കുവൈത്തിൽ പുതിയ കോവിഡ്​ റിപ്പോർട്ടില്ല

കുവൈത്ത്​ സിറ്റി: കുവൈത്തിൽ ചൊവ്വാഴ്​ച പുതിയ കോവിഡ്​ റിപ്പോർട്ട്​ ചെയ്​തില്ല. ഇപ്പോൾ 56 പേരാണ്​ കൊറോണ വൈറസ്​ ബാധിച്ച്​ രാജ്യത്ത്​ പ്ര​ത്യേക പരിചരണത്തിൽ കഴിയുന്നത്​. അതിനിടെ കോവിഡ്​ സംശയിച്ച സ്വദേശിയായ വിമാനത്താവള ജീവനക്കാരിക്ക്​ വൈറസ്​ ബാധയില്ലെന്ന്​ വ്യക്​തമായി. വൈറസ്​ ബാധിതരെ പാർപ്പിച്ച ഖൈറാനിലെ ക്യാമ്പിൽ വിവിധ മന്ത്രാലയങ്ങളിലെ പ്രതിനിധികൾ ഉൾപ്പെടുന്ന പ്രത്യേക സംഘം സേവനം ചെയ്യുന്നുണ്ട്​.