റസ്​റ്റാറൻറ്​ പ്രവർത്തന സമയത്തിൽ മാറ്റമില്ല

കു​വൈ​ത്ത്​ സി​റ്റി: കു​വൈ​ത്തി​ൽ റ​സ്​​റ്റാ​റ​ൻ​റു​ക​ളു​ടെ പ്ര​വ​ർ​ത്ത​ന സ​മ​യ​ത്തി​ലും മ​റ്റ്​ കോ​വി​ഡ്​ കാ​ല നി​യ​ന്ത്ര​ണ​ങ്ങ​ളി​ലും മാ​റ്റം വ​രു​ത്തേ​ണ്ടെ​ന്ന്​ മ​ന്ത്രി​സ​ഭ യോ​ഗം തീ​രു​മാ​നി​ച്ചു. ക​ഴി​ഞ്ഞ ദി​വ​സ​ങ്ങ​ളി​ൽ കോ​വി​ഡ്​ രോ​ഗി​ക​ളു​ടെ എ​ണ്ണ​ത്തി​ലു​ണ്ടാ​യ വ​ർ​ധ​ന​യാ​ണ്​ ത​ൽ​ക്കാ​ലം നി​ല​വി​ലെ സ്ഥി​തി തു​ട​രാ​മെ​ന്ന്​ തീ​രു​മാ​നി​ക്കാ​ൻ കാ​ര​ണം.

ക​ഴി​ഞ്ഞ ദി​വ​സം കൊ​റോ​ണ വൈ​റ​സി​െൻറ ഇ​ന്ത്യ​ൻ വ​ക​ഭേ​ദം രാ​ജ്യ​ത്ത്​ ക​ണ്ടെ​ത്തി​യ പ​ശ്ചാ​ത്ത​ല​ത്തി​ൽ കൂ​ടി​യാ​ണ്​ കൊ​റോ​ണ എ​മ​ർ​ജ​ൻ​സി ക​മ്മി​റ്റി​യു​ടെ ശി​പാ​ർ​ശ അ​നു​സ​രി​ച്ചു​ള്ള തീ​രു​മാ​നം. ​കോ​വി​ഡ്​ കാ​ല നി​യ​ന്ത്ര​ണ​ങ്ങ​ൾ ക്ര​മേ​ണ നീ​ക്കി രാ​ജ്യം സാ​ധാ​ര​ണ ജീ​വി​ത​ത്തി​ലേ​ക്ക്​ ന​ട​ന്ന​ടു​ക്കു​ന്ന​തി​നി​ടെ​യാ​ണ്​ ക​ഴി​ഞ്ഞ ആ​ഴ്​​ച കോ​വി​ഡ്​ കേ​സു​ക​ൾ വ​ർ​ധി​ച്ചു​വ​രു​ന്ന പ്ര​വ​ണ​ത​യു​ണ്ടാ​യ​ത്. മ​ര​ണ​നി​ര​ക്കി​ലും തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യു​ന്ന​വ​രു​ടെ എ​ണ്ണ​ത്തി​ലും വ​ർ​ധ​ന​യു​ണ്ട്.

കു​ട്ടി​ക​ളു​ടെ ക​ളി​പ്പാ​ട്ട​ങ്ങ​ളു​ടെ വ്യാ​പാ​ര​കേ​ന്ദ്ര​ങ്ങ​ൾ, ശീ​ഷ​ക്ക​ട​ക​ൾ എ​ന്നി​വ തു​റ​ക്കാ​ൻ അ​നു​മ​തി ന​ൽ​കാ​ൻ ആ​ലോ​ച​ന​യു​ണ്ടാ​യി​രി​ക്കെ​യാ​ണ്​ വീ​ണ്ടും കേ​സു​ക​ൾ വ​ർ​ധി​ച്ച​തെ​ന്ന്​ ഉ​ന്ന​ത വൃ​ത്ത​ങ്ങ​ളെ ഉ​ദ്ധ​രി​ച്ച്​ പ്രാ​ദേ​ശി​ക പ​ത്രം റി​പ്പോ​ർ​ട്ട്​ ചെ​യ്​​തു. വ്യാ​പ​ന ശേ​ഷി​യു​​ള്ള ഡെ​ൽ​റ്റ വ​ക​ഭേ​ദം ക​ണ്ടെ​ത്തി​യ സാ​ഹ​ച​ര്യ​ത്തി​ൽ ക​ന​ത്ത ജാ​ഗ്ര​ത​യി​ലാ​ണ്​ അ​ധി​കൃ​ത​ർ. ജ​ന​ങ്ങ​ളോ​ടും ജാ​ഗ്ര​ത പാ​ലി​ക്ക​ണ​മെ​ന്ന്​ അ​ഭ്യ​ർ​ഥി​ച്ചി​ട്ടു​ണ്ട്.