നഴ്സറികൾ ജൂണിൽ തുറക്കുമെന്ന്​ സാമൂഹികക്ഷേമ മന്ത്രാലയം

കു​വൈ​ത്ത് സി​റ്റി: കോ​വി​ഡ് വ്യാ​പ​ന പ​ശ്ചാ​ത്ത​ല​ത്തി​ൽ അ​ട​ച്ചി​ട്ട കു​വൈ​ത്തി​ലെ ന​ഴ്സ​റി​ക​ൾ ജൂ​ണി​ൽ തു​റ​ന്നു​പ്ര​വ​ർ​ത്തി​ക്കും. ന​ഴ്സ​റി​ക​ളു​ടെ പ്ര​വ​ർ​ത്ത​നം പു​ന​രാ​രം​ഭി​ക്കാ​ൻ അ​നു​മ​തി ന​ൽ​കി​യ​താ​യി ആ​രോ​ഗ്യ മ​ന്ത്രാ​ല​യ​ത്തി​ലെ കോ​വി​ഡ് എ​മ​ർ​ജ​ൻ​സി ക​മ്മി​റ്റി ഏ​പ്രി​ലി​ൽ അ​റി​യി​ച്ചി​രു​ന്നു. മ​റ്റു ന​ട​പ​ടി​ക്ര​മ​ങ്ങ​ളു​മാ​യി ബ​ന്ധ​പ്പെ​ട്ട്​ സാ​മൂ​ഹി​ക ക്ഷേ​മ മ​ന്ത്രാ​ല​യ​വും ആ​രോ​ഗ്യ മ​ന്ത്രാ​ല​യ​വും കൂ​ടി​ക്കാ​ഴ്​​ച ന​ട​ത്തി. പ്ര​വ​ർ​ത്ത​നം പു​ന​രാ​രം​ഭി​ക്കു​ന്ന​തി​നു മു​മ്പാ​യി ഓ​രോ ന​ഴ്സ​റി​യി​ലും അ​ധ്യാ​പ​ക​രും മ​റ്റു ജീ​വ​ന​ക്കാ​രും കോ​വി​ഡ് പ്ര​തി​രോ​ധ കു​ത്തി​വെ​പ്പെ​ടു​ത്ത്​ സ​ർ​ട്ടി​ഫി​ക്ക​റ്റ് ഹാ​ജ​രാ​ക്ക​ണം.

ആ​രോ​ഗ്യ സു​ര​ക്ഷാ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്ക​പ്പെ​ടു​െ​ന്ന​ന്ന്​ ഉ​റ​പ്പാ​ക്കേ​ണ്ട ഉ​ത്ത​ര​വാ​ദി​ത്തം ന​ഴ്​​സ​റി ഉ​ട​മ​ക​ൾ​ക്കാ​ണ്. ഇ​തു പ​രി​ശോ​ധി​ക്കാ​ൻ മ​ന്ത്രാ​ല​യ ഉ​ദ്യോ​ഗ​സ്ഥ​ർ സ​ന്ദ​ർ​ശ​നം ന​ട​ത്തും. ര​ക്ഷി​താ​ക്ക​ളും ഇ​ത്​​ ഉ​റ​പ്പു​വ​രു​ത്ത​ണം. ഒ​രു വ​ർ​ഷ​ത്തി​ലേ​റെ​യാ​യി ന​ഴ്​​സ​റി​ക​ൾ അ​ട​ഞ്ഞു​കി​ട​ക്കു​ക​യാ​ണ്. പ്ര​ത്യേ​ക പ​രി​ച​ര​ണം ല​ഭി​ക്കേ​ണ്ട കു​ട്ടി​ക​ൾ​ക്ക്​ ന​ഴ്​​സ​റി​ക​ൾ തു​റ​ക്കാ​ത്ത​തി​നാ​ൽ വി​വി​ധ പ്ര​യാ​സ​ങ്ങ​ൾ നേ​രി​ടു​ന്നു​ണ്ട്.

പ്ര​ത്യേ​കി​ച്ച്​ ഭി​ന്ന​ശേ​ഷി​ക്കാ​രാ​യ കു​ട്ടി​ക​ളു​ടെ ന​ഴ്​​സ​റി​ക​ളാ​ണ്​ വേ​ഗ​ത്തി​ൽ തു​റ​ക്കേ​ണ്ട​ത്. പ​രി​ശീ​ല​നം സി​ദ്ധി​ച്ച അ​ധ്യാ​പ​ക​രും തെ​റ​പ്പി​സ്​​റ്റു​ക​ളും ന​ൽ​കി​യി​രു​ന്ന പ​രി​ച​ര​ണം കി​ട്ടാ​താ​യ​തോ​ടെ കു​ട്ടി​ക​ളു​ടെ പെ​രു​മാ​റ്റ​ത്തി​ൽ വ​രു​ന്ന മാ​റ്റം കൈ​കാ​ര്യം ചെ​യ്യാ​നാ​വാ​തെ ബു​ദ്ധി​മു​ട്ടു​ക​യാ​ണ് മാ​താ​പി​താ​ക്ക​ൾ. നേ​ര​ത്തേ സ്വ​ന്ത​മാ​ക്കി​യ പ​ല ക​ഴി​വു​ക​ളും ഇൗ ​കു​ട്ടി​ക​ൾ​ക്ക്​ ന​ഷ്​​ട​മാ​യി. മു​ട​ങ്ങി​യ സ്​​പീ​ച് തെ​റ​പ്പി ആ​ദ്യം മു​ത​ൽ ആ​രം​ഭി​ക്കേ​ണ്ട സ്ഥി​തി​യാ​ണ്. സം​സാ​ര വൈ​ക​ല്യം മു​ത​ൽ ഒാ​ട്ടി​സം വ​രെ പ​ല​വി​ധ അ​വ​സ്ഥ​യി​ലു​ള്ള ഭി​ന്ന​ശേ​ഷി​ക്കാ​രു​​ണ്ട്.

പ്ര​ത്യേ​ക പ​രി​ശീ​ല​ന​വും ഉ​പ​ക​ര​ണ​ങ്ങ​ൾ ഉ​പ​യോ​ഗി​ച്ചു​ള്ള ക​ളി​ക​ളും ഇ​വ​രി​ൽ മി​നി​മം ശേ​ഷി വ​ള​ർ​ത്തി​യെ​ടു​ക്കാ​ൻ സ​ഹാ​യി​ക്കാ​റു​ണ്ട്. സ്വ​ന്തം കാ​ര്യ​ങ്ങ​ൾ നി​ർ​വ​ഹി​ക്കാ​നു​ള്ള ശേ​ഷി സ്​​പെ​ഷ​ൽ സ്​​കൂ​ളു​ക​ളി​ലും സ്​​പെ​ഷ​ൽ ന​ഴ്​​സ​റി​ക​ളി​ലും ല​ഭി​ക്കു​ന്ന പ​രി​​ശീ​ല​ന​ത്തി​ലൂ​ടെ​യും പ​രി​ച​ര​ണ​ത്തി​ലൂ​ടെ​യും കൈ​വ​രും.

കോ​വി​ഡ്​ പ്ര​തി​സ​ന്ധി നീ​ണ്ട​പ്പോ​ൾ വീ​ട്ടി​ലി​രി​ക്കാ​ൻ നി​ർ​ബ​ന്ധി​ത​രാ​വു​ക​യും ക​ഴി​വു​ക​ൾ ന​ഷ്​​ട​മാ​വു​ക​യു​മാ​യി​രു​ന്നു. ഹൈ​പ​ർ ആ​ക്​​ടി​വ്​ പോ​ലെ​യു​ള്ള പ്ര​ത്യേ​ക സ്വ​ഭാ​വ​ങ്ങ​ൾ ഇ​വ​ർ കാ​ണി​ക്കു​ന്നു. പ​ല​ത​രം ആ​ക്​​ടി​വി​റ്റി​ക​ളി​ലൂ​ടെ​യാ​ണ്​ ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ​ക്ക്​ അ​ത്യാ​വ​ശ്യം വേ​ണ്ട ക​ഴി​വു​ക​ൾ വ​ള​ർ​ത്തി​യെ​ടു​ക്കു​ന്ന​ത്. മ​റ്റു കു​ട്ടി​ക​ളു​മാ​യു​ള്ള സ​മ്പ​ർ​ക്കം ഇ​ക്കാ​ര്യ​ത്തി​ൽ നി​ർ​ണാ​യ​ക​മാ​ണ്. ഇ​ക്കാ​ര​ണം കൊ​ണ്ടു​ത​ന്നെ സ്​​പെ​ഷ​ൽ സ്​​കൂ​ളു​ക​ൾ ക​ടു​ത്ത നി​യ​ന്ത്ര​ണ​ങ്ങ​ളോ​ടെ ക​ഴി​ഞ്ഞ ഡി​സം​ബ​റി​ൽ തു​റ​ന്നു​ന​ൽ​കി. എ​ന്നാ​ൽ, ന​ഴ്​​സ​റി​ക​ൾ​ക്ക്​ തു​റ​ക്കാ​ൻ അ​നു​മ​തി ന​ൽ​കി​യി​രു​ന്നി​ല്ല.