ഉച്ചജോലി വിലക്ക്​: ഇൗ വർഷം നിയമലംഘനം കുറഞ്ഞു

കു​വൈ​ത്ത്​ സി​റ്റി: ഉ​ച്ച​സ​മ​യ​​ത്തെ പു​റം ജോ​ലി വി​ല​ക്കു​മാ​യി ബ​ന്ധ​പ്പെ​ട്ട്​ ഇൗ ​വ​ർ​ഷം നി​യ​മ​ലം​ഘ​നം കു​റ​ഞ്ഞ​താ​യി നാ​ഷ​ന​ൽ സെൻറ​ർ ഫോ​ർ ഒ​ക്യു​പേ​ഷ​ന​ൽ സേ​ഫ്റ്റി അ​ധി​കൃ​ത​ർ വ്യ​ക്​​ത​മാ​ക്കി. തൊ​ഴി​ലു​ട​മ​ക​ൾ​ക്കും ക​രാ​റു​കാ​ർ​ക്കും തൊ​ഴി​ലാ​ളി​ക​ൾ​ക്കും ഇ​ട​യി​ൽ ന​ട​ത്തി​യ അ​വ​ബോ​ധ ശ്ര​മ​ങ്ങ​ളും നി​ര​ന്ത​രം ന​ട​ത്തി​യ പ​രി​ശോ​ധ​ന​ക​ളും ഫ​ലം ചെ​യ്​​ത​താ​യാ​ണ്​ ഇ​ത്​ സൂ​ചി​പ്പി​ക്കു​ന്ന​ത്.

ജൂ​ൺ ഒ​ന്നു​മു​ത​ൽ ആ​ഗ​സ്​​റ്റ്​ 31 വ​രെ രാ​വി​ലെ 11 മു​ത​ൽ വൈ​കീ​ട്ട്​ നാ​ലു​വ​രെ​ സൂ​ര്യാ​ത​പം ഏ​ൽ​ക്കു​ന്ന ത​ര​ത്തി​ൽ തു​റ​ന്ന സ്​​ഥ​ല​ങ്ങ​ളി​ൽ ജോ​ലി ചെ​യ്യി​ക്കാ​ൻ പാ​ടി​ല്ല. നി​യ​മ​ലം​ഘ​ന​മു​ണ്ടോ എ​ന്ന്​ പ​രി​ശോ​ധി​ക്കാ​ൻ പ്ര​ത്യേ​ക സം​ഘ​ത്തെ ചു​മ​ത​ല​പ്പെ​ടു​ത്തി​യി​ട്ടു​ണ്ട്. രാ​ജ്യ​ത്ത് തു​ട​ര്‍ന്നു​കൊ​ണ്ടി​രി​ക്കു​ന്ന ക​ടു​ത്ത ചൂ​ട് പ​രി​ഗ​ണി​ച്ചാ​ണ്​ ഉ​ച്ച​സ​മ​യ​ത്തെ പു​റം​ജോ​ലി വി​ല​ക്കി​യ​ത്.

ഉ​ച്ച​വി​ശ്ര​മ​ത്തി​നാ​യി ന​ൽ​കു​ന്ന സ​മ​യ​ന​ഷ്​​ടം ഒ​ഴി​വാ​ക്കു​ന്ന​തി​ന് നി​ശ്ചി​ത​സ​മ​യം ആ​രം​ഭി​ക്കു​ന്ന​തി​നു​മു​മ്പ്​ രാ​വി​ലെ​യോ ജോ​ലി അ​വ​സാ​നി​ക്കു​ന്ന സ​മ​യ​ത്തി​നു​ശേ​ഷ​മോ ആ​വ​ശ്യ​മെ​ങ്കി​ൽ കൂ​ടു​ത​ൽ സ​മ​യം ജോ​ലി ചെ​യ്യി​ക്കാ​ൻ തൊ​ഴി​ലു​ട​മ​ക​ൾ​ക്ക് അ​വ​കാ​ശ​മു​ണ്ടാ​കും.