ​റ്റിം​ഗേ​ല്‍സ് ഓ​ഫ് കു​വൈ​ത്ത് 'നൈ​റ്റിം​ഗേ​ല്‍സ് ഗാ​ല' വെ​ള്ളി​യാ​ഴ്ച

കു​വൈ​ത്ത്‌ സി​റ്റി: ഫ​ര്‍വാ​നി​യ റീ​ജ്യ​ണി​ലെ ആ​ശു​പ​ത്രി, ക്ലി​നി​ക്കു​ക​ള്‍ എ​ന്നി​വ​ട​ങ്ങ​ളി​ലെ ഇ​ന്ത്യ​ന്‍ ന​ഴ്‌​സു​മാ​രു​ടെ കൂ​ട്ടാ​യ​മ​യാ​യ നൈ​റ്റിം​ഗേ​ല്‍സ് ഓ​ഫ് കു​വൈ​ത്ത് അ​ന്ത​രാ​ഷ്ട്ര നേ​ഴ്സ​സ് ദി​ന​ത്തോ​ട് അ​നു​ബ​ന്ധി​ച്ച് 'നൈ​റ്റിം​ഗേ​ല്‍സ് ഗാ​ല- 2024' സം​ഘ​ടി​പ്പി​ക്കു​ന്നു. മേ​യ് 17 ന് ​ജ​ലീ​ബ് ആ​സ്‍പെ​യ​ർ ഇ​ന്ത്യ​ൻ ഇ​ന്റ​ർ​നാ​ഷ​ന​ൽ സ്കൂ​ളി​ലാ​ണ് ആ​ഘോ​ഷം. വൈ​കീ​ട്ട് മൂ​ന്നു മു​ത​ൽ പ​ത്ത് മ​ണി വ​രെ​യാ​ണ് പ​രി​പാ​ടി​യെ​ന്ന് ഭാ​ര​വാ​ഹി​ക​ള്‍ വാ​ര്‍ത്താ​സ​മ്മേ​ള​ന​ത്തി​ല്‍ അ​റി​യി​ച്ചു.

ന​ട​നും ഗാ​യ​ക​നു​മാ​യ മ​നോ​ജ്. കെ. ​ജ​യ​ന്‍ മു​ഖ്യാ​ഥി​തി​യാ​യി പ​​ങ്കെ​ടു​ക്കും. ആ​രോ​ഗ്യ മ​ന്ത്രാ​ല​യ​ത്തി​ന്റെ കീ​ഴി​ലു​ള്ള ഫ​ര്‍വാ​നി​യ ഹോ​സ്പി​റ്റ​ലി​ലെ ഡ​യ​റ​ക്ട​ന്മാ​രും, മെ​റ്റോ​ണ്‍ന്മാ​രും സം​ബ​ന്ധി​ക്കും. വൈ​കി​ട്ട് ആ​റി​ന് ന​ട​ക്കു​ന്ന പൊ​തു​സ​മ്മേ​ള​ന​ത്തി​ല്‍ സീ​നി​യ​ര്‍ നേ​ഴ്സു​മാ​രെ ആ​ദ​രി​ക്കും. തു​ട​ര്‍ന്ന് മ​നോ​ജ് കെ.​ജ​യ​ന്റെ ഗാ​ന​ങ്ങ​ളും ഒ​രു​ക്കി​യി​ട്ടു​ണ്ട്. ഉ​ച്ച​ക​ഴി​ഞ്ഞ് മൂ​ന്ന് മു​ത​ല്‍ നേ​ഴ്‌​സു​മാ​രും, അ​വ​രു​ടെ കു​ട്ടി​ക​ളും അ​വ​ത​രി​പ്പി​ക്കു​ന്ന വി​വി​ധ ക​ലാ​പ​രി​പാ​ടി​ക​ളും, ഡി.​കെ. ഗ്രൂ​പ്പി​ന്റെ വി​വി​ധ പ​രി​പാ​ടി​ക​ളും, ഡീ​ലേ​ഴ്‌​സ് ഗ്രൂ​പ്പി​ന്റെ ഗാ​ന​മേ​ള​യും ക്ര​മീ​ക​രി​ച്ചി​ട്ടു​ണ്ട്.

2016 ല്‍ ​ആ​രം​ഭി​ച്ച നൈ​റ്റിം​ഗേ​ല്‍സ് ഓ​ഫ് കു​വൈ​ത്ത് ക​ഴി​ഞ്ഞ കാ​ല​ങ്ങ​ളി​ല്‍ നി​ര​വ​ധി ജീ​വ കാ​രു​ണ്യ പ്ര​വ​ര്‍ത്ത​ന​ങ്ങ​ള്‍ ന​ട​ത്തി​യി​ട്ടു​ണ്ട്. ഫ​ര്‍വാ​നി​യ റീ​ജ്യ​ന​ലി​ന്റെ കീ​ഴി​ലു​ള്ള ഫ​ര്‍വാ​നി​യ ആ​ശു​പ​ത്രി കൂ​ടാ​തെ 22 ക്ലി​നി​ക്കി​ല്‍ നി​ന്നു​മാ​യി 500 ല്‍ ​അ​ധി​കം അം​ഗ​ങ്ങ​ള്‍ സം​ഘ​ട​ന​ക്കു​ണ്ടെ​ന്നും ഭാ​ര​വാ​ഹി​ക​ൾ അ​റി​യി​ച്ചു. വാ​ര്‍ത്താ​സ​മ്മേ​ള​ന​ത്തി​ല്‍ പ്ര​സി​ഡ​ന്റ് സി​റി​ള്‍. ബി. ​മാ​ത്യു, സെ​ക്ര​ട്ട​റി ട്രീ​സാ എ​ബ്രാ​ഹം, ട്ര​ഷ​റ​ന്മാ​രാ​യ എ​ബി ചാ​ക്കോ തോ​മ​സ്, സോ​ബി​ന്‍ തോ​മ​സ്, പ്രോ​ഗ്രാം ക​ണ്‍വീ​ന​ർ​മാ​രാ​യ സൗ​മ്യാ എ​ബ്രാ​ഹം, സു​മി ജോ​ണ്‍, സു​വ​നീ​ര്‍ ക​ണ്‍വീ​ന​ര്‍ ബി​ന്ദു ത​ങ്ക​ച്ച​ന്‍ എ​ന്നി​വ​ര്‍ പ​​ങ്കെ​ടു​ത്തു.