എൻ.എസ്​.എസ്​ ഭാരവാഹികള്‍ ഇന്ത്യന്‍ സ്ഥാനപതിയെ സന്ദര്‍ശിച്ചു

കുവൈത്ത്​ സിറ്റി: നായര്‍ സര്‍വിസ് സൊസൈറ്റി കുവൈത്ത്​ ഭാരവാഹികള്‍ ഇന്ത്യന്‍ സ്ഥാനപതി സിബി ജോര്‍ജിനെ സന്ദര്‍ശിച്ചു.ജനറല്‍ സെക്രട്ടറി ഗുണപ്രസാദ് ഭാരവാഹികളെ പരിചയപ്പെടുത്തുകയും എന്‍.എസ്.എസ് കുവൈത്തി​െൻറ പ്രവര്‍ത്തന റിപ്പോര്‍ട്ട് സ്ഥാനപതിക്ക് സമര്‍പ്പിക്കുകയും ചെയ്തു. ജീവകാരുണ്യ പ്രവര്‍ത്തനങ്ങൾ പ്രസിഡൻറ്​ ജയകുമാര്‍ വിശദീകരിച്ചു. ഇന്ത്യന്‍ സമൂഹം നേരിടുന്ന വിവിധ പ്രശ്നങ്ങൾ സ്ഥാനപതിയുടെ ശ്രദ്ധയില്‍പ്പെടുത്തി.

അംബാസഡറായി സ്ഥാനമേറ്റശേഷം എംബസിയില്‍ ഏര്‍പ്പെടുത്തിയ ഭരണപരിഷ്കാരങ്ങളെ ഭാരവാഹികള്‍ അഭിനന്ദിച്ചു.പ്രസിഡൻറ്​ ജയകുമാര്‍, ജനറൽ സെക്രട്ടറി ഗുണപ്രസാദ്, ട്രഷറർ നിഷാന്ത് മേനോന്‍, വെല്‍ഫെയര്‍ കോഒാഡിനേറ്റര്‍ രാജേഷ് കുമാര്‍ നായര്‍, സജിത്ത് സി. നായര്‍, സുജിത് സുരേശന്‍ എന്നിവരാണ് സംഘത്തിലുണ്ടായിരുന്നത്​.